1 Samuéu 11:2 - ꞌRe Ihâimana Uꞌâsi Mono Zadawa Wasuꞌu

² Tawamhã apito Na'asi ma tô ãma sada'âbâ za'ra ãne: — Wa za tô aima 'manharĩ za'ra wa'wa ĩnhimiropisudu hã ãne: Aihâiba mono bâ wa'aba wa za atõmo nhimire niwĩp si atopu'u za'ra wa'wa. Tawamhã ãne wamhã, wa hã wa za uburé Izaraéu nhihudu norĩ hã ãma sisém nomri za'ra za, ĩnhimi'manharĩzém na hã.

1 Samuéu 11:2 ပူးပေါင်းရင်းမြစ်များ

Zenezi 34:14

Tahawa te ãne tãma nharĩ za'ra: — Wahidiba, wa te wasiwi ihâiba za'ré da hã mare di, aibâ isihâiwata nhizâri õ, ãma imro da hã, ãne hã wama 're irowazéb za'ra mono zé wa.

Salmu 44:13

Wama i'manharĩ za'ra zé, wawaptoma a'uwẽ 're ihâimana za'ra mono te te 'madâ'â za'ra wamhã, te wa'ãma tiwa'ẽ za'ra.

Ezodu 3:6

— Wa hã aihi'rata norĩ nhib'apito 'Re ĩhâimana u'âsi mono, Abra'ãhã nhib'apito, Izaquihi nhib'apito, duré Zacoho nhib'apito. Tawamhã Mozési ma tô si'ubu zuwa, pahi wa, 'Re ihâimana u'âsi mono te te i'madâ'â da hã.

Provébiu 12:10

Sena na 're ihâimana za'ra mono norĩ hã tinhimizama hã te te 're 'madâ'â wẽ za'ra mono di. Tane nherẽ, iwasété norĩ nhimirob'manharĩzé hã wasété uptabi di.

Zuize 16:21

Tawamhã filisteu norĩ ma tô oto siwi ti'â. Te te siwi âri wamhã, ma tô siwi topu'u zahuré. Tahawa, duré oto Gaza u te te siwi saprõni wamhã, ma tô ẽtẽ topsada brõzi nhorõ rutu na te te siwi wasisi. Tawamhã dazazéb 're amnho zubzém na te te nasi ãma isa'oto mono na te te 're romhuri mono da hã, ma tô siwi tisẽ.

1 Samuéu 11:10

Tawamhã Zabesi ãma aibâ norĩ 're ihâimana za'ra mono norĩ hã te duré ãne tãma nharĩ za'ra, amonita norĩ ma: — Awẽmhã wa za tô aima wasisõmri za'ra wa'aba ni, marĩ hã asima iwẽ na wa'ãma 'manharĩ za'ra wa'aba da.

1 Samuéu 12:12

Tane nherẽ, amonita norĩ te apito Na'asi hã te te ai'wapé za'ra wa'aba da, we imorĩ na asiwi 'madâ'â aba wamhã, ma tô a norĩ wa'wa hã asiwi iwẽ'õ za'ra wa'wa, Wanhib'apito 'Re ihâimana u'âsi mono hã apito na wama 're ihâimana za'ra mono hã aré. Tahawa, ma tô ãne duré ĩma inharĩ za'ra wa'wa: “Wa wasima wẽ za'ra ni, aimawi wama isi'apito za'ra da hã.”

1 Samuéu 17:26

Tawamhã te Dawi hã dasi'wapéi 'manharĩ'wa norĩ, i'rata isimasam norĩ hã sadanharĩ za'ra ãne: — E marĩ te za ni'wa hã ti'â, ã hã filisteu te te wĩrĩ wa, taha zarina Izaraéu nhihudu norĩ ma te te ropese wa, te te anho'reptui wamhã. E 'wa bété ãhã, filisteu ihâimana wasédé hã. E tô ibâ 'Re ihâimana u'âsi mono te dasi'wapéi 'manharĩ 'wa norĩ zô ihârâ zahi za'ra zé hã.