1 Samuéu 12:2 - ꞌRe Ihâimana Uꞌâsi Mono Zadawa Wasuꞌu

² Tahawa, te oto asib'apito za'ra wa'aba na 're hâimana, te te 're i'ai'madâ'â za'ra wa'aba mono da hã. Tazahã, wa hã wa tô oto ĩhâiba prédu. Wa tô ĩnhi'a. Duré ĩ'ra norĩ hã te aime 're hâimana za'ra wa'wa, ãmemhã. Duré wa hã ĩhâiba té hawim haré wa tô aima za'ra wa'aba i'rãnho'õmo na 're ĩhâimana, zahadu ãhã bâtâ u hã.

1 Samuéu 12:2 ပူးပေါင်းရင်းမြစ်များ

2 Timotiu 4:6

Wa za oto aima ĩsiwasu'u. Ĩnhibâdâ romhuture di oto. Wanhib'apito zadawa wasu'u'wa 're ĩmorĩ 'ru te, za da te dasiwi ĩwĩrĩ nherẽ, ĩdâ'â tõ da hã, ĩsisawi õ di za.

Zozué 23:1

Tawamhã Uburé Danhib'apito, 'Re ihâimana u'âsi mono, ma tô Izaraéu nhihudu norĩ, isitob'ru te te siwi i'uirĩ norĩ wa'wa rowẽ na si 're ihâimana za'ra mono da hã oto tãma pisutu za'ra. Duré Zozué 're hâimana hâ mono wa, ma tô oto si'ihi pese.

Zozué 23:2

Tawamhã ma tô uburé Izaraéu nhihudu norĩ zô tihârâ za'ra, dama roti'wa norĩ zô, dama i'rãnho'õmo norĩ zô, da'ãma rowairébé'wa norĩ zô, duré dama ipire norĩ zô zama. Ãne te tãma nharĩ za'ra: — Wa tô oto wa hã ĩsi'ihi pese.

1 Samuéu 2:22

Tawamhã Eri hã ma tô oto tihâiba prédu pese. Tawamhã ma tô te te 're wapari, i'ra norĩ uburé marĩ te te 're i'a'manharĩ zahuré mono zé hã Izaraéu nhihudu norĩ ma. Ma tô duré te te 're wapari, pi'õ norĩ ãma 're ihâimana wasété zahuré mono zém na hã, romhâ 'manharĩ na 'ri iwazéb zahi wa, 're idanhisisi mono zéb ãma, te te 're iromhuri za'ra mono norĩ ãmamhã.

1 Samuéu 2:29

E marĩ da, ma tô ãne nherẽ, danhoprubzéb zô 're irob'ruiwapari za'ra wa'aba mo, wa hã te dama iwaihu'uzéb zarina danhoprubzé da te ĩma 're i'manharĩ za'ra mono zô. Eri, e marĩ da, te ai'ra norĩ hã iwazéb za'ra ĩnhipai u, taré hâipese za'ra da si. Ta norĩ hã ĩma danhoprubzé romnhi wa'õno danhipai u iwẽ uptabi si te te dawi 're huri mono nherẽ, a hã tiwi sawi za'ra õ di.

1 Samuéu 3:10

Tawamhã Uburé Danhib'apito ma tô oto itẽme mo. Tahawa, te oto i'rata za. Tawamhã iwana nasi te te i'mahârâ ne, ma tô duré 'mahâ, ãne: — Samuéu! Samuéu! Tawamhã Samuéu ma sada'â oto ãne: — E marĩ! Asib'a'uwẽ ãhãta wa aiwapa.

1 Samuéu 3:13

Wa tô tãma tinha, za i'ra norĩ te 're i'ahâri u'âsi mono na hã. E marĩ wa. I'ra norĩ hã ĩhâiba na te te 're nharĩ wasété zahuré mono wa. Tawamhã ãne za te tãma i'manharĩ zahuré zé hã, Eri hã te te waihu'u pese di. Tane nherẽ, ti'ra norĩ wi te te sawi zahuré õ di, te te 're i'manharĩ wasété zahuré mono zé hã te te isahâri da hã.

1 Samuéu 3:16

Tane nherẽ, te Eri hã 'mahâ, ãne: — Ĩ'ra Samuéu! Tahawa ma sada'â ãne: — E marĩ. Ãhãta ãme wa nhamra.

1 Samuéu 8:1

Tawamhã Samuéu si'ihi wamhã oto, ma tô ti'ra norĩ hã pisutu zahuré, Izaraéu nhihudu norĩ ma rowairébé'wa na 're hâimana zahuré mono da.

1 Samuéu 8:20

Daza'ru ihâiba amoi ãma wasiré a'uwẽ õ norĩ te ne hã apito wama 're 'maihâimana mono da hã, wa wasima wẽ za'ra ni, te te 're wa'a'madâ'â mono da, duré dasi'wapéi wa, te te 're wa'anhimroi mono da, te te duré wama 're da'a'wapéi mono da hã.

1 Samuéu 8:3

Tane nherẽ, i'ra norĩ hã timama hâimanazém na 're hâimana zahuré mono õ di. Ma tô rob'uiprazém na si te te sima 're rosa'rata zahuré, taha na si 're hâimana zahuré mono da. Rob'uiprazé pi'uriwi te te dawi 're i'awaibu zahuré mono wa'rãmi, ma tô duré te te dama 're rowairébé zahuré. Tahawa, duré i'uwaibaba na te te dama 're arowairébé zahuré mono õ di.

1 Samuéu 8:5

Itẽme sihutu wamhã, te ãne tãma nharĩ za'ra: — A hã ma tô aihâiba prédu pe oto. Duré ai'ra norĩ hã aihâimanazém na 're hâimana zahuré mono õ di. Tahawa, te za a hã wama i'maipisutu za'ra, wama isi'apito da hã, te te 're wa'a'madâ'â mono da, ti'ai wa'õtõ nho'õmo amoi ãma apito da te 're iséme mono ne.