1 Samuéu 10:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã Samuéu ma tô siré ti'â, simhi azeitona wa'u tob ré hã. Tawamhã iwa'u to hã ma tô sa'wa, Sauhu 'rã nhisiwi. Taha pari, ma tô tob'rata hârâ na sawi. Tawamhã te ãne tãma tinha: — Uburé Danhib'apito ma tô ai'rãti'i, asi'i'rãnho'õmo da, isib'a'uwẽ Izaraéu nhihudu norĩ ma. Duré taha wa, a hã te za 're i'ab'madâ'â mo, Izaraéu nhihudu norĩ hã. Te za duré 're i'anho'reptui mo, asitob'ru norĩ wi hã. Ãne te za 'Re ihâimana u'âsi mono te te i'aipisutu na hã da te 're waihu'u za'ra, asi'i'rãnho'õmozém na hã isib'a'uwẽ norĩ ma.

1 Samuéu 10:1 ပူးပေါင်းရင်းမြစ်များ

Salmu 2:12

Ãnei õ wamhã, si'aba'ré na asada sahi za'ra wa'aba wamhã, te za ai'utõrĩ 'wa. Ni'wam norĩ hã 'Re ihâimana u'âsi mono, i'wawi 're isimapa za'ra mono zéb zô 're isõpré mono norĩ si, te za to sina hã 're hâimana u'âsi za'ra.

Salmu 78:71

pone'ẽrebâ ubumroi'wa na 're ihâimana mono zém hawimhã. Ta hã ma tô Izaraéu nhihudu norĩ nhib'apito na tãma 're hâimana za'ra mono da tisẽ, pone'ẽrebâ 'madâ'â'wa ne 'Re ihâimana u'âsi mono nhib'a'uwẽ ma, 're hâimana mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:21

Tawamhã Izaraéu nhihudu norĩ hã ma tô tiwi waptẽrẽ za'ra, 'Re ihâimana u'âsi mono wi, ni'wa hã danhib'apito ne, te te 're ida'uwati mono da hã, te te pisutu da. Tahawa, 'Re ihâimana u'âsi mono hã ma tô tãma hâiba nhomri za'ra, Saulu hã da'uwati'wa da. Sauhu mama hã, Quisi na isisi hã. Bẽzamihĩ nhihudu ta hã, Quisi hã. Saulu hã te te 're da'uwati mono ré hã 40 na ma tô ãma tiwahu.

1 Tesalonita 5:26

Uburé asiré isazei'wa 're aihâimana za'ra wa'aba mono wa, te za asõ'utu na asisawi sina 're asitob'rata hârâ za'ra wa'aba mo.

Hebreu 2:10

'Re ihâimana u'âsi mono hã ma tô uburé te te ro'apoto. Taha ma si te uburé marĩ hã tãma 're hâimana. Ta hã tô ibâ, ma ti'ra hã pisutu Zezusi hã, dazada dâ'â wa, te te robzépata da a'â, taha zarina te te 're da'anho'reptui mono da, te te sina uwaimrami da, 'Re ihâimana u'âsi mono te te tãma ipisutuzéb zarina. Da'ahâ na hâiwa ãma rowẽ uptabi na i'rata 're danomro u'âsi mono da, ma tô ãne da hã tãma pisutu, 'Re ihâimana u'âsi mono hã.

Apocalipsi 5:8

Te te âri wamhã, ma tô maparane si'uiwa na ropoto na ihâiba norĩ hã Pone'ẽrebâi ma, hi'rãtitõ ana. 24 na dama ipire norĩ zama, ma te duré tãma ana. Rowamremezéb ré ma tô tãma aiwẽ'ẽ za'ra, ẽtẽ waipo pré oru 'manharĩ u'awi ne ré zama. U'awi 'remhã wedewa'u isadaze, te i're tiro'o za'ra. Taha nhizé hã hâimo haré wahu na, ta hã 'Re ihâimana u'âsi mono nhib'a'uwẽ norĩ, tãma 're imreme zusi mono zé, te wasu'u.

1 Samuéu 12:3

Ãhãta wa hã wa ĩhâiba. Marĩ na te upai wamhã, ma'ãpé ĩwasédé hã asiwi ĩ'ãma hiri aba ãhã na awa'awi na Uburé Danhib'apito nho'a, duré apito da, te te ipisutu nho'a. E niwamhã wa tô powawẽ hã dawi 'mai'â, niha wamhã, awaru po'repore hã. E niwamhã wa tô duré dama sadawa hapese. E niwamhã wa tô dazada 're ĩhâimana. E niwamhã wa tô duré rob'uiprazé hã te 're awaibu pi'uriwi, iwa'rãmi te dama 're i'arowairébé mono wẽ da hã. Ãne hã pé wa hã te 'manharĩ wamhã, wa za apâ sõmri za'ra, itede'wa norĩ ma hã.

1 Samuéu 13:14

Tazahã, ãhã na a hã dama i'rãnho'õmo na 're aihâimana mono na ãma uzusi õ di za. E marĩ wa. A hã wapari õ wa, Wanhib'apito te te aima i'ruzé hã. Tahawa, te za aibâ zô, rĩtĩ te te 'mazabu da, te te sima iwẽzéb zarina te te pisutu da Izaraéu nhihudu norĩ ma isi'apito da hã.

1 Samuéu 15:1

Tawamhã Samuéu te Sauhu ma tinha ãne: — Wanhib'apito 'Re ihâimana u'âsi mono ma tô ĩma ai'ru, te ai'rãti'i da hã, isib'a'uwẽ Izaraéu nhihudu norĩ ma asi'apito da. Tahawa, te za iwapa ãhã na hã, Wanhib'apito Iwaihu'u pe te te inharĩzé hã.

1 Samuéu 15:17

Tawamhã Samuéu te tãma tinha ãne: — Oro a hã Izaraéu nhihudu norĩ nhib'ihâ'a na aihâimana za hã te taré ne hã asi'ãma irosa'ra. Tane nherẽ, a hã Wanhib'apito 'Re ihâimana u'âsi mono hã ma tô ai'rãti'i, Izaraéu nhihudu norĩ nhib'apito na 're aihâimana mono da.

1 Samuéu 16:1

Tawamhã Uburé Danhib'apito te Samuéu ma tinha ãne: — E momo te za Sauhu ãma aipẽ'ẽzézé hã i'rãsu. Wa hã te ĩsima wẽ zahu õ di, Izaraéu nhihudu norĩ nhib'apito na 're ihâimana mono da hã. Tahawa, ma'ãpé azeitona 'rãi wa'u hã 'masisi abazei õmo 're, asiré âri da. Taha parimhã te za aimo, Belẽ na 'ri'ahâ nhisi u aibâ Zésé na isisi nhorõwa u. E marĩ wa. Wa hã i'ra norĩ wa tô 'maipisutu, i'masi'apito da hã.

1 Samuéu 16:13

Tawamhã Samuéu ma tô oto ti'â abazei u azeitona 'rãi wa'ui ré hã. Taha na ma tô oto 'rãti'i Dawi hã, isisãnawã norĩ nho're. Tahawa, 'Re ihâimana u'âsi mono pẽ'ẽzani hã ma tô Dawihi wamhã oto iwab ãzé siptete na ãma 're ihâimana mono zéb da hã. Tawamhã ta hawim haré ma tô ipẽ'ẽ 'remhã 're hâimana. Tawamhã Samuéu Rama u te oto apâ mo.

1 Samuéu 2:10

Uburé Danhib'apito nhitob'ru norĩ hã te za 're si'utõrĩ. Tãiwapsa'a na ne, te za sada 're hâimana za'ra, hâiwa hawimhã. Uburé Danhib'apito hã te za dapoto mono bâ te te dama 're arowairébé, dahâimanazém na te te 're ida'awaihu'u mono zéb zarina. Duré tinhiptetezé hã te za tãma tisõ, Danhib'apito da, te te ipisutu ma hã. Te za duré tãma tisõ, te te da'ãma i'ai'utézéb da hã, Danhib'apito te te ipisutu ma hã.

1 Samuéu 24:6

Tahawa, te tite dasi'wapéi 'manharĩ'wa norĩ ma za'ra ãne: — Wa ĩsima wẽ, Uburé Danhib'apito hã te te ĩma wairébé da, marĩ iwasédé ĩnhib'apito te te ipisutu ma te 'manharĩ tõ da. Wa hã te i'wapé da hã mare uptabi di, õ hã Wanhib'apito nhimipisutu wa, si'apito da hã.

1 Samuéu 26:11

Tahawa, wa tô waptẽ, Wanhib'apito wi, te te ĩpatété da, te sada sarõtõ tõ da apito da, te te ipisutu da hã. Tahawa, oto ub'rẽ si wa te tiwi âri, duré ite isi'uwazi 'rã'wa zama. Taha parimhã, õne haré wa za oto apâ wanem ni.

1 Samuéu 26:9

Tane nherẽ, ma tô Dawi hã ãma tãma wa'rã ãne: — Tô'ã. Wĩrĩ tõ. E marĩ wa. Ni'wa hã 'Re ihâimana u'âsi mono apito da, te te ipisudu hã te te wĩrĩ da, tipa te te sarõtõ wamhã, te za Wanhib'apito hã tãma rob'manha.

1 Samuéu 8:19

Tane nherẽ, te te ãma saze za'ra õ di Izaraéu nhihudu norĩ hã ãne na Samuéu te te ãma ipo're pu'u za'ra zém na hã. Tahawa, ma tô ãne tãma nharĩ za'ra, iwa'rãmi: — Mare di. Apito si wa tô wasima wẽ za'ra ni.

1 Samuéu 8:9

Tahawa, ma'ãpé ãma saze za'ra na te te aiwi irowaptẽrẽ za'ra zém na hã. Tane nherẽ, po're pu'u za'ra na Izaraéu nhihudu norĩ hã. Duré ãma tãma rowasu'u pese za'ra na, za niha apito te te 're i'madâ'â za'ra mono zém na hã.

1 Samuéu 9:16

— Awẽmhã tô ãne bâtâ na wa za we aibâ hã atẽme satõ, Bẽzamihĩ nhihudu hã. Tawamhã a hã te za i'rãti za ĩnhib'a'uwẽ Izaraéu nhihudu norĩ te, i'rãnho'õmo da hã. Duré ta hã te za Izaraéu nhihudu norĩ hã anho'reptu, filisteu norĩ nhiptetezé wi hã. E marĩ wa. Wa hã wa tô te 're 'madâ'â, ĩnhib'a'uwẽ te te 're irobzépata za'ra mono zé hã. Duré wa tô te 're wapari za'ra, te 're pawaptob za'ra mono da, te te ĩwi 're irowaptẽrẽ za'ra mono zé hã.

1 Samuéu 9:27

Tawamhã 'ri nho'õmo hawi 're idawairébé mono zéb u oto simasisi wamhã, ma tô Samuéu hã tãma tinha ãne, Sauhu ma: — Ma'ãpé tãma rob'ru na, aima romhuri'wai ma, asõwa morĩ da. Tawamhã a hã te za ãme a'â aihâiba za isa'u. Tawamhã tãma iromhuri'wa hã ma tô isõwamhã mo. Oto morĩ za'usi, te Samuéu, Sauhu ma tinha ãne: — Wa hã 'Re ihâimana u'âsi mono mreme, te aima iwasu'u da hã te ĩma tihâiba.