1 Samuéu 1:22 - ꞌRe Ihâimana Uꞌâsi Mono Zadawa Wasuꞌu

²² Tane nherẽ, Ãna hã ime morĩ za'ra õ di. Tahawa, te ãne tãma tinha, timro Eucanahã ma: — Ĩhâ te te rẽme wapsi, wa za subza, Uburé Danhib'apito nhorõwa u hã, õmem haré oto 're hâimana u'âsi mono da.

1 Samuéu 1:22 ပူးပေါင်းရင်းမြစ်များ

Salmu 110:4

Uburé Danhib'apito uptabi, tinhimiropisutu na apâ te te ãma isiri waihu'u õ na, ma tô mreme pire na ropisutu, ãne: “A hã sasedoti norĩ, dama 're ihâimana za'ra mono ne, te za dama 're aihâimana u'âsi mo, duréihã Mequizédéqui hã sasedoti na pire na dama 're ihâimana mono zéb zarina.”

Salmu 23:6

Tô ĩma waihu'u pese di, asimi'manharĩ wẽ zé, duré asimizawizé hã za ĩ'ãma 're ihâimana u'âsi zahuré mono na hã, ĩhâiba ré 're ĩmorĩ ré hã. Duré Uburé Danhib'apito, asõrõwa ãma wa za õne u'âsi 're ĩnhamra.

Luca 2:22

Tawamhã bâdâ ma tô oto iwa waptãrã, 'Re ihâimana u'âsi mono nhimiroti te te ãma uwaimrami zahuré da, Zuzé norĩ, Mariaha me. Te za ãma uwaimrami zahuré, ti'ra na, duré pi'õ na. Ãne Mozésihi nhimi'ui'éré hã, 'Re ihâimana u'âsi mono nhimiroti na: “'Watébrémi, waptã'ã wamhã, te te ãma irosõwada 'rada hã te za imama norĩ te te tãma 're sõmri za'ra apâ, 'Re ihâimana u'âsi mono ma.” Ãne isimiroti hã. Isimiroti hâiba amo hã, ãne: “Pi'õ hã 're 'ra za'ra mono wamhã, te za maparane naire hã te te tãma 're sõmri za'ra, 'Re ihâimana u'âsi mono ma. Naire õ wamhã, te za maparane utu'ure te te tãma 're sõmri za'ra, apâ tãma 're hâiba wẽ za'ra mono da, pi'õ norĩ hã.” Ãne isimiroti hã. Tahawa, isimiroti zarina, te oto Zuzé norĩ hã tineb zahuré ti'ra ré, Zeruzalẽ u, 'Re ihâimana u'âsi mono ma, ti'ra te te sõmri zahuré da, duré si te te tãma sõmri zahuré da, da te tãma zata zahuré da.

Zozué 4:7

te za tãma 're iwasu'u za'ra wa'aba mo, 'Re ihâimana u'âsi mono te, wedehâ're 'manharĩ, Zodã pa â na te te saprĩ wa, tô taha bâtâ na â ipraba nhimizazâri na hã. Tahawa ã hã ẽne hã Izaraéu nhihudu norĩ ma, te za sina tãma wasu'u za'ra, õne u'â ãma 're isipo're pu'u za'ra mono zéb da hã.

1 Samuéu 1:11

Tawamhã te ropisudu sena na tãma 'manha ãne: — Wanhib'apito 'Re ihâimana u'âsi mono I'aiwaihu'upe, ma'ãpé asib'a'uwẽ hã, ĩ'madâ'â! Duré sa'ẽtẽ na, robzei'õ te te ĩ'azârizé hã 'madâ'â! Tahawa, asib'a'uwẽ ãma, ĩ'ãma aipo're si'âri õ di za! Duré a hã ĩ'ra ĩma sõmri wamhã, wa za aima ropisutu, apâ te aima sõmri da za. Duré niwamhã ta hã tizéré hã te te sihâri õ di za.

1 Samuéu 1:28

Tahawa, ãhã na awa'awi na hã wa hã wa za apâ tãma tisõ, Uburé Danhib'apito ma, ite da, ã hã 'watébrémi hã. Duré ti'ai ãma 're hâimana mono ré hã, ite hã za tô. Tawamhã tame ma tô oto ãma tiwata za'ra, 'Re ihâimana u'âsi mono ãma hã, imama norĩ hã.

1 Samuéu 13:13

Tawamhã Samuéu ma ãma sada'â ãne: — A hã asimiza'rese õ ne ma tô marĩ hã i'manha. Wapari õ di, Wanhib'apito 'Re ihâimana u'âsi mono te te aima i'ruzé hã. Wapari 'wa'âhã, te aré Izaraéu nhihudu norĩ ma i'rãnho'õmo na tãma 're aihâimana u'âsi za'ra mo. Asihudu norĩ zama te aré dama i'rãnho'õmo na dama 're hâimana u'âsi za'ra.

1 Samuéu 2:11

Tawamhã ma tô oto mo Eucana hã apâ, Rama ãma tinhorõwa u hã. Tane nherẽ, te 'watébrémi Samuéu si nhamra isa'u, Silo ãma hã, Uburé Danhib'apito ma romhuri'wa na 're hâimana mono da, sasedoti Erihi pawapto'wa na.

1 Samuéu 2:18

Tawamhã Samuéu te oto te te 're romhuri, 'Re ihâimana u'âsi mono Uburé Danhib'apito ma hã. Tawamhã zahadu 'watébrémi nherẽ, ma tô 're si'uza, sasedoti norĩ si'uzazé ipanoi'õ abazi 'manharĩ na hã.

1 Samuéu 28:2

Tawamhã Dawi ma ãma sada'â ãne: — Marĩ õ di, wẽ di. Ãhãta wa hã wa ãme ĩhâiba, te i'aipawaptob da hã. Tahawa, te za i'madâ, za marĩ te i'manharĩzé iwaihu'u'õ hã. Tahawa, ma ãne Aqui hã ãma saze: — Wẽ di tô. Tawamhã te duré tãma tinha ãne: — A hã te za duré ĩ'madâ'â'wa na õne u'â ĩma 're aihâimana mo.

1 Samuéu 3:1

Tawamhã Samuéu hã zahadure nherẽ, ma tô Eri hã te te 're pawapto, 'Re ihâimana u'âsi mono Uburé Danhib'apito ma romhurizém na hã. Tawamhã tô taha bâtâ mono na Uburé Danhib'apito zadawa wasu'u hã suru na ma tô dama 're simasisi. Ma tô duré suru na marĩ hã da te 're 'madâ'â za'ra, danhotõ 'rowim ne.