1 Samuéu 12:16 - ꞌRe Ihâimana Uꞌâsi Mono Zadawa Wasuꞌu

¹⁶ Ma'ãpé a'â ãme aihâimana za'ra wa'aba i'aihâimana za'ra wa'aba zéb ãma, za marĩ Wanhib'apito iwẽ te te i'manharĩzé hã 'madâ'â za'ra wa'aba da.

1 Samuéu 12:16 ပူးပေါင်းရင်းမြစ်များ

Ezodu 14:13

Tane nherẽ, Mozési, ma te ãne ãma sada'âbâ za'ra: — Aipahi za'ra wa'aba tõ. Ma'ãpé asiptete na aihâimana za'ra wa'aba. Tawamhã te za i'madâ'â za'ra wa'wa, ã bâtâ na Uburé Danhib'apito te te i'asõ'reptu za'ra wa'aba zé hã. Tahawa ã hã ezipsiu norĩ, niwamhã ihâiba pibu zahu za'ra wa'aba da hã, mare di za.

Ezodu 14:31

Tawamhã Izaraéu nhihudu norĩ hã Uburé Danhib'apito tiwaihu'u pese na ezipsiu norĩ ãma te te i'ai'uté za'ra zé te te 'madâ'â za'ra wamhã, ma tô ãma itob'uzu za'ra zéb zarina oto wazéb za'ra. Tahawa, ma tô Uburé Danhib'apito hã oto siwi umnhasi. Duré tãma romhuri'wa Mozésihi zama te oto umnhasi na hã tãma tihâimana za'ra.

1 Samuéu 12:7

Aihâimana za'ra wa'aba a'â ãme. Wanhib'apito 'Re ihâimana u'âsi mono nho're, wa za ãma aipo're pu'u za'ra wa'wa, uburé marĩ te te aima 're i'ab'manharĩ za'ra wa'aba mono zém na te te i'asõ'reptu za'ra wa'aba na hã, duré aihi'rata norĩ te te isõ'reptu za'ra zém na zama.

1 Samuéu 15:16

Tawamhã Samuéu ma tô Sauhu mreme nhizâ ãne: — Ari'iwi asãmra! Wa za aima wasu'u, Wanhib'apito 'Re ihâimana u'âsi mono te te ĩma inharĩzé hã ã mara isi'utõrĩ na hã. Tawamhã Sau ma ãma sada'â ãne: — Ma'ãpé wasu'u na ĩma.