1 Samuéu 12:8 - ꞌRe Ihâimana Uꞌâsi Mono Zadawa Wasuꞌu

⁸ Zaco nimahãna ti'ra norĩ ré Ezitu u morĩ wamhã, ma tô ezipsiu norĩ hã siwi sé pawa'âbâ ãna te te tãma 're romhuri za'ra mono da. Tawamhã ã norĩ aihi'rata za'ra wa'wa hã ma tô Wanhib'apito 'Re ihâimana u'âsi mono wi te te 're rowaptẽrẽ za'ra, te te 're pawaptob za'ra mono da. Tahawa, ma tô Mozési norĩ hã satõrĩ zahuré, Arãhã me, ta norĩ hã te te sani za'ra da Ezitu hawi, ã hã ti'ai 're oto 're hâimana za'ra mono da.

1 Samuéu 12:8 ပူးပေါင်းရင်းမြစ်များ

Ezodu 12:51

Tô taha bâtâ na ma tô Uburé Danhib'apito hã Ezitu hawi sani za'ra, Izaraéu nhihudu norĩ hã.

Ezodu 6:26

à norĩ hã Arã norĩ, Mozésihi me ma tô Uburé Danhib'apito, ãne na tãma waihu'u zahuré: “Izaraéu nhihudu norĩ, Ezitu hawimhã te za i'awazere 'wa.”

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:15

Tawamhã Zaco norĩ hã te oto zâmo, Ezitu u, tame 're si'ubumroi mono da oto. Tame ma oto Zaco hã dârâ. Tame ma tô duré i'ra norĩ hã 're dâ'â za'ra. Tawamhã imama hã tiwi dâ'â za'ra wamhã, ihi hã ma tô siwi ti'â apâ, irob u, Siquẽ na danhipti'a nho'õmo nhisi u, tame te te siwi séme da. Ti'a hã Abra'ã hã dâ'â õ ré, Hamohõ nhihudu norĩ wi, te te sisada i'uipra siromo ãma, ma siwi sé, ihi hã. 'Re dâ'â za'ra mono sidâpâsi, ma tô wahi'rata norĩ hi zama apâ da te 're 'wasari tamomo, Zacoho 'ra norĩ hi hã, tame da te 're séme mono da, ẽtẽ zahâpâ wa, ab're 're.

Zozué 1:6

Asiptete, duré asib'ru na, a hã za ã hã a'uwẽ norĩ hã simroi mono dâ'âsina, ti'a te te siwi âri da hã, ihi'rata norĩ ma, te tãma ãma iropisutu za'ra hã.

1 Samuéu 10:18

Tahawa, te dama tinha ãne: — Uburé Danhib'apito Izaraéu nhihudu norĩ te 'Re ihâimana u'âsi mono hã te wama nharĩ za'ra ãne: “Wa hã wa tô Ezitu hawimhã asani za'ra wa'wa, te asõ'reptu za'ra wa'aba da, ezipsiu norĩ wi, duré uburé da te aima 're irob'manharĩ wasété za'ra mono wib zama.

1 Samuéu 12:6

Tawamhã Samuéu te zahadu tãma nharĩ za'ra ãne: — Wanhib'apito 'Re ihâimana u'âsi mono, ma tô pisutu zahuré Mozési norĩ hã, Arãhã me, aihi'rata norĩ Ezitu hawi te te da'awazere zahuré wa, te te idanhimro zahuré mono da hã.