1 Samuéu 1:9 - ꞌRe Ihâimana Uꞌâsi Mono Zadawa Wasuꞌu

⁹ Tawamhã nimahã bâtâ na saihuri pari, te Silo ãma asimro. Tawamhã Eri sasedoti 'Re ihâimana u'âsi mono ma da'ãma romhuri'wa hã te romhâ 'manharĩ na 'ri iwazéb zahi, 'ridawa ãma 're idanhisisi mono zéb ãma nhamra, romhâ 'manharĩ na 'ri iwazéb zahi 'ridawa ãma, tisimasisizém na.

1 Samuéu 1:9 ပူးပေါင်းရင်းမြစ်များ

Salmu 5:7

Tane nherẽ, asimizawizé sa'ẽtẽ na aima 're ihâimana mono zarina, asõrõwa u hã ãma ĩzébré waihu'u pese di. Ĩma aiwazéb sina, wa za ĩhi'rãtitõ aima 're ĩsimasisi u'âsi, asõrõwa 'ri iwazéb zahi 'remhã.

1 Samuéu 1:10

Tawamhã Ãna hã tãma robzei'õ pese na ma tô wahudu hâiwi, duré wawa sina. Tawamhã ma tô mre, Uburé Danhib'apito ma hã.

1 Samuéu 3:15

Tawamhã ãne te te tãma nharĩ pari, ma tô oto nhono Samuéu hã, ãma i'awẽzéb u. Tawamhã ma tô oto udu. Utu wamhã, ma tô duré oto 'ridawa, 'ridawa za'ẽne hã romhâ 'manharĩ na 'ri iwazéb zahi u, 're idanhisisi mono zéb 'ridawa za'ẽne hã. Tawamhã duré pahi di, Erihi ma, te te tãma iwasu'u da hã, sõtõ 'rowim ne marĩ te te i'madâ'âzé hã.

1 Samuéu 3:3

Tawamhã Samuéu hã, romhâ 'manharĩ na 'ri iwazéb zahi 're, te nhono, 'Re ihâimana u'âsi mono nhimiroti ui'éré wedehâ're 'manharĩ 're isa mono zéb ãma. Duré taha ré hã, te zahadu ãro, 'Re ihâimana u'âsi mono te rob'uiwẽzé hã.

1 Samuéu 4:13

Tahawa, te Eri hã nhamra tinhamrazém na bâdâdi 'rata simipari sina. Tawamhã duré hâtâ'â uptabi di, 'Re ihâimana u'âsi mono te, wedehâ're 'manharĩ ãmamhã. Tawamhã aibâ hã te te oto dama rowasu'u wamhã, uburé 'ri nho'õmo 're, 're idahâimana za'ra mono norĩ hã ma tô tapahi pese za'ra ni. Ma tô duré ta'ru'ru ni, dawawa 'rãihâ na hã.