1 Samuéu 12:24 - ꞌRe Ihâimana Uꞌâsi Mono Zadawa Wasuꞌu

²⁴ Wanhib'apito si te za asiwi 're iwazé pese aba mo. Te za õhõ ãma si 're anomro aba mo, aipẽ'ẽ 'remhã. Tawamhã te za ãma 're aipo're pu'u u'âsi za'ra wa'aba mo, marĩ ipire te te aima 're i'manharĩ za'ra wa'aba mono zém na hã.

1 Samuéu 12:24 ပူးပေါင်းရင်းမြစ်များ

Salmu 119:80

Tô ibâ na asimiroti si te 're i'madâ'â pese mono da si, wa ĩsima te 're wẽ, ĩsima 're ĩnhisép tõ mono da.

Ezodu 12:13

Tahawa, Izaraéu nhihudu norĩ, pone'ẽrebâire wapru na ãma i'ridawa zapré za'ra wa'aba mono, ta hã te ãma i'a pibui pese mono zéb da hã, taha 'ri 're, 're i'aihâimana za'ra wa'aba mono zém na, te awaihu'u da. Tawamhã ĩma pibui pese na, wa za te asa'réi waré za'ra wa'wa, Ezitu nhisi baba 're ĩmorĩ wamhã, ezipsiu norĩ te hâ za'ra mono wamhã. Dazu ai'utõrĩ aba mono tõ da, wa za ĩnhimihâzé hã aima ba'a za'ra wa'wa, Izaraéu nhihudu norĩ ma hã.

Provébiu 1:7

Rowaihu iwẽ hã da te 're waihu'u za'ra mono da wamhã, te za 'Re ihâimana u'âsi mono, Uburé Danhib'apito hã da te dasiwi 're wazéb za'ra. Tane nherẽ, isimiza'rese'õ norĩ hã te rowaihu'uzé iwẽ hã te te siwi 're wẽ'õ pese za'ra, taré newa. Te te 're iwaihu'u za'ra mono da hã te te sima 're wẽ za'ra mono õ di.

Zuwã 1:47

Tawamhã te te sãmri wi, te Zezusi hã tãma tinha, Natãnaéhé ma, ãne: — Õhõta te wei mo, Izaraéu nhihudu uptabi hã 're imorĩ wẽ uptabi hã. Sadawa nhipese ãna hã te 're mo.

Roma 12:1

Ĩsisãnawã norĩ, 'Re ihâimana u'âsi mono hã e wa'ãma 're pẽ'ẽzé mono õ di, wa'ãma 're isiwãrĩ mono zéb da hã. Wa'ãma 're ipẽ'ẽzé mono zé hã, tãma sa'ẽtẽ uptabi di. Tahawa, wa za oto aima roti pese za'ra wa'wa, ãne na hã. 'Re ihâimana u'âsi mono ma si, te za 're asisõmri u'âsi za'ra wa'aba mo, tiwi 're asisawi za'ra wa'aba mono ãna. Taha ma si, te za aiwẽ uptabi na tãma 're aihâimana za'ra wa'aba mo, te te 're ai'madâ'â wẽ u'âsi za'ra wa'aba mono da. Ãhã zarina, ãma 're anomro wẽ u'âsi aba mono wamhã, taha si tô sena, ãma 're i'aiwata za'ra wa'aba mono zé hã.

Hebreu 12:29

Wate 'Re ihâimana u'âsi mono hã ipo're'õ norĩ te te uprosi waihu'u pese di, unhama ro'o za'ẽtẽ na marĩ hã 're isi'unhama pese mono ne hã. Tahawa, wa za tô wa norĩ hã imreme hã wa te 're wapari u'âsi za'ra, Wanhib'apito nhimiroti hã.

Zozué 24:14

Tawamhã Zozué ma te ãne timreme hã tãma 'rãsutu za'ra: — Tahawa te za ã hawim haré ãhã na hã 'Re ihâimana u'âsi mono, Uburé Danhib'apito hã 're iwazéb za'ra wa'aba mo, isib'a'uwẽ sena na ãma 're anomro aba mono da. Duré asisiti sãmra aba, aihi'rata norĩ Mezopotãmia ãma, duré Ezitu ãma, ihâiba'õ ãma waihu'u pese newa ãma 're iwata za'ra mono hã, Uburé Danhib'apito ãmap si 're anomro aba mono da oto.