1 Samuéu 14:19 - ꞌRe Ihâimana Uꞌâsi Mono Zadawa Wasuꞌu

¹⁹ Tawamhã Sau ãne na sasedoti ma te te nharĩ mono ré, ma tô filisteu norĩ te te sima i'ri nhoré za'ra zéb ãmamhã rowaihu'u'õ hã te te sina hâimo mono. Tawamhã te duré Sau tãma tinha ãne, sacedotihi ma: — Wanhib'apito hã, Sadanharĩ zahu õ di za.

1 Samuéu 14:19 ပူးပေါင်းရင်းမြစ်များ

Zozué 9:14

Tawamhã aibâ norĩ Izaraéu nhihudu norĩ hã ma tô tisa te te i'wasari hã suru na siwi tẽ'ẽ za'ra. Tane nherẽ, Uburé Danhib'apito wi, rowaihu iwẽ hã te te tiwi waptẽrẽ za'ra õ di.

1 Samuéu 13:11

Tane nherẽ, Samuéu hã te sadanha ãne: — E marĩ ma tô i'manha. Tawamhã Sau ma ãma sada'â ãne: — Ĩnhib'a'uwẽ norĩ te te siwi ĩrẽme da, nasi apâ isi'aba'ré na hã, wa tô waihu'u za'ra. A zama ãwamhã bété duré we aimorĩ õ di, ĩma ropisutu nherẽ. Filisteu norĩ hã ma tô si'rã'õtõ duré, Mitima ãma hã.

1 Samuéu 14:20

Tawamhã Sau tite aibâ norĩ me ma tô õne haré asisi, filisteu norĩ te te 'wapé za'ra da hã. Tawamhã ta norĩ hã tõmoi hu'u õ na hâimana za'ra wa, ma tô tisiré norĩ me hã 'râwi si'wapé za'ra.

1 Samuéu 14:24

Tawamhã tô taha bâtâ na ma tô ab'uwa za'ra Izaraéu nhihudu norĩ hã mrap te. E marĩ wa. Sau hã ropisudu te te 'manharĩ wa, ãne: “Ni'wa hã ĩnhitob'ru norĩ hâiba na te 'ruiwa'âbâ za'ra wana ré, ã bâtâ na marĩ hã te te 'rẽne wamhã, ta hã te za dârâ.” Tahawa, ni'wa hã marĩ hã te te 'rẽne õ di, bâtâ wahuré na hã.

1 Samuéu 30:7

Tahawa, ma tô sasedoti Abiata, Aimeretihi 'ra ma hã tãma tinha ãne: — We ãwa ĩma âri, sasedoti norĩ si'uzazé hã, 'Re ihâimana u'âsi mono te iré ãma sadanharĩ da. Tawamhã Abiata ma tô tãma ti'â.