1 Samuéu 1:2 - ꞌRe Ihâimana Uꞌâsi Mono Zadawa Wasuꞌu

² Tawamhã Eucanahã mro maparane. Isisi zahuré hã ãne: Ãna, duré Penina. Tawamhã Penina ma tô aiwabzu. Ãnahã si siwabzuri õ di.

1 Samuéu 1:2 ပူးပေါင်းရင်းမြစ်များ

Zenezi 11:30

Tawamhã Sara'i hã te 'ra waihu'u ãna 're hâimana, 'razé wasété wa.

Zenezi 25:21

Rebeca hã 'razéb 'ré wa, te 'ra ãna 're hâimana. Tahawa te Izaqui, Uburé Danhib'apito ma ãma mre. Tawamhã Uburé Danhib'apito te te tiwi irowaptẽrẽzém na te te wapari wa, ma tô Rebeca hã oto tiwasã.

Zenezi 29:31

Tawamhã Uburé Danhib'apito, Zaco, Léia te te siwi iwẽ'õ na te te 'madâ'â wa, ma tô 'ra da hã tãma 'manha, wasã da. Tane nherẽ, Raqueu te zahadu 'ra waihu'u ãna 're hâimana.

Zenezi 4:19

Tawamhã Rametihi mro zahuré hã, imorĩ'rata na imro nhisi hã Ada na, duré imro zahu nhisi hã Zila na.

Zenezi 4:23

Tawamhã nimahã bâtâ na Rameti te timro norĩ ma hã tãma nharĩ zahuré ãne: “Ada, Zilaha me, te za ĩwapari 'wa; Rametihi mro norĩ, ĩmreme hã wapari pese aba. Aibâ hã wa tô 'maiwĩ, te te ĩ'u'a wa. Tô ai'repudu hã wa tô 'maiwĩ. E marĩ wa. Tô duré te te ĩ'u'a wa.

Mateu 19:8

Tawamhã Zezusi hã te asa tãma nharĩ za'ra, ãne: — Ta hã Mozési hã aipẽ'ẽ tete za'ra wa'aba wa, ma tô ãne na te te aima 're roti za'ra wa'wa. Tane nherẽ, ropoto na'rata hawimhã, ãne na 're iromhâimana mono zé hã hâimana õ di.

Luca 1:7

Tane nherẽ, 'ra zahuré õ di. Izabé hã 'ra waihu'u õ wa, ma tô 'ra ãna si'ihi zahuré.

Luca 2:36

Tawamhã pi'õ hã te 're hâimana, Ãna na isisi hã. 'Re ihâimana u'âsi mono zadawa 'mahârâ'wa sipi'õ hã. Imama nhisi hã, Fanuéu na isisi hã. Ihi'rata nhisi hã, Asé na. Ma tô oto si'ihi uptabi, Ãna hã. Sahuré 're simasisi zahuré mono ré, ma tô ãma tiwahub zahuré, 7 na. Tawamhã imro, ma tô dârâ. Tiwi idâ'âzém na hã ma tô oto ãma tiwahub ahâ, 84 na. Pi'õ hã te 're sãmra u'âsi, 'Re ihâimana u'âsi mono nhorõwa 'ri ãma, 'ri 'wawi wa'ra ãma. Rowa'a ré zama, duré bara na zama te ãma 're wata. Nimahã bâtâ na si, te sai ãna 're sãmra, 'Re ihâimana u'âsi mono ma, 're mreme mono da. Tawamhã Simiã hã Mariaha ma, te te rowasu'u ré, ma tô itẽme tiwisi za'ra, Ãna hã. Tawamhã ai'uté te te sabui wẽ te, 'Re ihâimana u'âsi mono ãma te tiwata, sõpru wa. Tawamhã ma tô te te dama 're wasu'u, Danho'reptui'wa da hã, ai'uté hã. Danho'reptui'wa zô, 're isimipari za'ra mono norĩ ma, ma tô te te 're rowasu'u za'ra. Ta norĩ hã te sô 're simipari za'ra, te te da'anho'reptu da, Zeruzalẽ ãma.

Zuize 13:2

Tawamhã aibâ te 're hâimana 'rinho'u Zora na isisi ãma, Manoa na isisi hã Dãhã nhihudu hawi a'uwẽ. Imro hã i'razéb 'ré.

Zuize 8:30

Taha 'ra hã 70 na ihâiba na, imro norĩ pi'õ ahâ na tãma 're hâimana za'ra mono wa.