1 Pedru 1:25 - ꞌRe Ihâimana Uꞌâsi Mono Zadawa Wasuꞌu25 Tanei õ di, Uburé Danhib'apito nhimiroti hã. Pire na te 're hâimana u'âsi. Niwa ta hã si'utõrĩ waihu'u õ di za.” Tawamhã Wanhib'apito wasu'uwẽ na da te 're aipo're pu'u za'ra wa'aba mono wamhã, ma tô Uburé Danhib'apito nhimiroti wasu'uwẽ na te te aima 're rowasu'u za'ra wa'wa. အခန်းကိုကြည့်ပါ။ |
1 Pedru 1:25
23 ပူးပေါင်းရင်းမြစ်များ
Tô sena, wa za ãne aima waihu'u siromo za'ra wa'wa. Hâiwa norĩ hã ti'ai me 're sa'wari zahuré mono ré hã, duréihã 'Re ihâimana u'âsi mono nhimiroti 'rata na rob'ui'éré hã pire na te za tô dama 're hâimana u'âsi. Nima hã dawi 'masi'utõrĩ waihu'u õ di za, iwaptẽrẽ mono bâ hã i'ui'éré misi hã, duré i'ui'éré 'rãzazazé hã. Za niha dama 're iromhâimana mono zéb da hã, ibaihâ na duréihã isadawa wasu'u'wa norĩ te te ãma irob'ui'éré siromo za'ra zéb zarina, rob'rãsutuzéb u za niha dama 're romhâimana uptabi za'ra mono õ ré, si'utõrĩ za'ra õ di za, isimiroti na rob'ui'éré 'rata norĩ hã.
'Re ihâimana u'âsi mono mreme hã wa'rata 're sãmra mono da, ma tô sihâiba. Simizawi pese uptabi di. Isimiroti hã wẽ uptabi di. 'Re ihâimana u'âsi mono 'ra wa, õhõ si 're morĩ wẽ uptabi di. Misire i'ra hã. Õhõ si, waihu'u pese uptabi di. Wa norĩ hã wa tô wasiwi waihu'u za'ra ni, 're imorĩ wẽ uptabi na. Iwaihu'u pese na zama, wa tô duré wasiwi waihu'u ni.
Cristu hã ti'ai u wei morĩ wa, ma tô rowasu'uwẽ na te te 're da'apo're pu'u, rowẽ na 're idahâimana za'ra mono zém na hã, 'Re ihâimana u'âsi mono oto te te 're ida'awẽsãmri mono zéb zarina. E marĩ da. Zudeu'õ norĩ hã rowẽ na ãma 're aihâimana za'ra wa'aba mono da, 'Re ihâimana u'âsi mono nhimiroti ré, 're anomro aba mono õ norĩ hã, duré zudeu norĩ, rowẽ na ãma 're wahâimana za'ra mono da, 'Re ihâimana u'âsi mono nhimiroti ré, 're iwanomro mono norĩ hã.
'Re ihâimana u'âsi mono, ma tô duré ãne hã tãma waihu'u siromo za'ra: “Aima wa'aba si, te waihu'u za'ra wa'aba õ di, danho'reptui'wai wasu'u hã. Ai'uirĩ na wa'aba, za 're idahâimana za'ra mono norĩ pibu ma, wa tô ãne hã aima waihu'u siromo za'ra wa'wa.” Ãne ma tô tãma waihu'u za'ra, aipibu ma za'ra wa'aba zama. Wanhib'apito zadawa wasu'u'wa norĩ hã ma tô oto rowasu'uwẽ na aipo're pu'u za'ra wa'wa, Cristu te te 're ida'anho'reptui mono zém na. Hâiwa hawi, Wanhib'apito pẽ'ẽzani nhimipawaptobzéb zarina, tô sena Cristuhu wasu'uwẽ na ma tô aipo're pu'u za'ra wa'wa. Taha wasu'u hã wẽ uptabi wa, te oto hâiwa ãma romhuri'wa norĩ hã te te sima 're wẽ uptabi za'ra, te te 're waihu'u pese za'ra mono da.
'Re ihâimana u'âsi mono zadawa wasu'u hã pire na te 're hâimana u'âsi. Niwa si'utõrĩ waihu'u õ di za. Ta hã ma tô oto timreme na aipoto téb za'ra wa'wa aipẽ'ẽ 're, i'ra si oto 're anomro aba mono da. Ti'ai ãma damama norĩ si te za nimahã na dawi 're si'utõrĩ za'ra. Tanei õ di, Aimama 'wa hã aipẽ'ẽ 're te te 're i'aipoto téb za'ra wa'aba mono hã. Niwa ta hã dame si'utõrĩ waihu'u õ di.
Marĩ, wa te isabu za'ra zéb zarina, wa tô waihu'u za'ra ni, tô sena na Danho'reptui'wa na 'Re ihâimana u'âsi mono zadawa 'mahârâ 'rata 'wa norĩ te te dama 're irowasu'u za'ra mono zém na hã. Awẽ u te za wasi wawẽ hã 're pusi, dama rowa'a'wa da, isimirowa'a zarina ãma 're danomro wẽ mono da. Tane wapawapto'wa da, te wama 're hâimana, isadawa 'mahârâ'wa norĩ nhimirowasu'u hã, ãma 're iwanomro wẽ mono zéb da hã. Ãne wamhã, te za ãma 're irosa'rata u'âsi za'ra wa'aba mo.
Wa hã Zuwã, wa za oto aima ãma rob'ui'éré za'ra wa'wa, Wanhib'apito zazei'wa, 're i'aihâimana za'ra wa'aba mono norĩ ma. Duréihã marĩ õ uptabi ré, 're ihâimana mono ãma, wa za aima ãma rob'ui'éré za'ra wa'wa. Ta hã ma tô si'a'uwẽ, ti'ai ãma hã. Ta hã wa tô wa te 're wapari za'ra, ti'ai ãma 're morĩ ré, isiré 're iwanomro mono norĩ hã. Wa tô duré wa te 're hâiba 'madâ'â u'âsi za'ra, watõmo na. Dâ'â pari, hâiwa'utu wa, wa tô duré wanhib'rata na hâiba upi za'ra ni. Ta hã 'Re ihâimana u'âsi mono mreme na isisi hã, duré 're idanomro mono zép téb da hã, te te dama 're i'apisutu mono.
E marĩ da, wa ãne aima rowasu'u za'ra wa'aba ni, wa te 're i'madâ'â za'ra mono zém na hã, duré wa te 're iwapari za'ra mono zém na zama. Wamama siré 'râwi 're iwahâimana za'ra mono ne, duré i'ra siré Zezu Cristuhu siré 'râwi 're iwahâimana za'ra mono ne, a norĩ wa'aba zama isiré 're aihâimana za'ra wa'aba mono da, wa ãne aima waihu'u za'ra wa'aba ni.
ကြော်ငြာတွေ