1 Samuéu 12:20 - ꞌRe Ihâimana Uꞌâsi Mono Zadawa Wasuꞌu

²⁰ Tawamhã Samuéu ma ãma tãma wa'rãmi za'ra ãne: — Aipahi za'ra wa'aba tõ. Tô sena ma tô aiwasédé hã i'manharĩ za'ra wa'wa. Tane nherẽ, oto rẽme za'ra wa'aba õ di za, Wanhib'apito ãma 're i'aiwata za'ra wa'aba mono zé hã. Te za oto uburé aipẽ'ẽ na ãma 're anomro aba mo.

1 Samuéu 12:20 ပူးပေါင်းရင်းမြစ်များ

Salmu 40:4

Tãma 're rowẽ uptabi mono di ni'wa hã, Uburé Danhib'apito si te te sina 're umnhasi mono hã, duré romhâibarĩ te te sina 're i'umnhasi mono õ hã, duré ihâiba'õ norĩ ãma 're iwata za'ra mono norĩ te te sina 're ihâiba tob za'ra mono õ hã.

Ezodu 32:30

Tawamhã Mozési, awẽ bâtâ na te dama tinha ãne: — A norĩ wa'wa hã ma tô aiwasété pese za'ra wa'wa. Tane nherẽ, wa za duré ẽtẽ u sai'uri na sahu, Uburé Danhib'apito ma, te robzanhamri da. Ãté aiwasété za'ra wa'aba wa'âbâzéb da, wa za tãma ĩnhopru, te te aima pari za'ra wa'aba da, i'manharĩ wasété za'ra wa'aba zé hã.

Zozué 23:6

Tahawa te za sada asiptete za'ra wa'wa, uburé pese Mozési te te ãma irob'ui'érézé hã 're 'manharĩ za'ra wa'aba mono da, niha na nima niwĩmhã isimiroti nhiti 're aihâimana za'ra wa'aba mono ãna.

1 Pedru 3:16

Aiwaimri te za 're asiwasu'u za'ra wa'aba mo, aimreme wasété ãna. Aihâimana wẽ na te za dama 're aihâimana za'ra wa'aba mo, asimirosa'rata wasété na 'râwi 're asiwẽ'õ za'ra wa'aba mono tõ da. Tawamhã dama 're aihâimana wẽ za'ra wa'aba mono wamhã, Cristuhu zazei'wa 're aihâimana za'ra wa'aba mono 'ru te, taré da te aima 're inharĩ wasété za'ra wa'aba mono niwĩ, te za dasimreme ma 'râwi 're danhiséb za'ra.

1 Samuéu 12:19

Tahawa, te Samuéu ma nharĩ za'ra ãne: — Ma'ãpé wa'ãma aimreme za'ra na asib'apito 'Re ihâimana u'âsi mono ma. Tawamhã wa norĩ hã wasi'utõrĩ õ di za. Uburé wawasédé hã wa te 're i'manharĩ za'ra mono zém nhisiwimhã wa tô duré ãhã na hã wawasété za'ra ni, apito aimawi wa te wasiwi iwaptẽrẽzém na hã.