1 Samuéu 11:14 - ꞌRe Ihâimana Uꞌâsi Mono Zadawa Wasuꞌu

¹⁴ Tawamhã Samuéu te duré dama tinha ãne: — Oto uburé wasi'aba'réi wa'aba Gilga na romnhisi u. Tawamhã tamep si wa za Sau hã wa te wasiwi ipisutu na ãma sahu za'ra ni, wanhib'apito za'ra da hã.

1 Samuéu 11:14 ပူးပေါင်းရင်းမြစ်များ

1 Samuéu 10:8

Ma'ãpé aimorĩ ĩnhowa Gilga na romnhisi u. Tawamhã tamep si wa za duré wa hã asõpẽtẽ, 'Re ihâimana u'âsi mono ma, ĩnhoprubzéb da danhimizama hã te zata pese da, ãma ĩmorĩ wamhã. Wa za duré tãma ãma ĩnhopru, danhoprubzém na ãma idapẽ'ẽ to za'ẽtẽ na hã. Tahawa, a'â ĩzô asimipari za, 7 bâtâ 'remhã wa hã ãma ĩwisizéb u, duré te aima waihu'u da, za marĩ i'manharĩzéb da hã.

1 Samuéu 12:1

Tawamhã Samuéu te Izaraéu nhihudu norĩ ma nharĩ za'ra ãne: — Wa hã wa tô uburé ãma aima uwaimrami za'ra wa'wa, ĩwi iwaptẽrẽ za'ra wa'aba zéb uwaibaba. Tahawa, wa tô aima sõmri za'ra wa'wa apito hã, te te 're i'ai'madâ'â za'ra wa'aba mono da hã.

1 Samuéu 5:3

Tawamhã awẽm na mararé ma tô Asidodi ãma 're ihâimana za'ra mono norĩ hã siwi 'madâ romhâibarĩ Dagõ na isisi iwaptã hã ti'ai u ubu niwĩ, 'Re ihâimana u'âsi mono te, wedehâ're nho're. Tahawa, ma tô siwi ti'â romhâibarĩ hã apâ te te siwi sãrĩ da, isabzéb ãma.

1 Samuéu 7:16

Wahup sidâpâsi ma tô 're ne Bétéu u hã, Gilga u hã, duré Mispa u hã. Ã norĩ daza'ru ãma isõ're da te tãma 're ihâi'ré za'ra mono zéb zarina ma tô te te dama ãma 're arowairébé.