1 Samuéu 14:18 - ꞌRe Ihâimana Uꞌâsi Mono Zadawa Wasuꞌu

¹⁸ Tawamhã Sau te sasedoti Ai'asihi ma tinha ãne: — We âri ãwa, 'Re ihâimana u'âsi mono te, wedehâ're hã. Ãne ma tô tãma tinha. E marĩ wa. A'uwẽ Izaraéu nhihudu norĩ, 're nomro mono sidâpâsi ma tô wedehâ're ne hã da te dasiwi 're mrami isõwab za'ra hã.

1 Samuéu 14:18 ပူးပေါင်းရင်းမြစ်များ

Zuize 20:18

Tawamhã Izaraéu nhihudu norĩ, Bétéu ãma Uburé Danhib'apito ãma 're iwata za'ra mono zéb u ma tô ai'aba'ré. Si'aba'réi wamhã, ma tô ãne 'Re ihâimana u'âsi mono hã siwi sadanha: — E ma hã te za wate a'uwẽ norĩ imorĩ'rata na, Bẽzamihĩ nhihudu norĩ hã siwi 'wapé. Tawamhã Uburé Danhib'apito, ma te ãma sada'âbâ za'ra ãne: — Zudaha nhihudu norĩ.

1 Samuéu 14:17

Tawamhã te Sau tite dasi'wapéi 'manharĩ'wa 'madâ'â'wa norĩ ma nharĩ za'ra ãne: — Ma'ãpé wa te dasi'wapéi 'manharĩ'wa norĩ hã, sa'rata za'ra wa'aba, sô 'mairo'wanhi'riti zô. Tawamhã te te sa'rata za'ra wamhã, ma tô siwi upsibi me, Zonata norĩ zô irobaba zahuré zé hã, ite isi'wapézé mrami'wai me.

1 Samuéu 14:36

Tawamhã Sau, te tite dasi'wapéi 'manharĩ'wa norĩ ma nharĩ za'ra ãne: — Filisteu norĩ wa te 'wapé za'ra da hã, bara na ã hã ẽtẽ hawimhã wa te si'ra za'ra wa'aba za. Tawamhã wa te ãma awẽ u pré za'ra wamhã, wa za uburé marĩ tãma ihâimana za'ra hã wa te duri. Tawamhã filisteu norĩ hâiba ré wa te wasiwi i'mairẽme za'ra da hã mare di za. Tawamhã ma ãma sada'âbâ za'ra ãne: — 'Manharĩ tô nimahã asima iwẽzéb zarina. Tane nherẽ, te sasedoti tãma nharĩ za'ra ãne: — Imorĩ'rata na a'â 'Re ihâimana u'âsi mono hã wa te wasiwi sadawa pibui wa'aba, marĩ wa te a'â waihu'u za'ra da.

1 Samuéu 23:9

Tawamhã Sau za te te i'wapézém na te te sima irosa'ratazé hã Dawi hã te te waihu'u wamhã, ma tô tãma tinha ãne, sasedoti Abiataha ma: — We ãwa âri sasedoti norĩ si'uzazé hã, 'Re ihâimana u'âsi mono hã wa te iré sadanharĩ da.

1 Samuéu 5:2

Tawamhã te te siwi ãwisi wamhã, ma tô oto siwi tisã, ta norĩ te ihâiba'õi ãma 're iwata za'ra mono zé 'ri 're, romhâiba 'manharĩ zababa, Dagõ na ihâiba'õ nhisi hã.

1 Samuéu 7:1

Tawamhã aibâ norĩ, 'rinho'u Zearĩ ãma 're ihâimana za'ra mono norĩ hã ma tô ai'aba'ré, Uburé Danhib'apito nhimiroti ré wedehâ're hã te te siwi âri da. Tawamhã ma tô siwi ti'â. Duré te te siwi âri wamhã, ma tô siwi tihi Abinadabi na aibâ nhisi nhorõwa ãma ẽtẽ'rãirã nhisiwi 're isa mono ãma. Tawamhã Eriazaha 'ra hã ma tô sada pisutu za'ra, 'Re ihâimana u'âsi mono nhimiroti ré wedehâ're hã te te 're i'madâ'â mono da hã.