1 Samuéu 14:13 - ꞌRe Ihâimana Uꞌâsi Mono Zadawa Wasuꞌu

¹³ Tawamhã Zonata, ma tô tinhib'rata na te te romrami mono sina oto sai'u. Aibâ iprédupté hã te duré sai'u isarina. Tahawa, Zonata te te a'wapéi mono wamhã, duré te te a'marõpãrĩ mono wamhã, isi'wapézé âri 'wa hã ma tô õne haré isarina te te 'mapãrĩ.

1 Samuéu 14:13 ပူးပေါင်းရင်းမြစ်များ

Roma 8:31

'Re ihâimana u'âsi mono hã ãne hã te te wama 're apisutu mono wamhã, e niha wa za tawamhã 're wahâimana za'ra. Ta hã, wa niwĩ oto 're hâimana za'ra mono wa, e 'wa hã te za wa'ãma ai'uté. Mare di. Uburé wanhitob'ru norĩ nhiptetezé hã, tarére 'Re ihâimana u'âsi mono ma hã.

Hebreu 11:34

Ta norĩ hã ma tô duré unhama ro'o za'ẽne hã te te 're simro, siwi. Ma tô duré dawi 're sisõ'reptu za'ra, sib'ézé 'wapa na da te 're simroi mono da nherẽ. Sib'uware na 're hâimana za'ra mono nherẽ, 'Re ihâimana u'âsi mono nhimipawaptobzém na ma tô siptete na dazada 're hâimana za'ra. Siptete uptabi na te te 're da'wapé za'ra mono wa, ma tô ta norĩ hã tizahui'wa norĩ hã te te 're wano'õ apâ, darob amoi hawi te te 're idazahu za'ra mono norĩ hã.

Zozué 23:10

Izaraéu nhihudu si misi nherẽ, te za tinhitob'ru norĩ ma hã te te arob'manharĩ, miu na ihâiba ma, sisa'rei mono da. E marĩ wa. Uburé Danhib'apito, ate 'Re ihâimana u'âsi mono 'wa hã, ai'ãma za'ra wa'aba 're si'wapéi mono wa, te te iropisutuzéb zarina.

Zuize 9:54

Tawamhã iprédupté tãma isi'wapézé mrami'wa sa'ẽtẽ te te 'mahârâ wamhã, ma tô ãne tãma tinha: — Ma'ãpé asi'wa wazere, ãma ĩwĩrĩ da. Te ĩsima wẽ õ di, pi'õ te te ĩwĩrĩ na da te ĩ'ãma dasima 're irobzanhamri za'ra mono da hã. Tahawa, iprédupté tisi'wapézé i'wa pa ma tô sada waze. Te te sada wazere wamhã, ma tô taha na ãma wĩrĩ pese oto.

1 Samuéu 14:12

Tahawa, filisteu dasi'wapéi 'manharĩ'wa norĩ hã ma tô siwi 'mahârâ zahuré, Zonata norĩ hã ãne: — We ãwa sai'uri waré aba! Marĩ hã wa te aima hâi'ré aba da hã, wa wasima wẽ za'ra ni. Tawamhã Zonata te tisiré aibâ iprédupté ma hã tinha ãne: — We ĩzarina aimorĩ. E marĩ wa. Wanhib'apito 'Re ihâimana u'âsi mono hã, filisteu norĩ, ma tô Izaraéu nhihudu norĩ ma hâiba nhomri za'ra te te ãma i'ai'uté za'ra da hã.

1 Samuéu 14:14

Tawamhã imorĩ'rata na te te a'wapéi wamhã, ma tô uprosi 20 na aibâ norĩ hã, duré 1.200 metru na ti'ai pibuzé zapoto 'remhã.