1 Samuéu 10:19 - ꞌRe Ihâimana Uꞌâsi Mono Zadawa Wasuꞌu

¹⁹ Wa hã asib'apito za'ra wa'wa. Ĩwétési wa marĩ wi hã te 're asõ'reptu za'ra wa'wa, duré ropire hawimhã. Tane nherẽ, ãhã na hã ma tô asiwi ĩwẽ'õ wa'wa. Duré ma tô asiwi iwaptẽrẽ 'wa, apito hã te aima 'maipisutu za'ra wa'aba da hã. Wẽ di tô. Tahawa, ma'ãpé asi'rã'õtõ aba ĩnho're, aihi'rata norĩ nhihudu mono bâ duré aimama norĩ zarina ai'upsãtã aba mono bâ.”

1 Samuéu 10:19 ပူးပေါင်းရင်းမြစ်များ

Provébiu 16:33

Ẽtẽre ui'éré ré iwazéb zahi hã te za da te 're sãmra, niha marĩ, da te 're i'manharĩ za'ra mono zé, da te 're waihu'u za'ra mono da hã. Tane nherẽ, Uburé Danhib'apito hawip si marĩ pisutuzé hã te 're hâimana.

Zozué 24:1

Tawamhã Zozué, ma tô Izaraéu nhihudu norĩ wa'õtõ mono bâ 'rã'õtõ, Siquẽ na 'ri nho'õmo nhisi ãma. Tahawa, ma tô dama roti'wa norĩ zô tihârâ za'ra, dama i'rãnho'õmo norĩ zô, da'ãma rowairébé'wa norĩ zô, duré Izaraéu nhihudu norĩ ma ipire zô hã. Tawamhã ma tô ta norĩ hã oto 'Re ihâimana u'âsi mono nho'remhã aimasa.

Zuize 8:23

Tawamhã Gidiã, ma te ãne ãma tãma wa'rãmi za'ra: — Aima za'ra wa'aba isi'ĩ'rãnho'õmo da hã, duré ĩ'ra zama aima za'ra wa'aba isi'i'rãnho'õmo da hã, waihu'u õ di. Uburé Danhib'apito si, te za ate za'ra wa'aba na i'rãnho'õmo na hã aima 're hâimana za'ra wa'wa.

1 Samuéu 10:20

Tawamhã Samuéu hã ma tô uburé Izaraéu nhihudu norĩ zô hã hâ, 'râwi itẽme sihutu da, isihudu mono bâ. Tawamhã datozé dawaihu'uzéb da, te te siwi mei wamhã, ma tô watobro Bẽzamihĩ nhihudu norĩ wamri hã.

1 Samuéu 12:12

Tane nherẽ, amonita norĩ te apito Na'asi hã te te ai'wapé za'ra wa'aba da, we imorĩ na asiwi 'madâ'â aba wamhã, ma tô a norĩ wa'wa hã asiwi iwẽ'õ za'ra wa'wa, Wanhib'apito 'Re ihâimana u'âsi mono hã apito na wama 're ihâimana za'ra mono hã aré. Tahawa, ma tô ãne duré ĩma inharĩ za'ra wa'wa: “Wa wasima wẽ za'ra ni, aimawi wama isi'apito za'ra da hã.”

1 Samuéu 14:23

Bete-Awé na romnhisi inomro nhipai u bâdâdi na ma tô duré te te 'wapéi u'âsi za'ra. Tawamhã Danhib'apito 'Re ihâimana u'âsi mono hã tô taha bâtâ na ma tô Izaraéu nhihudu norĩ ma sõmri za'ra, za te te da'ãma i'ai'uté za'ra zéb da hã.

1 Samuéu 14:38

Tahawa, te Sau hã danhib'ihâ'a norĩ ma nharĩ za'ra ãne: — We ai'aba'réi wa'aba ãwa, ã bâtâ na danhimi'manharĩ wasété zé hã wa te wasiwi upsibi me da.

1 Samuéu 3:21

Tawamhã Uburé Danhib'apito ma tô duré Silo u hã nasi itẽme aimasisi, Samuéu u, imorĩ'rata na tãma isihâi'rézéb u, duré te te tãma inharĩzéb u. Tahawa, ma tô uburé Izaraéu nhihudu norĩ hã Samuéu mreme hã te te siwi 're wazé pese.

1 Samuéu 4:1

Tawamhã Izaraéu nhihudu norĩ hã taha bâtâ na hã ma tô wairé, filisteu norĩ te te 'wapé za'ra da hã. Tawamhã ma tô sima 'ri nhoré za'ra, Ebeneze na romnhisi ãma. Duré ma tô filisteu norĩ hã sima 'ri nhoré za'ra, Afeca na 'ri nho'õmo nhisi ãma.

1 Samuéu 8:19

Tane nherẽ, te te ãma saze za'ra õ di Izaraéu nhihudu norĩ hã ãne na Samuéu te te ãma ipo're pu'u za'ra zém na hã. Tahawa, ma tô ãne tãma nharĩ za'ra, iwa'rãmi: — Mare di. Apito si wa tô wasima wẽ za'ra ni.

1 Samuéu 8:5

Itẽme sihutu wamhã, te ãne tãma nharĩ za'ra: — A hã ma tô aihâiba prédu pe oto. Duré ai'ra norĩ hã aihâimanazém na 're hâimana zahuré mono õ di. Tahawa, te za a hã wama i'maipisutu za'ra, wama isi'apito da hã, te te 're wa'a'madâ'â mono da, ti'ai wa'õtõ nho'õmo amoi ãma apito da te 're iséme mono ne.