1 Samuéu 13:11 - ꞌRe Ihâimana Uꞌâsi Mono Zadawa Wasuꞌu

¹¹ Tane nherẽ, Samuéu hã te sadanha ãne: — E marĩ ma tô i'manha. Tawamhã Sau ma ãma sada'â ãne: — Ĩnhib'a'uwẽ norĩ te te siwi ĩrẽme da, nasi apâ isi'aba'ré na hã, wa tô waihu'u za'ra. A zama ãwamhã bété duré we aimorĩ õ di, ĩma ropisutu nherẽ. Filisteu norĩ hã ma tô si'rã'õtõ duré, Mitima ãma hã.

1 Samuéu 13:11 ပူးပေါင်းရင်းမြစ်များ

Zenezi 3:13

Tawamhã Uburé Danhib'apito 'Re ihâimana u'âsi mono te pi'õi ma tinha ãne: — E marĩ da, ma tô ãne hã i'manha. Tawamhã pi'õ, ma te ãne asa ãma tãma wa'rã: — Wahi, ĩma isadawa nhipese zarina wa tô ti'rẽ, rob'rã hã.

Zenezi 4:10

Tawamhã 'Re ihâimana u'âsi mono te ãne tãma tinha: — E marĩ da, ma tô ãne hã i'manha. Asisãnawãi wapru te ti'ai hawimhã 're sadari. Te duré waptẽ, ti'ruiwa'âbâzé hã.

Zozué 7:19

Tawamhã Acãhã ma, te Zozué tinha, ãne: — Ĩ'ra, sena na te za asiwẽ'õ, Uburé Danhib'apito, Izaraéu nhihudu norĩ te 'Re ihâimana u'âsi mono nho're. Ĩma wasu'u na, marĩ i'manharĩzé hã; duré rosa'rata tõ, asima i'udâ da hã.

1 Samuéu 13:12

Tahawa wa tô rosa'rata ãne: “Filisteu norĩ hã te za we ai'aba'ré ãwa, Gilga u, te te siwi ĩ'wapé da. Tane nherẽ, zahadu te pibui õ di, Wanhib'apito 'Re ihâimana u'âsi mono nhimipawaptobzéb hã.” Tawamhã wa tô oto tisã, ãma tãma ĩnhoprubzéb da hã.

1 Samuéu 13:16

Tawamhã Sau, ti'ra Zonataha me ma tô tite dasi'wapéi 'manharĩ'wa norĩ ré hã tihâimana zahuré, Bẽzamihĩ nhihudu norĩ te ti'ai 're Zeba na 'ri nho'õmo nhisi ãma. Tahawa, Mitima ãma filisteu norĩ te te sima i'ri mono 'remhã te tihâimana za'ra.

1 Samuéu 13:2

Tawamhã ma tô pisutu za'ra 3 miu na aibâ hã Izaraéu nhihudu norĩ hã. 2 miu na ime ihâimana za'ra hã 'rinho'u Mitima ãma, duré Bétéu ti'a niwĩ ẽtẽ ãma hã. Duré miu na Zonataha me ihâimana za'ra hã, Zibea 'ri nho'õmo ãma Bẽzamihĩ nhihudu norĩ nhipti'ai wa'õtõ ãma hã. Tawamhã tinhorõwa u aibâ isi'mairẽme norĩ hã, ma tô satõrĩ za'ra apâ si'aba'ré da.

1 Samuéu 13:23

Tawamhã filisteu norĩ ma tô dasi'wapéi 'manharĩ'wa misi iwa'õtõ norĩ hã satõrĩ za'ra, Mitima 'rata ẽtẽ nhi'riti na bâdâdi inomro hã te te siwi bâdâdi simri da.

1 Samuéu 13:5

Tawamhã filisteu norĩ hã ma tô duré si'rã'õtõ, Izaraéu nhihudu norĩ te te isahu da hã. Tahawa, ite za'ra 30 miu na wedewara zapore na dasi'wapézé hã duré 6 miu na awaru na da'wapéi'wa norĩ hã. Duré ahâ uptabi di dasi'wapéi 'manharĩ'wa norĩ hã â zaihâ na supara 'ré 're ihâimana za'ra mono ne. Tawamhã ma tô oto ai'aba'ré Mitima u, Bete-Awé na 'ri nho'õmo nhisi bâtâ pusizém niwĩ. Tame ma tô sima 'ri nhoré za'ra.

1 Samuéu 14:5

Ẽtẽ tõmo wawẽ imorĩ'rada Bosesi na isisi hã te hâiwa nhimi'e niwĩ, Mitima nho're niwĩ nomro. Duré ihâiba amo Sene na isisi hã, te Zeba na 'ri nho'õmo nhisi niwĩmhã isõ're nomro.