1 Samuéu 12:17 - ꞌRe Ihâimana Uꞌâsi Mono Zadawa Wasuꞌu

¹⁷ Ãhã na hã wahum na wa wahâimana za'ra ni. E amnho trigu hã da te tehâri mono õ di za bété, ãhã na hã. Tahawa, wa za mre, Wanhib'apito ma tãirãrã'ã ma, we te te rob'ru da, duré tãi ma. Tawamhã ãne hã a norĩ wa'wa hã 'madâ'â za'ra wa'aba wamhã, te za iwaihu'u za'ra wa'wa, aiwasédé sa'ẽtẽ na 'Re ihâimana u'âsi mono wi i'manharĩ za'ra wa'aba zém na hã, asima iwẽ za'ra wa'aba zarina, aimawi apito hã waptẽrẽ za'ra wa'aba wa.

1 Samuéu 12:17 ပူးပေါင်းရင်းမြစ်များ

Ezodu 32:30

Tawamhã Mozési, awẽ bâtâ na te dama tinha ãne: — A norĩ wa'wa hã ma tô aiwasété pese za'ra wa'wa. Tane nherẽ, wa za duré ẽtẽ u sai'uri na sahu, Uburé Danhib'apito ma, te robzanhamri da. Ãté aiwasété za'ra wa'aba wa'âbâzéb da, wa za tãma ĩnhopru, te te aima pari za'ra wa'aba da, i'manharĩ wasété za'ra wa'aba zé hã.

Provébiu 26:1

Rob'ré siwaprã rowahâzé pĩni u'ẽne 're ita'a mono ne, duré niha wamhã, roptehâri siwaprã tã 're ita'a mono ne, ni'wa hã ihâimana nhimiza'rese'õ ãma 're iwata mono zé hã te te rowazari õ di, sadai õ wa.

Zozué 10:12

Tawamhã Izaraéu nhihudu norĩ ma, amoreu norĩ ãma Uburé Danhib'apito te te ãma i'ai'uté za'ra zé te te tãma isõmri za'ra zé bâtâ na, ma tô Zozué hã tãma tinha, Izaraéu nhihudu norĩ nho'a, ãne: “Bâdâ, ma'ãpé Gibiã nhisi nho'õmoi baba asimizazâri! Duré a'amo, ma'ãpé Aizarõ na romharé nhisi nho'õmoi baba asimizazâri!”

1 Samuéu 12:13

— Tahawa, ãhãta apito asiwi ipisutu za'ra wa'wa hã. Ma tô asiwi iwaptẽrẽ za'ra wa'wa. Tahawa, Wanhib'apito 'Re ihâimana u'âsi mono ma tô ã hã apito aima sõmri za'ra wa'wa.

1 Samuéu 12:19

Tahawa, te Samuéu ma nharĩ za'ra ãne: — Ma'ãpé wa'ãma aimreme za'ra na asib'apito 'Re ihâimana u'âsi mono ma. Tawamhã wa norĩ hã wasi'utõrĩ õ di za. Uburé wawasédé hã wa te 're i'manharĩ za'ra mono zém nhisiwimhã wa tô duré ãhã na hã wawasété za'ra ni, apito aimawi wa te wasiwi iwaptẽrẽzém na hã.

1 Samuéu 2:10

Uburé Danhib'apito nhitob'ru norĩ hã te za 're si'utõrĩ. Tãiwapsa'a na ne, te za sada 're hâimana za'ra, hâiwa hawimhã. Uburé Danhib'apito hã te za dapoto mono bâ te te dama 're arowairébé, dahâimanazém na te te 're ida'awaihu'u mono zéb zarina. Duré tinhiptetezé hã te za tãma tisõ, Danhib'apito da, te te ipisutu ma hã. Te za duré tãma tisõ, te te da'ãma i'ai'utézéb da hã, Danhib'apito te te ipisutu ma hã.

1 Samuéu 7:5

Tawamhã Samuéu hã ma tô tãma 'ru za'ra Izaraéu nhihudu norĩ ma, uburé pese si'rã'õtõ da Mispa na 'ri wa'õtõ nhisi ãma. Tawamhã ma tô duré tãma ropisutu za'ra, tame ãma 're mreme za'ra mono da, Uburé Danhib'apito ma hã.

1 Samuéu 8:6

Tane nherẽ, Samuéu ma hã wẽ õ di, te te tiwi iwaptẽrẽ za'ra zé hã. Tahawa, ma tô tãma mre, Uburé Danhib'apito ma.

1 Samuéu 8:7

Tawamhã ãne ma tô ãma sada'â, tãma imremezém na 'Re ihâimana u'âsi mono hã: — Te za ãma isada'âbâ za'ra, Izaraéu nhihudu norĩ te te aiwi irowaptẽrẽ za'ra na hã. Duré aiwétési te te siwi aiwẽ'õ õ di. Ĩzama ma tô duré siwi ĩwẽ'õ, Tinhib'apito za'ra na hã.