1 Samuéu 10:16 - ꞌRe Ihâimana Uꞌâsi Mono Zadawa Wasuꞌu

¹⁶ — Ma tô wama wasu'u ãne: Ma tô u siwi sõpẽtẽ, awaru po'repore norĩ hã. — Ãne Sau te tãma rowasu'u, timama amoi ma hã. Tane nherẽ, uburé hã te te tãma rowasu'u õ di, Samuéu te te tãma inharĩzém na hã za isi'apitozém na Izaraéu nhihudu norĩ ma.

1 Samuéu 10:16 ပူးပေါင်းရင်းမြစ်များ

Ezodu 4:18

Tawamhã Mozési, timaprewa Zetruhu nhorõwa u ma tô mo. Tahawa, te ãne tãma tinha: — Ĩma rowairébé, a'â Ezitu u apâ ĩmorĩ da wasisabu za'ra da. Wa tô ĩsima wẽ, te sabu za'ra da zahadu rowẽ na 're hâimana za'ra mono zô. Tawamhã Zetru ma te ãma sada'â ãne: — Rowẽ na aimorĩ za!

Provébiu 12:23

Isimiza'rese wẽ norĩ hã mreme wadi õ di, tinhimirowaihu'u na hã. Tane nherẽ, simiza'rese ãna 're ihâimana za'ra mono norĩ hã te za simiza'rese ãna niha na tihâimanazé hã te te dama 're hâi'ré za'ra.

Provébiu 29:11

Isimiza'rese'õ norĩ hã te sõ'awi 're isahi za'ra mono zém na hã 're sihâi'ré za'ra. Tane nherẽ, wẽ na 're ihâimana mono hã te za ari'iwi 're hâimana mono da si 're sitété.

Zuize 14:6

Tane nherẽ, Uburé Danhib'apito pẽ'ẽzani, Sãsã siptete na hâimana da hã, ma tô tãma tisõ. Tahawa tinhib'rata na si nherẽ, ma tô Sãsã, hu'u zérépa hã te te sinarĩ, pone'ẽrebâ zéré uzé 'ra nhi, da te 're isinarĩ mono ne. Tane nherẽ, timama norĩ ma, tina me hã te te tãma wasu'u zahuré õ di, niha na tãma iromhâimana zarina te te i'manharĩzé hã.

Zuize 14:9

Tawamhã tinhib'rata na ma tô ipĩ hã sima 'maiwaze. Taha pari ma tô oto duré mo, bâdâdi na te te upsõmri mono sina. Tawamhã imama norĩ, ina me ihâimana zahuré zéb u oto wisi wamhã, ma tô ipĩ hã suru na tãma sõmri zahuré. Tahawa, ma tô duré imama norĩ, ina me hã upsõmri zahuré si'u. Tane nherẽ, te te tãma wasu'u zahuré õ di, hu'u zérépa dâ'â hâiba hawi mohõnire pĩ te te iwazere na hã.

1 Samuéu 10:15

Tawamhã imama amo te ãma sadanha ãne: — E niha tawamhã ma aima waihu'u 'wa, Samuéu hã.

1 Samuéu 9:20

Aihâtâ'â aba tõ awaru po'repore sipi'õ isimani za'ra ãmamhã, si'ubdatõ bâdâ ãma ineb za'ra na hã. E marĩ wa. Ma tô sõpẽtẽ za'ra ni. Tazahã e 'wa hã ma tô bété Izaraéu nhihudu norĩ hã sima wẽ za'ra. A hã ma tô sima aiwẽ za'ra. Duré aimama hawi a'uwẽ norĩ zama te tô sima aiwẽ zahi za'ra.

1 Samuéu 9:27

Tawamhã 'ri nho'õmo hawi 're idawairébé mono zéb u oto simasisi wamhã, ma tô Samuéu hã tãma tinha ãne, Sauhu ma: — Ma'ãpé tãma rob'ru na, aima romhuri'wai ma, asõwa morĩ da. Tawamhã a hã te za ãme a'â aihâiba za isa'u. Tawamhã tãma iromhuri'wa hã ma tô isõwamhã mo. Oto morĩ za'usi, te Samuéu, Sauhu ma tinha ãne: — Wa hã 'Re ihâimana u'âsi mono mreme, te aima iwasu'u da hã te ĩma tihâiba.