1 Samuéu 13:13 - ꞌRe Ihâimana Uꞌâsi Mono Zadawa Wasuꞌu

¹³ Tawamhã Samuéu ma ãma sada'â ãne: — A hã asimiza'rese õ ne ma tô marĩ hã i'manha. Wapari õ di, Wanhib'apito 'Re ihâimana u'âsi mono te te aima i'ruzé hã. Wapari 'wa'âhã, te aré Izaraéu nhihudu norĩ ma i'rãnho'õmo na tãma 're aihâimana u'âsi za'ra mo. Asihudu norĩ zama te aré dama i'rãnho'õmo na dama 're hâimana u'âsi za'ra.

1 Samuéu 13:13 ပူးပေါင်းရင်းမြစ်များ

Zenezi 31:28

A hã, ĩnhihudu norĩ duré ĩ'ra norĩ, irẽme ma itob'rata hârâ na te sawi za'ra da hã asina ĩpo're pu'u õ di. Ãne na asimi'manharĩzé hã asimiza'rese'õ zarina.

Provébiu 12:8

I'rãi waihu'u wẽ norĩ hã te da te dasima 're wasu'u wẽ za'ra. Tane nherẽ, ipẽ'ẽ 'remhã wasété na 're ihâimana za'ra mono norĩ hã te za dama wazéb ãna 're hâimana za'ra.

Provébiu 19:3

Danhimiza'rese'õ na niha na 're idanomro mono zéb zarina, te za dahâimanazé hã da te dasiwi 're wasété pese za'ra. Duré dapẽ'ẽ 're te za Uburé Danhib'apito da hã 're danhiti'ru za'ra, ta hã te te upa newa.

1 Samuéu 1:22

Tane nherẽ, Ãna hã ime morĩ za'ra õ di. Tahawa, te ãne tãma tinha, timro Eucanahã ma: — Ĩhâ te te rẽme wapsi, wa za subza, Uburé Danhib'apito nhorõwa u hã, õmem haré oto 're hâimana u'âsi mono da.

1 Samuéu 13:12

Tahawa wa tô rosa'rata ãne: “Filisteu norĩ hã te za we ai'aba'ré ãwa, Gilga u, te te siwi ĩ'wapé da. Tane nherẽ, zahadu te pibui õ di, Wanhib'apito 'Re ihâimana u'âsi mono nhimipawaptobzéb hã.” Tawamhã wa tô oto tisã, ãma tãma ĩnhoprubzéb da hã.

1 Samuéu 15:11

— Sau hã, ma tô ĩrẽ. Duré te tãma iwaihu'uzé hã ma tô ĩmreme rẽ. Tahawa, ma tô ĩwi tirobzei'õ wa hã apito te te i'manharĩzé zabâdâmhã. Tawamhã ãne te te tãma waihu'u wa, ma tô Samuéu wi hã tirobzei'õ duré. Tahawa, mara bâre ma tô mreme 'rãihâ na Sauhu ãma hã mre, Uburé Danhib'apito ma.

1 Samuéu 15:22

Tawamhã Samuéu ma duré ãma tãma wa'rã ãne: — E ma hã tawamhã tãma iwẽ, Wanhib'apito 'Re ihâimana u'âsi mono ma hã. E dapo're pe. E abaze da te tãma 're izata za'ra mono na tãma danhoprubzé. 'Re ihâimana u'âsi mono, da te 're iwapari pese za'ra mono zé hã iwẽ uptabi, pone'ẽrebâ zéré mapure si'aibâ iwẽ na tãma 're idanhoprub za'ra mono zém nhipai u.

1 Samuéu 15:28

Tawamhã Samuéu te duré tinha ãne: — Ã bâtâ na ma tô 'Re ihâimana u'âsi mono hã aiwi hâiwazu, Izaraéu nhihudu norĩ 'madâ'âzé hã. Tahawa, ma tô oto tisõ, asipai u iwẽ ma, Izaraéu nhihudu norĩ nhib'ihâ'a da ma.

1 Samuéu 16:1

Tawamhã Uburé Danhib'apito te Samuéu ma tinha ãne: — E momo te za Sauhu ãma aipẽ'ẽzézé hã i'rãsu. Wa hã te ĩsima wẽ zahu õ di, Izaraéu nhihudu norĩ nhib'apito na 're ihâimana mono da hã. Tahawa, ma'ãpé azeitona 'rãi wa'u hã 'masisi abazei õmo 're, asiré âri da. Taha parimhã te za aimo, Belẽ na 'ri'ahâ nhisi u aibâ Zésé na isisi nhorõwa u. E marĩ wa. Wa hã i'ra norĩ wa tô 'maipisutu, i'masi'apito da hã.

1 Samuéu 26:21

Tawamhã Sau ma te ãma tãma wa'rã ãne: — Wa hã wa tô ãma upa. Tahawa, apâ te za aimo. Niwamhã te aima 'manharĩ wasété zahu õ di za, ã mara na hã a hã ĩwazé wa. Tahawa, wa tô ĩnhimiza'rese'õ ne ĩhâimana. Wa tô duré ãma aima upa za'ẽtẽ.