1 Samuéu 1:20 - ꞌRe Ihâimana Uꞌâsi Mono Zadawa Wasuꞌu

²⁰ Tahawa, ma tô oto tiwasã Ãna hã. Duré za tãma ipotozé bâtâ uwaibaba ma te tãma podo. Tawamhã ma tô sisi ina hã, Samuéu na. Tahawa, te ãne ãma rowasu'u: — Wa hã ã hã ĩ'ra, te tiwi iwaptẽrẽ, Uburé Danhib'apito wi.

1 Samuéu 1:20 ပူးပေါင်းရင်းမြစ်များ

Zenezi 16:11

Ma tô, tô aiwasã, ai'ra aima hâimana da hã. Tahawa, te za isisi, Ismaeu na. E marĩ wa. Uburé Danhib'apito, robzépata wa, 're i'asadari mono zé te te wapari wa.

Zenezi 30:22

Tawamhã 'Re ihâimana u'âsi mono, Raqueu ãma ma tô oto po're puru. Tahawa te te tiwi irowaptẽrẽzém na te te wapari wa, ma tô oto tãma rowairébé, 'ra da.

Zenezi 4:25

Tawamhã Adã norĩ imro me, ma tô duré i'ra hã tãma ti'maipoto zahuré. Tahawa te ãne tinha imro pi'õ hã: — 'Re ihâimana u'âsi mono, Abéu nhowa're'remhã ma tô duré ĩ'ra hã ĩma tisõ, Caĩ te te ĩwĩrĩ nhibrob're ĩma 're ihâimana mono da hã. Tawamhã ta hã ma tô sisi, Seti na.

Zenezi 5:29

Tawamhã te ãne tinha: — Uburé Danhib'apito ti'ai ma, ma tô niha hã pisutu, wasété u'âsi 're sa'wari mono da. Tahawa wanhimiromhuri te pire na wama 're hâimana za'ra. Ãhã nherẽ, ã hã 'watébrémi si te za tihâiba na 're iwawa'utu za'ra mono zéb da hã sina wama wazere za'ra. Tawamhã Rameti, ti'ra hã ma tô sisi, Nowé na.

Ezodu 2:10

Tawamhã 'watébrémi oto prédu wamhã, ma tô apito 'ra u oto saprõ, te te ãma tãma irotizéb zarina te te tãma sõmri da oto. Tahawa, ma tô ãma ti'ra oto, ti'ra uptabi nai õ nherẽ. Ma tô sisi, Mozési na. Tawamhã te sima tinha ãne: — Wa hã wa tô â hawimhã waze, ai'utére hã. Tahawa, wa tô sisi, Mozési na.

Ezodu 2:22

Tawamhã oto 'ra wamhã, ma tô sisi Mozési hã, Gésõ na. Te te sisi wamhã, ãne te tinha: — Wa hã ĩsiré a'uwẽ'õ nhipti'ai ãma wa oto 're ĩhâimana.

Mateu 1:21

I'ra hã 'watébrémi na te za tãma podo. Tawamhã Zezusi na te za isisi. Danho'reptui'wa te wasu'u, isisi hã. Taha si te za tinhib'a'uwẽ hã te te 're anho'reptu, iwasété hawi, duré 'Re ihâimana u'âsi mono te te 're idahâ za'ra mono zém hawi.

Hebreu 11:32

Ãne na 'Re ihâimana u'âsi mono si, da te dasina 're i'umnhasi za'ra mono zém na, ahâ uptabi na te ãma aima rob'rãzarõtõ za'ra wa'aba neza. Ãhã wamhã, ĩnhimirob'rãzarõno hã te aré sina tipahâ. E marĩ wa. Ahâ uptabi wa. Ahâ uptabi di tô, 'Re ihâimana u'âsi mono te te sina 're i'umnhasi za'ra mono norĩ hã, zahadu te ãma aima irowasu'u za'ra wa'aba õ hã: Gidiã hã, duré Baraqui, duré Sãsã, duré Zepté, duré Dawi, duré Samuéu, duré aimawi norĩ hã uburé 'Re ihâimana u'âsi mono zadawa 'mahârâ 'rata 'wa 're ihâimana za'ra mono norĩ hã.