1 Pedru 3:6 - ꞌRe Ihâimana Uꞌâsi Mono Zadawa Wasuꞌu

⁶ Ãne Sara hã ma tô 're mo. Timro mreme hã ma tô te te 're wapari pese, Abra'ãhã mreme hã. Tahawa, ma tô tinhib'apito na te te 're sisi Sara, Abra'ã hã. Tane te za duré a norĩ wa'wa hã aimro ma 're aihâimana wẽ za'ra wa'aba mo. Asina aihâtâ'â ãna, te za duré 're anomro aba mo. Tawamhã Saraha nhihudu na te za te te 're asisi za'ra wa'wa, 'Re ihâimana u'âsi mono hã.

1 Pedru 3:6 ပူးပေါင်းရင်းမြစ်များ

Zenezi 18:12

Tahawa te sihâ sina ãne 'râwi sima tinha: — E niha wa za ĩnhib'apito ãma te ĩsima rosa'rata ze, wa norĩ hã oto ihire nherẽ, ãhã na hã. Sadai õ di.

Zenezi 18:15

Tawamhã ãne na imreme te te wapari wamhã, ma tô Sara hã tãma tipahi. Tahawa te tiwi ai'udâ ãne: — Ĩsihâ õ di. Tane nherẽ, Uburé Danhib'apito, ma te ãma tãma wa'rã ãne: — Senai õ di i'asiwasu'uzé hã. Ma! Te tô aihâ.

Salmu 45:11

A hã ai'madâ'â zei wa, te za apito hã sima ai'madâ'â ze pese. Ta hã te za 're iwazé wẽ mo, tô asib'apito wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 4:19

Tawamhã Pedru norĩ hã te asa tãma nharĩ za'ra, Zuwãhã me: — E ma hã bété, 'Re ihâimana u'âsi mono ma, iwẽ. E imreme, wa za wapari ni. E aimreme za'ra wa'wa hã, wa za duré bété wapari ni. 'Re ihâimana u'âsi mono mreme si, wa za wapari ni. Ma'ãpé, asima ãma rosa'rata za'ra wa'aba, waihu'u za'ra wa'aba da. Wa norĩ hã wa za wa te dama 're rowasu'u u'âsi za'ra, uburé wa te 're i'madâ'â za'ra mono zém na hã, wa te 're iwapari za'ra mono zém na zama. Wa te dawi 're udâ waihu'u za'ra mono õ di za.

Zuize 19:26

Tawamhã awẽ wi oto pi'õ morĩ wamhã, ma tô 'ri 're imro iwa inomrozé 'ridawa nho'remhã waptãrã. Tawamhã tamem haré ma tô nomro, ãma irowa'a pese zéb u.