1 Samuéu 12:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã Samuéu te Izaraéu nhihudu norĩ ma nharĩ za'ra ãne: — Wa hã wa tô uburé ãma aima uwaimrami za'ra wa'wa, ĩwi iwaptẽrẽ za'ra wa'aba zéb uwaibaba. Tahawa, wa tô aima sõmri za'ra wa'wa apito hã, te te 're i'ai'madâ'â za'ra wa'aba mono da hã.

1 Samuéu 12:1 ပူးပေါင်းရင်းမြစ်များ

1 Samuéu 10:1

Tawamhã Samuéu ma tô siré ti'â, simhi azeitona wa'u tob ré hã. Tawamhã iwa'u to hã ma tô sa'wa, Sauhu 'rã nhisiwi. Taha pari, ma tô tob'rata hârâ na sawi. Tawamhã te ãne tãma tinha: — Uburé Danhib'apito ma tô ai'rãti'i, asi'i'rãnho'õmo da, isib'a'uwẽ Izaraéu nhihudu norĩ ma. Duré taha wa, a hã te za 're i'ab'madâ'â mo, Izaraéu nhihudu norĩ hã. Te za duré 're i'anho'reptui mo, asitob'ru norĩ wi hã. Ãne te za 'Re ihâimana u'âsi mono te te i'aipisutu na hã da te 're waihu'u za'ra, asi'i'rãnho'õmozém na hã isib'a'uwẽ norĩ ma.

1 Samuéu 10:24

Tawamhã te Samuéu dama tinha ãne: — Ãhãta te za aibâ hã, Uburé Danhib'apito te te ipisudu hã! Ni'wa hã isine ihâimana õ, wa'reb za'ra hã. Ãne wa, te uburé Izaraéu nhihudu norĩ hã nharĩ za'ra: — Wanhib'apito a'â wama 're hâimana u'âsi za'ra mono!

1 Samuéu 8:9

Tahawa, ma'ãpé ãma saze za'ra na te te aiwi irowaptẽrẽ za'ra zém na hã. Tane nherẽ, po're pu'u za'ra na Izaraéu nhihudu norĩ hã. Duré ãma tãma rowasu'u pese za'ra na, za niha apito te te 're i'madâ'â za'ra mono zém na hã.