1 Samuéu 1:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã aibâ te 're 'maihâimana, Efraĩhĩ nhihudu, Eucana na isisi 'ri nho'u Rama na isisi ãma 're ihâimana mono, Efraĩhĩ nhihudu norĩ nhipti'ai 'rã nho'õmo ãma hã, ẽtẽ 'rãihâ si 're iromhâimana mono ãma. Ta hã Zero'ãhã 'ra, Eri'uhu nhihudu, To'uhu 'ra nhihudu, duré Zupihi 'ra nhihudu 'ra.

1 Samuéu 1:1 ပူးပေါင်းရင်းမြစ်များ

Mateu 27:57

Tawamhã ma tô bâdâ hã aipra pese oto. Tahawa, aibâ isibro pe hã ma tô mo Pilatuhu u, Zuzé na isisi hã. Ta hã Arimatéa na 'ri nho'õmo nhisi ãma 're isãmra mono. Ta hã Zezusihi nhimiroti si te te 're i'madâ'â pese mono.

Zozué 24:33

Tawamhã Arãhã 'ra Eriaza zama dâ'â wamhã, ma tô duré Zibea na 'ri nho'õmo nhisi ãma siwi ãma ti'a, Efraĩhĩ niwĩ ẽne hã ihâimana ãma, i'ra Finezaha ma, da te isõmri wa.

Zuize 12:5

Tawamhã Efraĩhĩ nhihudu norĩ te te ãma ro'rahâri za'ra tõ da, ma tô Ziliadi norĩ panho'u Zodã pa â na da te ãma 're isaprĩ pese za'ra mono zé hã ro siwi ti'â. Tahawa, duré Efraĩhĩ nhihudu norĩ si'udâ sina, panho'õmo na te te saprĩ za'ra da, nasi sihutu sidâpâsi ma tô Ziliadi si'aibâ norĩ hã nasi sadanha za'ra ane: — E a hã, Efraĩhĩ nhihudu. Tahawa, duré ta norĩ sidâpâsi mare na te te ãma sada'âbâ za'ra wa,

Zuize 17:1

Tawamhã Mica na aibâ nhisi hã te 're hâimana, Efraĩ ti'ai ãma ẽne 're ihâimana mono ãma.

Zuize 19:1

Tawamhã taha wahu mono na Izaraéu nhihudu norĩ si'apito ãna hã te 're hâimana za'ra. Tahawa, te nimahã levita si'aibâ romhâ na Efraĩhĩ te ti'ai ãma ẽne 're ihâimana mono niwĩmhã 're sãmra. Ta hã ma tô Belẽ hawimhã, Zuda na rowamri hawimhã imro prã za tãma 're ihâimana mono da hã sima 'mai'ãwisi.

Zuize 4:5

Tawamhã Rama norĩ wa'wamhã, Bétéu me te norõsu ne hã iwa'wab zahuré 're sa, Efraĩ ãma ẽtẽ niwĩmhã. Tawamhã taha zahâpâ Débora 're simasisi mono wamhã, ma tô Izaraéu nhihudu norĩ itẽme 're nomro, marĩ na romreme te te itẽme 're i'wasari mono na te te tãma 're arowairébé mono da hã.

Ruti 1:2

Aibâ nhisi hã Elimelequi na, duré imro nhisi hã Noẽmi na. I'ra norĩ nhisi hã Marõ na duré Quiri'õ na. Ã norĩ hã Efrata na 'ri wa'õtõ nhisi hawimhã, Belẽ na 'ri nho'õmo nhisi 'ratamhã, Zuda ãma hã. Moabi u ma tô ai'aba'ré, tame 're hâimana za'ra mono da a'â.

1 Samuéu 1:19

Tawamhã awẽ bâtâ na ma tô Eucana norĩ hã ti'utu za'ra awẽ wi, duré ãma wata za'ra da, Uburé Danhib'apito ãma hã. Tawamhã ma tô apâ aihutu tinhorõwa Rama u hã. Eucana tame timro Ãnahã ãma ma tô oto ãma hâimana. Tahawa, Uburé Danhib'apito hã ma tô oto wapa, te te tiwi irowaptẽrẽzém na hã.

1 Samuéu 17:12

Dawi hã Zéséhé 'ra, Efrata na ti'ai wa'õtõ wa 'ri'ahâ nhisi ãma 're ihâimana mono. Zudaha nhihudu norĩ te 'ri'ahâ Belẽ 'rata. Zéséhé 'ra si aibâ norĩ hã uburé hã 8 na. Tawamhã Sau hã apito na 're hâimana mono ré hã, Zésé hã hâiba prédu pese uptabi di oto.

1 Samuéu 2:11

Tawamhã ma tô oto mo Eucana hã apâ, Rama ãma tinhorõwa u hã. Tane nherẽ, te 'watébrémi Samuéu si nhamra isa'u, Silo ãma hã, Uburé Danhib'apito ma romhuri'wa na 're hâimana mono da, sasedoti Erihi pawapto'wa na.

1 Samuéu 7:17

Taha pari, ma tô apâ 're ne, 'rinho'u Rama ãma tinhorõwa u hã, duré tameb zama da'ãma rowairébé'wa na 're hâimana mono wa, Izaraéu nhihudu norĩ ma. Tawamhã Rama ãma ma tô Samuéu hã 'manha, Uburé Danhib'apito ma, danhoprubzé zatazé wedeza 'manharĩ hã.

1 Samuéu 9:4

Tawamhã ãne imama te te tãma waihu'u wa, ma tô oto tineb zahuré Sau norĩ hã uburé te te sô rowaimrami zahuré mono da, Efraĩ nhihudu norĩ nhipti'a na ẽtẽ 'ratamhã, duré Sarisa na romnhisi ãma ti'a na. Tane nherẽ, te te anhopẽtẽ zahuré õ di, awaru po'repore sipi'õ hã. Tahawa, ma tô sô rĩtĩ zahuré, Sa'arĩhĩ na romnhisi ãma. Tane nherẽ, tamemhã duré robaba di. Tawamhã Bẽzamihĩ nhihudu norĩ nhipti'a na ma tô duré sô rĩtĩ zahuré. Tane nherẽ, tamemhã te te duré anhopẽtẽ zahuré õ di, taré ma ro ãma wazere zahuré.

1 Samuéu 9:5

Tawamhã Zupi na romnhisi ti'ai u oto zasi wamhã, ma tô Sau hã tãma tinha, tite zahuré romhuri'wai ma hã ãne: — Oto wane na apâ 'ri u. Ĩmama hã hâtâ'â dai õ di awaru po'repore sipi'õ norĩ ãma hã. Wa'ãma si te za hâtârâ, apâ wasimasisi su'u õ wa.