1 Samuéu 12:12 - ꞌRe Ihâimana Uꞌâsi Mono Zadawa Wasuꞌu

¹² Tane nherẽ, amonita norĩ te apito Na'asi hã te te ai'wapé za'ra wa'aba da, we imorĩ na asiwi 'madâ'â aba wamhã, ma tô a norĩ wa'wa hã asiwi iwẽ'õ za'ra wa'wa, Wanhib'apito 'Re ihâimana u'âsi mono hã apito na wama 're ihâimana za'ra mono hã aré. Tahawa, ma tô ãne duré ĩma inharĩ za'ra wa'wa: “Wa wasima wẽ za'ra ni, aimawi wama isi'apito za'ra da hã.”

1 Samuéu 12:12 ပူးပေါင်းရင်းမြစ်များ

Zenezi 17:7

Ĩnhimiropisutuzé õne u'â aima 're hâimana mono da, duré asihudu norĩ ma zama õne u'â tãma 're hâimana za'ra mono da zama wa aima 'manha ãne: Õne u'â, ate 'Re ihâimana u'âsi mono na, duré asihudu norĩ te 'Re ihâimana u'âsi mono na, wa za tãma 're ĩhâimana za'ra.

Zuize 8:23

Tawamhã Gidiã, ma te ãne ãma tãma wa'rãmi za'ra: — Aima za'ra wa'aba isi'ĩ'rãnho'õmo da hã, duré ĩ'ra zama aima za'ra wa'aba isi'i'rãnho'õmo da hã, waihu'u õ di. Uburé Danhib'apito si, te za ate za'ra wa'aba na i'rãnho'õmo na hã aima 're hâimana za'ra wa'wa.

Zuize 9:18

Tane nherẽ, te ãhã na hã ĩmama hawi a'uwẽ da, aihâimana za'ra wa'wa. A norĩ wa'wa ma tô 70 na i'ra hâiba za'ra hã misi ẽtẽ tõmo wawẽ inomro nhisiwimhã asiwi i'uprosi 'wa! Taha pari ma tô Abimelequi, Siquẽ ãma si'apito da hã asiwi ipisutu 'wa, ĩmama ma romhuri'wai 'ra hã. Taha ma si, ma tô ãne hã i'manharĩ za'ra wa'wa, asisãnawã za'ra wa'aba wa.

1 Samuéu 10:19

Wa hã asib'apito za'ra wa'wa. Ĩwétési wa marĩ wi hã te 're asõ'reptu za'ra wa'wa, duré ropire hawimhã. Tane nherẽ, ãhã na hã ma tô asiwi ĩwẽ'õ wa'wa. Duré ma tô asiwi iwaptẽrẽ 'wa, apito hã te aima 'maipisutu za'ra wa'aba da hã. Wẽ di tô. Tahawa, ma'ãpé asi'rã'õtõ aba ĩnho're, aihi'rata norĩ nhihudu mono bâ duré aimama norĩ zarina ai'upsãtã aba mono bâ.”

1 Samuéu 8:3

Tane nherẽ, i'ra norĩ hã timama hâimanazém na 're hâimana zahuré mono õ di. Ma tô rob'uiprazém na si te te sima 're rosa'rata zahuré, taha na si 're hâimana zahuré mono da. Rob'uiprazé pi'uriwi te te dawi 're i'awaibu zahuré mono wa'rãmi, ma tô duré te te dama 're rowairébé zahuré. Tahawa, duré i'uwaibaba na te te dama 're arowairébé zahuré mono õ di.