1 Samuéu 14:15 - ꞌRe Ihâimana Uꞌâsi Mono Zadawa Wasuꞌu

¹⁵ Tahawa, ma tô filisteu norĩ uburé te te sima i'ri nhoré za'ra zéb ãma ihâimana za'ra hã tipẽ'ẽwara pese za'ra. Dasi'wapéi 'manharĩ'wa norĩ, pahi wa te duré tirẽrẽ'ẽ za'ra. Tawamhã ti'a zama te duré sa'ẽtẽ popo. Tahawa, rowaihu'u'õ na hã, ma tô tiromhâiba.

1 Samuéu 14:15 ပူးပေါင်းရင်းမြစ်များ

Zenezi 35:5

Tawamhã duré oto si'aba'réi wamhã, 'Re ihâimana u'âsi mono, Zaco norĩ waptoma 'ri nho'õmo norĩ 're, 're idahâimana za'ra mono ma hã, ma tô dapahi uptabi sina dahâimana za'ra da hã dama 'manha. Tahawa Zacoho zarina dasi'aba'réi õ di, da te ãma dasiwi ro'wa'rutu da hã.

Salmu 14:5

Tane nherẽ, te za pahi te tirẽrẽ'ẽ za'ra, 'Re ihâimana u'âsi mono, imreme wapari pese 'wa norĩ siré 're hâimana mono wa.

Ezodu 19:18

Tahawa, romnhizé ma tô Sina'i na ẽtẽ nhisi hã upsi. E marĩ wa. Uburé Danhib'apito ẽtẽ nhisiwi unhama wa'wa te te ãma si'rai wa. Romnhizé hã te hâimo si'réi mono, robzebrezém hawi unhama nhizé 're isi'réi mono ne. Ãhã wa, ma tô aihĩni tãma tarẽrẽ'ẽ za'ra ni.

Daniéu 5:6

Tahawa, ma tô tãma ti'ubu'a pese. Ma tô tipahi pese. Tahawa ma tô ihi'rãti hã nasi si'ahâri zahuré. Ma tô rẽrẽ, i'rãi hawi ipara u.

Mateu 24:6

'Re dasi'wapé za'ra mono wa, da te dasina 're iropupu'u za'ra mono zé hã te za 're iwapari za'ra wa'aba mo, romhâ na 're idasi'wapé za'ra mono norĩ wasu'u zama. Ãne hã 're wapari za'ra wa'aba mono wamhã, tãma 're aipahi za'ra wa'aba mono õ di za, dasi'wapéi ma hã. Dasi'wapé te za tô dazada 're wairébé. Tane nherẽ, ta hã rob'rãsutu õ di. Mare di.

Zozué 2:9

— Wa tô waihu'u wa hã, ã hã ti'a Uburé Danhib'apito te te aima isõmri za'ra wa'aba zém na hã, Izaraéu nhihudu norĩ ma. Tahawa sena na wa za tinha, uburé wa norĩ hã wa tô aima za'ra wa'aba wapahi pese za'ra ni.

Zuize 7:21

Tawamhã hâiba mono bâ 'ri mana wi, ma tô tisima'warazé mono bâ simasa, sirési ãna. Tawamhã uburé isitob'ru norĩ dasi'wapéi 'manharĩ'wa, ma tô sadari sina tãma sisa're.

1 Samuéu 13:17

Tawamhã dasi'wapéi 'manharĩ'wa filisteu norĩ hã ma tô oto dazô wairé si'ubdatõ iwa'õtõ na, isi'wapé za'ra da hã. Tahawa, misi iwa'õno hã ma tô ai'aba'ré, Opra na 'ri nho'õmo nhisi Su'aha nhipti'a niwĩ.

1 Samuéu 13:18

Iwa'õtõ hâiba amo hã, Bete-Horõ na 'ri wa'õtõ nhisi niwĩ, ma tô ai'aba'ré. Si'ubdatõ ãma iwa'õno hã sa'a nho'õmo u ma tô ai'aba'ré, Zebo'ĩ na ẽtẽ siwa'aba nhisi i'madâ'â pese niwĩ, duré a'ubuni wi rop si 're isa'wari mono i'madâ'â pese niwĩb zama.

1 Samuéu 13:23

Tawamhã filisteu norĩ ma tô dasi'wapéi 'manharĩ'wa misi iwa'õtõ norĩ hã satõrĩ za'ra, Mitima 'rata ẽtẽ nhi'riti na bâdâdi inomro hã te te siwi bâdâdi simri da.

1 Samuéu 14:14

Tawamhã imorĩ'rata na te te a'wapéi wamhã, ma tô uprosi 20 na aibâ norĩ hã, duré 1.200 metru na ti'ai pibuzé zapoto 'remhã.

1 Samuéu 14:16

Tawamhã Sauhu te wapsãi'a'wa norĩ, Bẽzamihĩ nhihudu norĩ te ti'ai ãma, Zibea na 'ri wa'õtõ nhisi wa ihâimana za'ra norĩ hã, ma tô filisteu norĩ, uihâ idi'iti za'ra wa siwa'rãmi 're isisa'rei mono hã 'madâ'â za'ra.

1 Samuéu 7:10

Tawamhã Samuéu, 'Re ihâimana u'âsi mono ma tinhimizama zata na tãma sõprub ré, ma tô filisteu norĩ hã te te sina rotété, te te 'wapé za'ra da, Izaraéu nhihudu norĩ hã. Tane nherẽ, ma tô Uburé Danhib'apito hã hâ za'ra, tãirãrã'ã ne na. Tahawa, ma tô õne haré niha tihâimana za'ra. Ma tô duré oto siwa'ru rom na sisa're.