1 Pedru 3:10 - ꞌRe Ihâimana Uꞌâsi Mono Zadawa Wasuꞌu

¹⁰ Duréihã ãne na ma tô 'Re ihâimana u'âsi mono zadawa 'mahârâ'wa hã dama roti: “Aihâiba ré, robzei u'âsi 're anomro aba mono da, asima 're wẽ za'ra wa'aba mono wamhã, aimreme wasété na dama 're nharĩ za'ra wa'aba mono õ di za. Duré dama 're asadawa nhipese za'ra wa'aba mono õ di za.

1 Pedru 3:10 ပူးပေါင်းရင်းမြစ်များ

Provébiu 3:18

Rowaihu iwẽ hã te za 're idahâimana hâ za'ra mono zé hã te te dama 're sõmri za'ra, aiwa wede 're isimasam hâ mono ne. Ni'wa te te sima sawi wamhã, te za rowẽ na 're hâimana.

Provébiu 3:2

Aima ĩnhimiroti wẽ zé hã, te za 're i'aihâimana hâ mono zéb da hã, duré asima 're irowẽ za'ẽtẽ mono zéb zama aima tisõ.

Provébiu 4:22

Rowaihu iwẽ hã ni'wam norĩ te te 're waihu'u za'ra mono wamhã, te za 're ihâimana hâ za'ra mono zé hã te te tãma 're sõmri za'ra, duré hâzé ãna 're ihâimana za'ra mono zé hã.

Provébiu 8:35

E marĩ wa. Ni'wa hã te te ĩnhopẽtẽ wamhã, te za rowẽ na 're ihâimana u'âsi mono zé hã sõpẽtẽ. Ãne wamhã, Uburé Danhib'apito tãma ipẽ'ẽto zarina, te za wẽsã.

Mateu 19:17

Tawamhã Zezusi te asa tãma tinha, ãne: — E marĩ da, te ãne ĩzadanha, marĩ iwẽ hã da te 're i'manharĩ za'ra mono zém na hã. Misire 're imorĩ wẽ uptabi hã te 're hâimana. 'Re ihâimana u'âsi mono nhimiroti 'rata na Mozési te te ãma irob'ui'éré hã 're 'madâ'â pese mono wapsi, te za asina i'uwaimra, dadâ'â ãna 're idanomro u'âsi mono zé hã.

Marcu 8:35

Ni'wam norĩ hã si'uihâ na tihâimanazép si te te sima 're sawi za'ra mono wamhã, rowẽ isi'utõrĩ'õ hã te te sina 're uwaimrami za'ra mono õ di za. Ni'wam norĩ hã ĩzarina 're nomro mono da, duré ĩzadawa wasu'u'wa 're nomro mono wa, 're sihâiba zawi za'ra mono õ wapsi, te za te te sina 're uwaimrami za'ra, rowẽ hã.

Zuwã 1:47

Tawamhã te te sãmri wi, te Zezusi hã tãma tinha, Natãnaéhé ma, ãne: — Õhõta te wei mo, Izaraéu nhihudu uptabi hã 're imorĩ wẽ uptabi hã. Sadawa nhipese ãna hã te 're mo.

Zuwã 12:25

— Ni'wam norĩ hã tihâimanazé te te sima 're sawi za'ra mono wamhã, rowẽ isi'utõrĩ'õ hã te te sina 're uwaimrami za'ra mono õ di za. Ni'wam norĩ hã ĩzarina 're nomro mono da, tihâimanazé te te sima 're sawi za'ra mono õ wapsi, te za rowẽ hã te te sina 're uwaimrami za'ra.

Tiagu 1:26

Ãté ni'wam norĩ hã te za taré te te sina 're rosa'rata za'ra, 'Re ihâimana u'âsi mono nhimiroti 'madâ'â'wa na, tô sena ãma 're nomro mono newa, ta norĩ hã. Tane nherẽ, ãté 'râwi siwi 're simi'rãmi waihu'u za'ra mono õ di za, 're mreme wasété tõ za'ra mono da hã. Ãne wamhã, tô sena 'Re ihâimana u'âsi mono nhimiroti 'madâ'â'wa na 're hâimana za'ra mono õ di za. Taré te za tinhimirosa'rata na 'râwi sima 're sadawa nhipese za'ra.

1 Pedru 2:1

Tahawa, te za aiwasédé hã 're irẽme pese za'ra wa'aba mo, dasi'ruiwapari hã, duré dazadawa nhipe hã, duré dahâimanazé tô senai'õ hã, duré danhimarĩ na danhimi'ruiwapari hã, duré dasima dawasu'u wasédé hã.

1 Pedru 2:22

Cristu hã marĩ na tiwasédé te te 'manharĩ õ uptabi di. Duré niwamhã sadawa nhipese na te te inharĩ waihu'u õ.

Apocalipsi 14:5

Duré 're sadawa nhipese za'ra mono õ di. Duré iwasédé hã sena na da te ãma 're sa'ra waihu'u mono õ di, iwẽ na si 're hâimana za'ra mono wa.