1 Samuéu 12:5 - ꞌRe Ihâimana Uꞌâsi Mono Zadawa Wasuꞌu

⁵ Tawamhã Samuéu te duré tãma nharĩ za'ra ãne: — Uburé Danhib'apito hã duré apito da, te te ipisudu ma tô ãne hã ĩwasu'u wẽ hã wapari zahuré asõ'a za'ra wa'aba, marĩ na ĩwasédé hã asiwi ĩ'ãma ihiri aba õ na hã. Taha na ma tô ĩwaihu'u zahuré. Tahawa, ma te ãma sada'âbâ za'ra ãne: — Tahata tô. Uburé Danhib'apito hã ma tô aiwasu'u wẽ hã wapa ãhã na hã.

1 Samuéu 12:5 ပူးပေါင်းရင်းမြစ်များ

Zenezi 31:50

Tawamhã duré ĩ'ra norĩ ma 're rob'manharĩ wasété zahuré mono wamhã, duré ĩma isa'rese õ na nherẽ, aimawi pi'õ norĩ na aimro wamhã, a hã te za ãma aipo're pu za, 'Re ihâimana u'âsi mono wahâiba si'uiwa na te te 're iwa'madâ'â u'âsi mono na hã.

Zuwã 18:38

Pilatu te duré asa tãma tinha, ãne: — E ma hã, roti tô sena uptabi hã. Tawamhã Pilatu hã apâ ma datẽme watobro, rob u. Ãne te dama tinha: — Wa tô sadanha. Ma tô ĩma siwasu'u. Marĩ hã te te 're ab'manharĩ wasété mono õ di.

Zezusihi zadawa wasuꞌuꞌwa norĩ nhimiromhuri na robꞌuiꞌéré 24:16

Tahawa, iwẽ hã te 'manharĩ tõ da hã, ĩwa'a õ di, ĩpẽ'ẽ wapu na 're ĩsi'madâ'â u'âsi mono da si, 'Re ihâimana u'âsi mono nho'a, duré danho'a zama.

Zezusihi zadawa wasuꞌuꞌwa norĩ nhimiromhuri na robꞌuiꞌéré 24:20

Ta norĩ hã we si'aba'réi õ wamhã, ãté asõ'a isimasam norĩ si te za aima ĩwasu'u za'ra. Dama roti'wa norĩ nho're ĩzab ré, marĩ iwasédé hã te te ĩ'ãma iwaihu'u za'ra zém na, te za ĩwasu'u za'ra, ãme ĩzab ré.

1 Corĩtu 4:4

Ãhã na hã, 'Re ihâimana u'âsi mono wi, te ãma i'upazém na hã marĩ õ di, ĩnhimirosa'rata 'remhã oto. E taha zarina, tãma ĩ'umnhasi sina, iwasu'uwẽ te dama 're iwasu'u mono zé, te wasu'u. Mare di. Wanhib'apito si te za ĩwaihu'u, tãma ĩ'umnhasi na hã, duré tãma ĩ'umnhasi õ na hã.

2 Corĩtu 1:12

Ni'wam norĩ hã asiré 're hâimana za'ra wa'aba mono nherẽ, ma tô wahâimana nhipese na hã wa'ãma siwi tihi. Tane nherẽ, senai õ di ta hã. Wa norĩ hã 'râwi wapẽ'ẽ na 're wasiwẽ'õ mono õ di. E marĩ wa. Marĩ hã wa te ai'ãma 're 'manharĩ za'ra wa'aba mono õ wa, 're iwahâimana wẽ u'âsi mono zarina. Pi'uriwi aiwi 're wahâimana za'ra wa'aba mono õ di. Marĩ iwẽ si, wa tô wa te aima 're 'manharĩ za'ra wa'wa. Ti'ai ãma isazei'õ'wa norĩ nhimirowaihu'u pese zarina, 're wahâimana mono õ di. 'Re ihâimana u'âsi mono nhimizawi pese zéb zarina si, wa ãne na hã 're wahâimana oto.

1 Samuéu 12:4

Tawamhã Izaraéu nhihudu norĩ hã ma tô ãma sada'âbâ za'ra ãne: — A hã wama 're aihâimana za'ra mono õ di, aihâimana nhipese na hã. Duré wazada 're aihâimana za'ra mono õ di. Duré ni'wai wi asimisaihuri sina marĩ hã âri õ di.

1 Samuéu 26:9

Tane nherẽ, ma tô Dawi hã ãma tãma wa'rã ãne: — Tô'ã. Wĩrĩ tõ. E marĩ wa. Ni'wa hã 'Re ihâimana u'âsi mono apito da, te te ipisudu hã te te wĩrĩ da, tipa te te sarõtõ wamhã, te za Wanhib'apito hã tãma rob'manha.