1 Samuéu 10:21 - ꞌRe Ihâimana Uꞌâsi Mono Zadawa Wasuꞌu

²¹ Tahawa, ma tô Samuéu hã tãma 'ru za'ra Bẽzamihĩ nhihudu norĩ 'remhã damama norĩ 'ra mono bâ, danhowa te te sina rotété za'ra da, itẽmemhã. Tawamhã Matrihi 'ra norĩ wamri hã ma tô duré watobro. Tawamhã Matrihi 'ra norĩ si'aibâ norĩ hã ma tô duré sina rotété za'ra, isãna'remhã. Tawamhã Sauhu nhisi hã ma tô watobro, Quisihi 'ra hã. Tawamhã ma tô oto sô 're rĩtĩ za'ra, Sauhu zô. Tane nherẽ, te te siwi sõpẽtẽ õ di.

1 Samuéu 10:21 ပူးပေါင်းရင်းမြစ်များ

Provébiu 18:18

Te te dama 're irowairébé za'ra mono 'ri 'remhã isiptete norĩ sisada sima'wara wamhã, te za ẽtẽre ui'éré ré iwazéb zahi hã da te 're wabzuri, taha zarina te te tãma ãma 're rowairébé zahuré mono da hã.

Zona 1:7

Uba're sari'wa norĩ hã te duré sima nharĩ za'ra ãne: — Oto wa te wasiwi mei wa'aba ẽtẽ zapotore i'ui'éré ré hã, ni'wa hã marĩ na te te i'upa, wa te wasiwi upsibi me da, taha nhimi'manharĩzéb upa zarina romnhimimnha wama ihâimana za'ra zé hã. Tahawa, ma tô siwi time, ẽtẽ zapotore hã. Tawamhã Zonahã nhisi hã ma tô watobro.

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:21

Tawamhã Izaraéu nhihudu norĩ hã ma tô tiwi waptẽrẽ za'ra, 'Re ihâimana u'âsi mono wi, ni'wa hã danhib'apito ne, te te 're ida'uwati mono da hã, te te pisutu da. Tahawa, 'Re ihâimana u'âsi mono hã ma tô tãma hâiba nhomri za'ra, Saulu hã da'uwati'wa da. Sauhu mama hã, Quisi na isisi hã. Bẽzamihĩ nhihudu ta hã, Quisi hã. Saulu hã te te 're da'uwati mono ré hã 40 na ma tô ãma tiwahu.

1 Samuéu 10:20

Tawamhã Samuéu hã ma tô uburé Izaraéu nhihudu norĩ zô hã hâ, 'râwi itẽme sihutu da, isihudu mono bâ. Tawamhã datozé dawaihu'uzéb da, te te siwi mei wamhã, ma tô watobro Bẽzamihĩ nhihudu norĩ wamri hã.

1 Samuéu 10:22

Tahawa, te Samuéu Uburé Danhib'apito hã duré sadanha ãne: — E zahadu duré daré hã. Tawamhã 'Re ihâimana u'âsi mono ma ãma sada'â ãne: — Ĩhe, zahadu daré hã. Ma aima'u dawi, danhimarĩ wazari.

1 Samuéu 9:2

Tawamhã taha 'ra aibâ iprédupté iwẽ uptabi, isisi hã Sau. Izaraéu nhihudu norĩ 'remhã taha nhipai u iwẽ uptabi hã 'maihâimana õ di. Duré uburé nhipai u te te sina irowabzu. Tahawa, Izaraéu nhihudu norĩ wa'wa hâimana wamhã, te za sisé watobro danhipai u, 'rãihâ wa.