1 Samuéu 12:15 - ꞌRe Ihâimana Uꞌâsi Mono Zadawa Wasuꞌu

¹⁵ Tane nherẽ, Wanhib'apito mreme 're wapari za'ra wa'aba mono õ wamhã, duré isimiroti hã asiwi 're wẽ'õ za'ra wa'aba mono wamhã, õ hã te za asada 're hâimana za'ra wa'wa, asib'apito za'ra wa'aba da zama.

1 Samuéu 12:15 ပူးပေါင်းရင်းမြစ်များ

Zozué 24:20

'Re ihâimana u'âsi mono, Uburé Danhib'apito 're rẽme za'ra wa'aba mono wamhã, duré asiré a'uwẽ'õ norĩ te, ihâiba'õ na si 're aiwata za'ra wa'aba mono wamhã, te za apâ õ hã asada 're hâimana za'ra wa'wa. Te za duré te te 're aihâ za'ra wa'wa. Iwẽ na aima 're hâimana za'ra wa'aba mono parim nherẽ, te za tawamhã ai'uprosi 'wa.

Zuize 2:15

Tawamhã 're si'wapé za'ra mono da, dazô 're wairébé mono sidâpâsi, ma tô Uburé Danhib'apito hã sada 're hâimana za'ra, te te ãma tãma iropisutu za'ra zéb zarina. Ãne wa, tãma 're ropire uptabi za'ra mono di.

1 Samuéu 12:9

Tane nherẽ, ma tô aihi'rata norĩ wa'wa hã po're ha'âri za'ra Wanhib'apito 'Re ihâimana u'âsi mono ãma hã. Tahawa, ma tô Sisera 'rinho'u Hazo na isisi ãma dasi'wapéi 'manharĩ 'madâ'â'wai ma hâiba nhomri za'ra, filisteu norĩ ma hã, duré Moabi ãma apito ma hã, te te 'wapé za'ra wa, te te duré ãma ai'uté za'ra da.

1 Samuéu 5:9

Tane nherẽ, te te siwi ãwisi parimhã, ma tô Uburé Danhib'apito hã duré tãma rob'manharĩ za'ra 'ri nho'õmo 'rem norĩ ma. Ma tô duré tapẽ'ẽwara za'ra ni, 'ri nho'õmo ãma 're idahâimana za'ra mono norĩ hã. Tawamhã uburé 'ri nho'õmo 'remhã ma tô dahâ 'rowi da'wa're tob'mai'ã hã te te daduri, dama ipire norĩ hã duré dama iwapu norĩ zama.