1 Samuéu 10:22 - ꞌRe Ihâimana Uꞌâsi Mono Zadawa Wasuꞌu

²² Tahawa, te Samuéu Uburé Danhib'apito hã duré sadanha ãne: — E zahadu duré daré hã. Tawamhã 'Re ihâimana u'âsi mono ma ãma sada'â ãne: — Ĩhe, zahadu daré hã. Ma aima'u dawi, danhimarĩ wazari.

1 Samuéu 10:22 ပူးပေါင်းရင်းမြစ်များ

Zenezi 25:22

Tawamhã idi'i 'remhã ai'uté hã isi'ubza. Tahawa tina di'i 'remhã te nasi siwabzuri zahuré. Ãhã wa, te ãne sina rosa'rata: “E tihai wamhã, ma ãne hã ĩma tiromhâiba.” Tahawa te Uburé Danhib'apito te te sadanharĩ da hã mo.

Luca 14:11

Tane, ni'wa hã pire wẽ te, 'râwi sina 're wata mono wamhã, 'Re ihâimana u'âsi mono, te za tãma pisutu, wapu na 're hâimana mono da oto. Duré ni'wa hã, tipire na 'râwi 're si'madâ'â mono õ wamhã, te za tãma pisutu, dama pire na 're hâimana mono da oto.

Zuize 1:1

Tawamhã Zozué dâ'â parimhã, ma tô Izaraéu nhihudu norĩ, 'Re ihâimana u'âsi mono Uburé Danhib'apito hã siwi sadanha ãne: — E mahã nhihudu a'uwẽ wa'reb za'ra hã te za imorĩ'rata na siwi 'wapé, cananeu norĩ hã.

Zuize 20:18

Tawamhã Izaraéu nhihudu norĩ, Bétéu ãma Uburé Danhib'apito ãma 're iwata za'ra mono zéb u ma tô ai'aba'ré. Si'aba'réi wamhã, ma tô ãne 'Re ihâimana u'âsi mono hã siwi sadanha: — E ma hã te za wate a'uwẽ norĩ imorĩ'rata na, Bẽzamihĩ nhihudu norĩ hã siwi 'wapé. Tawamhã Uburé Danhib'apito, ma te ãma sada'âbâ za'ra ãne: — Zudaha nhihudu norĩ.

Zuize 20:28

Tawamhã Finéa, Eriazaha 'ra, Arãhã nhihudu hã ma tô dasiwi pisutu ni wedehâ're te te 're i'madâ'â mono da hã.) Tawamhã ta norĩ te te siwi isadanharĩzé hã ãne: — E wa za duré wawairébé na sahu za'ra ni, wasisãnawã Bẽzamihĩ nhihudu norĩ wa te 'wapé za'ra da hã. Niha wamhã, e wa za oto mazahâri za'ra ni. Tawamhã Uburé Danhib'apito, ma te ãma sada'âbâ za'ra ãne: — Ma! Te za i'wapé za'ra wa'wa. E marĩ wa. Wa hã wa za oto asib'rata aima hâiba nhomri za'ra wa'wa.

1 Samuéu 10:21

Tahawa, ma tô Samuéu hã tãma 'ru za'ra Bẽzamihĩ nhihudu norĩ 'remhã damama norĩ 'ra mono bâ, danhowa te te sina rotété za'ra da, itẽmemhã. Tawamhã Matrihi 'ra norĩ wamri hã ma tô duré watobro. Tawamhã Matrihi 'ra norĩ si'aibâ norĩ hã ma tô duré sina rotété za'ra, isãna'remhã. Tawamhã Sauhu nhisi hã ma tô watobro, Quisihi 'ra hã. Tawamhã ma tô oto sô 're rĩtĩ za'ra, Sauhu zô. Tane nherẽ, te te siwi sõpẽtẽ õ di.

1 Samuéu 14:37

Tawamhã Sau, 'Re ihâimana u'âsi mono hã ma te a'â sadawa pibu ãne: — E filisteu norĩ zô wa za wazahutu za'ra, wa te susi za'ra da hã. E te za duré a hã ihâiba nhomri za'ra, Izaraéu nhihudu norĩ te te ãma ai'uté za'ra da hã. Tane nherẽ, tô taha bâtâ na te te ãma sada'âbâ õ di, 'Re ihâimana u'âsi mono hã.

1 Samuéu 15:17

Tawamhã Samuéu te tãma tinha ãne: — Oro a hã Izaraéu nhihudu norĩ nhib'ihâ'a na aihâimana za hã te taré ne hã asi'ãma irosa'ra. Tane nherẽ, a hã Wanhib'apito 'Re ihâimana u'âsi mono hã ma tô ai'rãti'i, Izaraéu nhihudu norĩ nhib'apito na 're aihâimana mono da.

1 Samuéu 22:10

Tahawa, Aimereti hã ma tô Dawihi ãma hã Wanhib'apito 'Re ihâimana u'âsi mono hã sadanha ãne: “E marĩ te za Dawi i'uwaibaba hã 'manha.” Tawamhã ãne pari, ma tô isa hã tãma tisõ, Dawihi ma. Tahawa, Guliaha nhi'wa zama ma tô duré tãma tisõ.

1 Samuéu 23:9

Tawamhã Sau za te te i'wapézém na te te sima irosa'ratazé hã Dawi hã te te waihu'u wamhã, ma tô tãma tinha ãne, sasedoti Abiataha ma: — We ãwa âri sasedoti norĩ si'uzazé hã, 'Re ihâimana u'âsi mono hã wa te iré sadanharĩ da.

1 Samuéu 30:7

Tahawa, ma tô sasedoti Abiata, Aimeretihi 'ra ma hã tãma tinha ãne: — We ãwa ĩma âri, sasedoti norĩ si'uzazé hã, 'Re ihâimana u'âsi mono te iré ãma sadanharĩ da. Tawamhã Abiata ma tô tãma ti'â.

1 Samuéu 30:8

Tahawa, ma tô Dawi hã Uburé Danhib'apito hã sadanha ãne: — E we ãwa pi'uriwi waro wamnarĩ'wa norĩ zarina hã wa za mo. E tawamhã te sasãmri waihu'u pese za'ra di duré, te iwaibu da hã. Tawamhã ma ãne 'Re ihâimana u'âsi mono hã ãma sada'â: — Aimorĩ tô isarina za'ra hã. Tawamhã sasimri za'ra wamhã, da te isimroi mono norĩ hã te za isõ'reptu za'ra.

1 Samuéu 9:21

Tawamhã Sau ma tô ãma tãma wa'rã ãne: — Wa hã Bẽzamihĩ nhihudu. Bẽzamihĩ nhihudu norĩ nhipti'a hã, uburé Izaraéu nhihudu norĩ nhipti'ai ma surure di. Duré tô ĩmama norĩ hã tisiré Bẽzamihĩ nhihudu norĩ ma iwapure. Tawamhã e marĩ da, te ãne na hã ãma ĩma inha.