1 Samuéu 13:12 - ꞌRe Ihâimana Uꞌâsi Mono Zadawa Wasuꞌu

¹² Tahawa wa tô rosa'rata ãne: “Filisteu norĩ hã te za we ai'aba'ré ãwa, Gilga u, te te siwi ĩ'wapé da. Tane nherẽ, zahadu te pibui õ di, Wanhib'apito 'Re ihâimana u'âsi mono nhimipawaptobzéb hã.” Tawamhã wa tô oto tisã, ãma tãma ĩnhoprubzéb da hã.

1 Samuéu 13:12 ပူးပေါင်းရင်းမြစ်များ

2 Corĩtu 9:7

'Râwi aipẽ'ẽ 're, asima iwaihu'u za'ra wa'aba zéb zarina si, te za aihâiba mono bâ dama asõprub za'ra wa'wa, ãté sa'ẽtẽ na, ãté suru na. Robzei'õ nherẽ, dama asõprub za'ra wa'aba õ di za. Duré taré da te aima i'ru za'ra wa'aba zéb zarina, dama asõprub za'ra wa'aba õ di za. Mare di. Asi'uihâ na si te za asima iwẽ za'ra wa'aba zéb zarina, dama asõprub za'ra wa'wa, ato sina. Ãne si iwẽ uptabi hã, 'Re ihâimana u'âsi mono ma hã, dato sina dasima 're idanhoprub za'ra mono zé hã.

1 Samuéu 13:11

Tane nherẽ, Samuéu hã te sadanha ãne: — E marĩ ma tô i'manha. Tawamhã Sau ma ãma sada'â ãne: — Ĩnhib'a'uwẽ norĩ te te siwi ĩrẽme da, nasi apâ isi'aba'ré na hã, wa tô waihu'u za'ra. A zama ãwamhã bété duré we aimorĩ õ di, ĩma ropisutu nherẽ. Filisteu norĩ hã ma tô si'rã'õtõ duré, Mitima ãma hã.

1 Samuéu 13:13

Tawamhã Samuéu ma ãma sada'â ãne: — A hã asimiza'rese õ ne ma tô marĩ hã i'manha. Wapari õ di, Wanhib'apito 'Re ihâimana u'âsi mono te te aima i'ruzé hã. Wapari 'wa'âhã, te aré Izaraéu nhihudu norĩ ma i'rãnho'õmo na tãma 're aihâimana u'âsi za'ra mo. Asihudu norĩ zama te aré dama i'rãnho'õmo na dama 're hâimana u'âsi za'ra.

1 Samuéu 15:12

Tawamhã ma tô awẽm na Samuéu mararé uptabi watobro, sô rĩtĩ mono da, Sauhu zô. 'Ri'ahâ Carmeru na isisi u imorĩ na hã ma tô waihu'u, isiptete na ãma 're dawata za'ra mono da ẽne hâiwi te te sima isãrĩzéb u, duré taha pari, Gilga u imorĩ na hã ma tô waihu'u.

1 Samuéu 15:22

Tawamhã Samuéu ma duré ãma tãma wa'rã ãne: — E ma hã tawamhã tãma iwẽ, Wanhib'apito 'Re ihâimana u'âsi mono ma hã. E dapo're pe. E abaze da te tãma 're izata za'ra mono na tãma danhoprubzé. 'Re ihâimana u'âsi mono, da te 're iwapari pese za'ra mono zé hã iwẽ uptabi, pone'ẽrebâ zéré mapure si'aibâ iwẽ na tãma 're idanhoprub za'ra mono zém nhipai u.

1 Samuéu 21:7

Tawamhã Doedi, edomita norĩ siré hã Sauhu ma romhuri'wa hã ma tô taha bâtâ na hã dame tihâiba tame. E marĩ da. Te te ãma uwaimrami da, za marĩ te te i'manharĩzém na, 'Re ihâimana u'âsi mono nho'a.