1 Samuéu 11:15 - ꞌRe Ihâimana Uꞌâsi Mono Zadawa Wasuꞌu

¹⁵ Tahawa, ma tô oto ai'aba'ré uburé Gilga u hã. Tame ma tô ro iwazéb zahi ãmamhã Sau hã siwi pisutu, tinhib'apito za'ra da hã. Tawamhã ma tô duré tinhoprubzém na hã tinhoprub za'ra, 'Re ihâimana u'âsi mono ma, danhoprubzé ãma irowẽ za'ẽtẽ na hã. Tahawa, Sau norĩ hã Izaraéu nhihudu norĩ me ma tô rowẽ te 're to za'ra, ãne na iromhâimanazém na hã.

1 Samuéu 11:15 ပူးပေါင်းရင်းမြစ်များ

Ezodu 24:5

Tawamhã Mozési, ni'wam norĩ ai'reputu ma, Uburé Danhib'apito ma danhoprubzéb da, danhimizama te te zata za'ra da, ma tô tãma 'ru za'ra. Powawẽ iba'õmo zama ma tô tãma 'ru za'ra, danhoprubzé ãma irowẽ za'ẽtẽ zé te te siwi simro da.

Tiagu 4:16

Tane nherẽ, niwa romhâimanazé hã waihu'u pese za'ra wa'aba newa, te 'râwi asi'uihâ na 're asi'madâ'â za'ra wa'aba mo. Ta hã dawasédé.

1 Samuéu 10:17

Tawamhã Samuéu ma tô uburé sô tihârâ za'ra, Izaraéu nhihudu norĩ zô, Mispa ãma si'rã'õtõ da.

1 Samuéu 10:24

Tawamhã te Samuéu dama tinha ãne: — Ãhãta te za aibâ hã, Uburé Danhib'apito te te ipisudu hã! Ni'wa hã isine ihâimana õ, wa'reb za'ra hã. Ãne wa, te uburé Izaraéu nhihudu norĩ hã nharĩ za'ra: — Wanhib'apito a'â wama 're hâimana u'âsi za'ra mono!

1 Samuéu 10:8

Ma'ãpé aimorĩ ĩnhowa Gilga na romnhisi u. Tawamhã tamep si wa za duré wa hã asõpẽtẽ, 'Re ihâimana u'âsi mono ma, ĩnhoprubzéb da danhimizama hã te zata pese da, ãma ĩmorĩ wamhã. Wa za duré tãma ãma ĩnhopru, danhoprubzém na ãma idapẽ'ẽ to za'ẽtẽ na hã. Tahawa, a'â ĩzô asimipari za, 7 bâtâ 'remhã wa hã ãma ĩwisizéb u, duré te aima waihu'u da, za marĩ i'manharĩzéb da hã.

1 Samuéu 12:1

Tawamhã Samuéu te Izaraéu nhihudu norĩ ma nharĩ za'ra ãne: — Wa hã wa tô uburé ãma aima uwaimrami za'ra wa'wa, ĩwi iwaptẽrẽ za'ra wa'aba zéb uwaibaba. Tahawa, wa tô aima sõmri za'ra wa'wa apito hã, te te 're i'ai'madâ'â za'ra wa'aba mono da hã.

1 Samuéu 12:17

Ãhã na hã wahum na wa wahâimana za'ra ni. E amnho trigu hã da te tehâri mono õ di za bété, ãhã na hã. Tahawa, wa za mre, Wanhib'apito ma tãirãrã'ã ma, we te te rob'ru da, duré tãi ma. Tawamhã ãne hã a norĩ wa'wa hã 'madâ'â za'ra wa'aba wamhã, te za iwaihu'u za'ra wa'wa, aiwasédé sa'ẽtẽ na 'Re ihâimana u'âsi mono wi i'manharĩ za'ra wa'aba zém na hã, asima iwẽ za'ra wa'aba zarina, aimawi apito hã waptẽrẽ za'ra wa'aba wa.

1 Samuéu 8:19

Tane nherẽ, te te ãma saze za'ra õ di Izaraéu nhihudu norĩ hã ãne na Samuéu te te ãma ipo're pu'u za'ra zém na hã. Tahawa, ma tô ãne tãma nharĩ za'ra, iwa'rãmi: — Mare di. Apito si wa tô wasima wẽ za'ra ni.