1 Samuéu 1:19 - ꞌRe Ihâimana Uꞌâsi Mono Zadawa Wasuꞌu

¹⁹ Tawamhã awẽ bâtâ na ma tô Eucana norĩ hã ti'utu za'ra awẽ wi, duré ãma wata za'ra da, Uburé Danhib'apito ãma hã. Tawamhã ma tô apâ aihutu tinhorõwa Rama u hã. Eucana tame timro Ãnahã ãma ma tô oto ãma hâimana. Tahawa, Uburé Danhib'apito hã ma tô oto wapa, te te tiwi irowaptẽrẽzém na hã.

1 Samuéu 1:19 ပူးပေါင်းရင်းမြစ်များ

Zenezi 21:1

Tawamhã Uburé Danhib'apito te te iropisutuzéb zarina, ma tô iwẽ hã tãma pisutu, Saraha ma.

Zenezi 30:22

Tawamhã 'Re ihâimana u'âsi mono, Raqueu ãma ma tô oto po're puru. Tahawa te te tiwi irowaptẽrẽzém na te te wapari wa, ma tô oto tãma rowairébé, 'ra da.

Zenezi 4:1

Tawamhã Adã, timro Ewaha ãma nasi sapa'a wamhã, ma tô tiwasã. I'ra duré oto tãma waptã'ã wamhã, te ãne tinha: — Uburé Danhib'apito nhimipawaptobzéb zarina, ma ĩ'ra aibâ na ĩma podo. Tawamhã ma tô sisi, Caĩ na.

Zenezi 8:1

Tawamhã 'Re ihâimana u'âsi mono, Nowéhé ãma, duré uburé abaze, uba're wa isiré ihâimana za'ra norĩ ãma, ma tô oto po're puru. Tahawa rowa'u, ti'a nhisiwi te te â wapõrĩ mono da hã, ma tô tãma tinha. Ãhã wa, ma tô duré apâ â'ré mono na hã ãma sãna'rata.

Salmu 5:3

Mararé sidâpâsi te nasi ĩmreme hã 're iwapari u'âsi mo. Bâdâ 'rãiwatobro wi, ãma aima 're ĩmreme mono wamhã, wa za ãma ĩzada'âbâzéb zô 're ĩnhimipari.

Marcu 1:35

Tawamhã robza'rã ré, ma wahudu Zezusi hã, 'ri nhiti morĩ da, a'ubuni u. Taha wamhã, te tame a'â tihâiba, 'Re ihâimana u'âsi mono ma, mreme da.

Luca 23:42

Tahawa, te Zezusihi ma tinha, ãne: — Zezusi, ĩ'ãma aipo're pu'u za, Danhib'apito na apâ we aimorĩ wamhã.

1 Samuéu 1:1

Tawamhã aibâ te 're 'maihâimana, Efraĩhĩ nhihudu, Eucana na isisi 'ri nho'u Rama na isisi ãma 're ihâimana mono, Efraĩhĩ nhihudu norĩ nhipti'ai 'rã nho'õmo ãma hã, ẽtẽ 'rãihâ si 're iromhâimana mono ãma. Ta hã Zero'ãhã 'ra, Eri'uhu nhihudu, To'uhu 'ra nhihudu, duré Zupihi 'ra nhihudu 'ra.

1 Samuéu 1:11

Tawamhã te ropisudu sena na tãma 'manha ãne: — Wanhib'apito 'Re ihâimana u'âsi mono I'aiwaihu'upe, ma'ãpé asib'a'uwẽ hã, ĩ'madâ'â! Duré sa'ẽtẽ na, robzei'õ te te ĩ'azârizé hã 'madâ'â! Tahawa, asib'a'uwẽ ãma, ĩ'ãma aipo're si'âri õ di za! Duré a hã ĩ'ra ĩma sõmri wamhã, wa za aima ropisutu, apâ te aima sõmri da za. Duré niwamhã ta hã tizéré hã te te sihâri õ di za.

1 Samuéu 15:34

Taha pari Samuéu hã, Rama na 'ri nho'õmo nhisi u ma tô oto mo. Sau hã te duré tinhorõwa u oto mo, 'ri'ahâ Zibea u.

1 Samuéu 16:13

Tawamhã Samuéu ma tô oto ti'â abazei u azeitona 'rãi wa'ui ré hã. Taha na ma tô oto 'rãti'i Dawi hã, isisãnawã norĩ nho're. Tahawa, 'Re ihâimana u'âsi mono pẽ'ẽzani hã ma tô Dawihi wamhã oto iwab ãzé siptete na ãma 're ihâimana mono zéb da hã. Tawamhã ta hawim haré ma tô ipẽ'ẽ 'remhã 're hâimana. Tawamhã Samuéu Rama u te oto apâ mo.

1 Samuéu 19:18

Tawamhã Dawi hã ma tô oto aimani. Tahawa, ma tô mo Rama u. Tamomo wisi wamhã, ma tô uburé Samuéu ma hã wasu'u, Sau sada hâimana mono wa, te te tãma irob'manharĩ mono zé hã. Taha pari, ma tô oto tineb zahuré, 'Re ihâimana u'âsi mono zadawa 'mahârâ'wa norĩ nhorõwa u, tame simasisi da.

1 Samuéu 2:11

Tawamhã ma tô oto mo Eucana hã apâ, Rama ãma tinhorõwa u hã. Tane nherẽ, te 'watébrémi Samuéu si nhamra isa'u, Silo ãma hã, Uburé Danhib'apito ma romhuri'wa na 're hâimana mono da, sasedoti Erihi pawapto'wa na.

1 Samuéu 25:1

Tawamhã Samuéu hã ma tô dârâ. Dâ'â wamhã, ma tô uburé Izaraéu nhihudu norĩ hã itẽme si'rã'õtõ, ãma 'ru'ru da hã. Tawamhã ma tô ãma siwi ti'a, Rama ãma 're ihâimana mono zéb ãma. Tawamhã Samuéu ãma te te siwi ti'ai pari, ma tô Dawi hã mo, Parã na rop si 're irosa'wari mono nhisi u.

1 Samuéu 7:17

Taha pari, ma tô apâ 're ne, 'rinho'u Rama ãma tinhorõwa u hã, duré tameb zama da'ãma rowairébé'wa na 're hâimana mono wa, Izaraéu nhihudu norĩ ma. Tawamhã Rama ãma ma tô Samuéu hã 'manha, Uburé Danhib'apito ma, danhoprubzé zatazé wedeza 'manharĩ hã.

1 Samuéu 8:4

Tahawa, uburé Izaraéu nhihudu norĩ ma i'rãnho'õmo za'ra norĩ hã ma tô si'rã'õtõ. Tawamhã ma tô ai'aba'ré Rama u, Samuéu tẽme, te te tãma nharĩ za'ra da.

1 Samuéu 9:26

Tawamhã ma tô tame oto nhono. Tawamhã Samuéu awẽ u ma tô sai'u, 'ri nhisi hâpâ u. Te 'mahâ, ãne Sau hã: — Ai'utu, aimorĩ hâ. Wa hã wa za a'â asiré mo, suru na. Tahawa, ma tô oto Sau hã udu. Tawamhã ma tô Samuéu siré watobro, 'ri nhi'riti u hã.