1 Samuéu 11:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã Sau ãne hã te te wapari wamhã, ma tô 'Re ihâimana u'âsi mono pẽ'ẽzani hã iwab ãzé. Tahawa, ma tô oto ab'rui pese.

1 Samuéu 11:6 ပူးပေါင်းရင်းမြစ်များ

Ezodu 32:19

Tawamhã Mozési, 'ri nhoré u oto 'râwi wisi wamhã, oru ẽtẽ waipo na powawẽ zapu 'manharĩ hã, duré idasiwapsisizé te te 'madâ'â wamhã, ma tô dazada tinhiti'ru pese. Tahawa, ẽtẽ zahâpâ, maparane ẽtẽpo tinhib'rata te te imrami hã ma tô ti'ai u hã wabzu. Duré ma tô prub zahuré.

Marcu 3:5

Tawamhã Zezusi te da'ab'madâ. Te te ãma irosa'rata norĩ ãma hã, toi õ di. Simirosa'rata wasété nhiptete za'ra wa, ta norĩ ãma pẽ'ẽzé za'ra di. Tawamhã isimizu'rã're ma, te tãma tinha, ãne: — Ma'ãpé, asimizu wahutu. Tawamhã ma tô tinhimizu hã wahutu, aibâ hã. Tahawa, ma tô tinhimizu pese.

Éfézu 4:26

Nimahã na 're asiti'ru za'ra wa'aba mono wamhã, 're aiwasété za'ra wa'aba mono õ di za, aiwasédé hã 're 'manharĩ za'ra wa'aba mono tõ da. Duré asiti'rui ré bâdâ hã wahuré ai'ãma 're si'utõrĩ za'ra wa'aba mono tõ da, te za asiwi 're iwẽ'õ za'ra wa'aba mo, Wa'uburé nhimiwada'uri zarina aiwasédé hã 're 'manharĩ za'ra wa'aba mono tõ da dama.

Zuize 11:29

Tawamhã Uburé Danhib'apito pẽ'ẽzani, ma tô Zéptéhé wamhã ãzé. Tahawa Ziliadi ti'a wa'waibaba duré Manasé ti'a wa'waibaba ma tô ro'razâ. Tahawa, ma tô Ziliadi ãma Mispa u apâ sina siri. Tawamhã duré ta hawi Amo ti'ai u oto morĩ wamhã,

Zuize 13:25

Tawamhã Sãsã, Ma'ane-Dã ãma Zora na 'ri wa'õtõ nhisi norĩ wa'wamhã, Esta'o na 'ri wa'õtõ nhisi 're me 're hâimana mono ré, ma tô Uburé Danhib'apito pẽ'ẽzani iwa ihâimana na hã duré ãma sãna'rata, niha marĩ te te 're i'a'manharĩ mono zéb da hã.

Zuize 14:6

Tane nherẽ, Uburé Danhib'apito pẽ'ẽzani, Sãsã siptete na hâimana da hã, ma tô tãma tisõ. Tahawa tinhib'rata na si nherẽ, ma tô Sãsã, hu'u zérépa hã te te sinarĩ, pone'ẽrebâ zéré uzé 'ra nhi, da te 're isinarĩ mono ne. Tane nherẽ, timama norĩ ma, tina me hã te te tãma wasu'u zahuré õ di, niha na tãma iromhâimana zarina te te i'manharĩzé hã.

Zuize 15:14

Tawamhã Sãsã, Lei u oto te te siwi ãwisi wamhã, ma tô filisteu norĩ hârâ 'rãihâ sina itẽmemhã ai'aba'ré, te te siwi sõpẽtẽ da. Tane nherẽ, Uburé Danhib'apito pẽ'ẽzani, ma tô Sãsã siptete na hâimana da hã iwa tihâiba. Tahawa ma tô wedenhorõ tinhimizu wasisizé hã duré tinhib'rata waprezé hã sina sõrõ rĩ zahuré, unhama na abazi nhorõ 'rare zata ne tãma hã.

Zuize 3:10

Tawamhã Uburé Danhib'apito pẽ'ẽzani iwa sébré wa, ma tô Izaraéu nhihudu norĩ ma si'i'rãnho'u. Tawamhã Otonié, ma tô dasi'wapéi u watobro. Watobro wamhã, ma tô Uburé Danhib'apito hã pawapto, Mezopotãmia ãma apito na te te ai'uté da hã.

Zuize 6:34

Tawamhã Uburé Danhib'apito pẽ'ẽzani, Gidiãhã wamhã, ma tô ãzé. Tahawa ma tô pone'ẽrebâ õmo na danhimnhihârâzé isadawazare hã dazô hârâ. Ãhã wa, ma tô Abi'ézéhé nhib'a'uwẽ norĩ hã itẽme ai'rã'õtõ.

1 Samuéu 10:10

Tawamhã Sau norĩ hã tite romhuri'wai me, Zibea na 'ri wa'õtõ nhisi u oto simasisi zahuré wamhã, ma tô sõpẽtẽ za'ra, 'Re ihâimana u'âsi mono zadawa 'mahârâ'wa norĩ hã. Tawamhã 'Re ihâimana u'âsi mono pẽ'ẽzani hã ma tô iwab ãzé, Sauhu wamhã. Tahawa, ma tô oto isiré tihâimana za'ra.

1 Samuéu 10:6

Tawamhã Uburé Danhib'apito pẽ'ẽzani hã te za aiwa ãzé. Tawamhã a zama te za oto isiré aihâimana za'ra, 'Re ihâimana u'âsi mono zadawa 'mahârâ'wa ne. Taré oto a hã aimawi uptabi za.

1 Samuéu 16:13

Tawamhã Samuéu ma tô oto ti'â abazei u azeitona 'rãi wa'ui ré hã. Taha na ma tô oto 'rãti'i Dawi hã, isisãnawã norĩ nho're. Tahawa, 'Re ihâimana u'âsi mono pẽ'ẽzani hã ma tô Dawihi wamhã oto iwab ãzé siptete na ãma 're ihâimana mono zéb da hã. Tawamhã ta hawim haré ma tô ipẽ'ẽ 'remhã 're hâimana. Tawamhã Samuéu Rama u te oto apâ mo.

1 Samuéu 16:14

Tawamhã Uburé Danhib'apito pẽ'ẽzani hã ma tô oto watobro, Sauhu hâiba hawimhã. Tahawa, ma tô oto iwa'rãmi iwab ãzé, wa'uburé hã, 'Re ihâimana u'âsi mono te te itẽme tãma irob'ru hã. Tahawa, te oto wa'uburé hã wasutu.