1 Samuéu 10:24 - ꞌRe Ihâimana Uꞌâsi Mono Zadawa Wasuꞌu

²⁴ Tawamhã te Samuéu dama tinha ãne: — Ãhãta te za aibâ hã, Uburé Danhib'apito te te ipisudu hã! Ni'wa hã isine ihâimana õ, wa'reb za'ra hã. Ãne wa, te uburé Izaraéu nhihudu norĩ hã nharĩ za'ra: — Wanhib'apito a'â wama 're hâimana u'âsi za'ra mono!

1 Samuéu 10:24 ပူးပေါင်းရင်းမြစ်များ

Mateu 21:9

Tawamhã Zezusihi nhowa idasi'aba'ré norĩ hã duré isarina idasi'aba'ré norĩ zama te nasi dasima 'mahârâ za'ra ni, ãne: — Apito Dawihi nhihudu ãma, 're wawata za'ra wa'aba mono. Wanhib'apito zadawa para, te we oto mo. 'Re ihâimana u'âsi mono hã iwẽ si te te tãma 're pisutu u'âsi mono neza. 'Re ihâimana u'âsi mono ãma zama duré 're wawata za'ra wa'aba mono, hâiwa ãma 're isãmra mono ãma, wei watẽme te te satõrĩ wẽ te.

1 Samuéu 11:15

Tahawa, ma tô oto ai'aba'ré uburé Gilga u hã. Tame ma tô ro iwazéb zahi ãmamhã Sau hã siwi pisutu, tinhib'apito za'ra da hã. Tawamhã ma tô duré tinhoprubzém na hã tinhoprub za'ra, 'Re ihâimana u'âsi mono ma, danhoprubzé ãma irowẽ za'ẽtẽ na hã. Tahawa, Sau norĩ hã Izaraéu nhihudu norĩ me ma tô rowẽ te 're to za'ra, ãne na iromhâimanazém na hã.

1 Samuéu 12:1

Tawamhã Samuéu te Izaraéu nhihudu norĩ ma nharĩ za'ra ãne: — Wa hã wa tô uburé ãma aima uwaimrami za'ra wa'wa, ĩwi iwaptẽrẽ za'ra wa'aba zéb uwaibaba. Tahawa, wa tô aima sõmri za'ra wa'wa apito hã, te te 're i'ai'madâ'â za'ra wa'aba mono da hã.

1 Samuéu 12:13

— Tahawa, ãhãta apito asiwi ipisutu za'ra wa'wa hã. Ma tô asiwi iwaptẽrẽ za'ra wa'wa. Tahawa, Wanhib'apito 'Re ihâimana u'âsi mono ma tô ã hã apito aima sõmri za'ra wa'wa.

1 Samuéu 9:2

Tawamhã taha 'ra aibâ iprédupté iwẽ uptabi, isisi hã Sau. Izaraéu nhihudu norĩ 'remhã taha nhipai u iwẽ uptabi hã 'maihâimana õ di. Duré uburé nhipai u te te sina irowabzu. Tahawa, Izaraéu nhihudu norĩ wa'wa hâimana wamhã, te za sisé watobro danhipai u, 'rãihâ wa.