1 Pedru 1:24 - ꞌRe Ihâimana Uꞌâsi Mono Zadawa Wasuꞌu

²⁴ Duréihã ma tô ãhã wasu'u na ãma rob'ui'éré, 'Re ihâimana u'âsi mono zadawa 'mahârâ'wa hã. Ãne te rowasu'u: “Du hã 're wapti'i hâ za'ra mono õ ré, te za 're 'ré za'ra. Duré romnhirãrã norĩ hã wẽ nherẽ, te za 're sirãrã a'a za'ra. Tane duré dahâiba hã wẽ nherẽ, te za 're si'utõrĩ su'u.

1 Pedru 1:24 ပူးပေါင်းရင်းမြစ်များ

Salmu 102:4

Ĩpẽ'ẽ 'remhã, duroire 'ré wa, da te 're sihâri za'ra mono wa, dapara na da te oto 're iwati'i za'ra mono ne, wa 're ĩhâimana. Tahawa, duré wa ĩsa na 're ĩpo're simrami pese.

Salmu 103:15

Dahâimanazé hã aiwa du ne hã. Duré dahâimanazé hã aiwa rom na romnhirãrã wede 're iprédub za'ra mono ne hã, duré 're isirãrã wairébé mono ne.

Mateu 6:30

Romnhirãrã hã hâiwi 're simnhatã mono ré, te za du hã iré da te 're wazâri za'ra, unhama da, da te 're ub'rã za'ra mono da. Tahawa, 're simasam hâ mono dai õ nherẽ, ma tô wẽ uptabi na te te 're ab'manharĩ, 'Re ihâimana u'âsi mono hã. E tawamhã, ai'uzazé hã te te aima 're sõmri za'ra wa'aba mono õ di za bété. Te za tô te te aima 're sõmri za'ra wa'wa, du hâimanazéb zawi nhipai u te te 're asawi pese za'ra wa'aba mono wa, a norĩ wa'aba si. E niha Aimama 'wa hã asina 're umnhasi za'ra wa'aba mono õ di, taha si ai'uzazé hã te te aima 're sõmri za'ra wa'aba mono nherẽ.

1 Zuwã 2:17

Ti'ai ãma uburé 're idahâimana wasété za'ra mono zé hã isi'utõrĩzéb u, ãhã na hã te te sina rotété u'âsi, duré uburé marĩ iwasédé hã da te dasima 're i'ruiwapari za'ra mono zama. Zahadu wapsi te za ai'utõ, simisutu. Ni'wam norĩ hã 'Re ihâimana u'âsi mono nhimipisutuzém na si 're hâimana za'ra mono wapsi, ta norĩ si te za 're hâimana u'âsi za'ra, si'utõrĩ ãna.