1 Samuéu 14:29 - ꞌRe Ihâimana Uꞌâsi Mono Zadawa Wasuꞌu

²⁹ Tawamhã Zonata ma ãma sada'â ãne: — Ĩmama hã ma tô rob'manharĩ wasété, wanhib'a'uwẽ norĩ ma hã. Ma'ãpé asiwi ĩ'madâ'â aba. Ĩma rowẽ di wa hã suru na te 'mai'upsõmri parimhã, ã hã ropĩ hã.

1 Samuéu 14:29 ပူးပေါင်းရင်းမြစ်များ

Zozué 7:25

Tawamhã te Zozué tãma tinha, ãne: — E marĩ da, ropire hã wanhisiwi waptã'ã za'ra da, ma tô bété ã hã iwẽ'õ hã i'manha, a hã. Tahawa, ãhã na te za Uburé Danhib'apito ropire hã asisiwi iwaptã'ã da hã aima 'manha! Tawamhã õne haré ma tô Acã hã uburé pese dasiwi wĩrĩ ni, ẽtẽ na. Taha pari isõrõwa 're, ihâimana za'ra norĩ hã ẽtẽ na te te siwi simroi wamhã, ma tô siwi sãmra, unhama wa, zata za'ra da hã. Duré uburé pese isimarĩ zama ma tô siwi sãmra, si'unhama da unhama wa.

1 Samuéu 14:28

Tane nherẽ, te aibâ hã tãma tinha ãne: — Uburé mrap te wa norĩ hã wa tô ab'uwa za'ra ni, aimama hã te te wama amhâzépata za'ra wa, ãne: “Ni'wa hã ã bâtâ na hã marĩ te te 'rẽne wamhã, wa za ropipa hã tãma pisutu za!”

1 Samuéu 14:30

Tahawa, ã bâtâ na wẽ di aré wanhib'a'uwẽ norĩ te te huri 'wa'âhã, wanhitob'ru norĩ ãma wa te ai'uté za'ra wa, dasa te te iduri mono hã. Pra! E ãhãre aré sadawa nhiptete za'ra wa, filisteu norĩ wa te i'uprosizé hã.