1 Samuéu 11:13 - ꞌRe Ihâimana Uꞌâsi Mono Zadawa Wasuꞌu

¹³ Tane nherẽ, Sau hã te tãma nharĩ za'ra ãne: — Ni'wa hã idâ'â da hã mare di, ã bâtâ na hã. E marĩ wa. Uburé Danhib'apito hã ma tô wa te da'ãma i'ai'utézé hã wama sõmri za'ra, Izaraéu nhihudu norĩ ma hã.

1 Samuéu 11:13 ပူးပေါင်းရင်းမြစ်များ

Ezodu 14:13

Tane nherẽ, Mozési, ma te ãne ãma sada'âbâ za'ra: — Aipahi za'ra wa'aba tõ. Ma'ãpé asiptete na aihâimana za'ra wa'aba. Tawamhã te za i'madâ'â za'ra wa'wa, ã bâtâ na Uburé Danhib'apito te te i'asõ'reptu za'ra wa'aba zé hã. Tahawa ã hã ezipsiu norĩ, niwamhã ihâiba pibu zahu za'ra wa'aba da hã, mare di za.

Ezodu 14:30

Uburé Danhib'apito tô taha bâtâ na ezipsiu norĩ wi, Izaraéu nhihudu norĩ te te sõ'reptu za'ra wamhã, ma tô isi'utõrĩ norĩ â zaihâ na supara wa isimi'wara mono hã 'madâ'â za'ra.

1 Corĩtu 15:10

Tane nherẽ, 'Re ihâimana u'âsi mono hã tinhimizawi pese zéb zarina si, ma tô ĩma tinhopru, tô õhõ na si dama 're ĩhâimana mono da oto, Cristuhu zadawa wasu'u'wa na. E tawamhã, taré ma tô ĩma tinhopru, 'Re ihâimana u'âsi mono hã. Mare di. Wa tô te ĩsina tãma 're uwaimrami u'âsi. Uburé ĩsiré Cristuhu zadawa wasu'u'wa norĩ hã, wa tô romhuri na te 're 'rãnhipai u'âsi za'ra. Tane nherẽ, ĩsi'uihâ na te dama 're romhuri mono õ di. 'Re ihâimana u'âsi mono si, ma tô te te 're ĩpawapto, ãne na te dama 're romhuri mono da, ĩma isõprubzéb zarina si.

1 Samuéu 10:27

Tane nherẽ, te ni'wam norĩ hã 're ihâimana wasété za'ra mono hã nharĩ za'ra ãne: — E niha te za õ hã aibâ hã merẽ wa'anho'reptu. Tawamhã ta norĩ hã ma tô siwi wẽ'õ pese, Sau hã. Tahawa, tinhoprub za'ra zé hã te te tãma sõmri za'ra õ di. Tane nherẽ, Sau hã te ari'iwi tihâiba, te te nharĩ õ pese na.

1 Samuéu 14:45

Tane nherẽ, dasi'wapéi 'manharĩ'wa norĩ hã ma tô ãma sada'âbâ za'ra ãne: — Tô'ã. Zonata idâ'â da hã mare di za. Taha nhimipawaptobzéb zarina wa tô Izaraéu nhihudu norĩ hã da'ãma ai'uté za'ra ni. Wa norĩ hã wa tô, Wanhib'apito 'Re ihâimana u'âsi mono ma hã ropisutu za'ra ni i'rãi hawimhã iséré hã da te tiwi 'matari tõ da. Ã bâtâ na marĩ hã te te i'manharĩ na hã 'Re ihâimana u'âsi mono nhimipawaptobzém na si ma tô 'manha. Ãne ma tô dasi'wapéi 'manharĩ'wa norĩ hã siwi sõ'reptu Zonata hã, idâ'âzé wi.

1 Samuéu 19:5

Õ hã sĩrĩtĩ zawi õ di. Gulia simimnhasi nherẽ, ma tô tiwĩ. Tahawa, Wanhib'apito 'Re ihâimana u'âsi mono nhisi na ma tô ãma ai'uté, Izaraéu nhihudu norĩ te te anho'reptu da hã. Duré te te ãma ai'uté ré hã a hã ma tô asi'uihâ na i'madâ. Tahawa, aima rowẽ di. Ĩmama, e marĩ wa, te za bété ãne nherẽ, iwasédé hã tãma i'manha. E marĩ te te 'manharĩ bâ te za Dawi hã iwĩ.