1 Pedru 1:1 - ꞌRe Ihâimana Uꞌâsi Mono Zadawa Wasuꞌu

¹ Wa hã Pedru, Zezu Cristu nhimipisudu, isadawa wasu'u'wa na 're ĩmorĩ da. Ãhã na wa za ãma aima rob'ui'éré za'ra wa'wa, 'Re ihâimana u'âsi mono nhib'a'uwẽ norĩ ma. Airom nhiti te dawazari 're aihâimana za'ra wa'aba mo, danhipti'a nho'õmo mono bâ, Põtu ãma, duré Galasia ãma, duré Capadosia ãma, duré Azia ãma, duré Bitinia ãma.

1 Pedru 1:1 ပူးပေါင်းရင်းမြစ်များ

Salmu 44:11

A hã ma tô pone'ẽrebâ ipãrĩzéb u 're inomro mono ne, wama i'manharĩ za'ra. Ma tô duré a'uwẽ aimawi norĩ wa'wa u wa'ãma iropé.

Mateu 10:2

Isisi za'ra hã, ãne: Sima, isisi amo hã Pedru na. Duré ino nhisi hã Ãdré na. Duré Tiagu, duré isisãnawã, Zuwã. Ta norĩ hã Zebedehe 'ra zahuré.

Mateu 24:22

'Re ihâimana u'âsi mono hã bâdâ ma tô sima pisutu, za da te 're irobzépata za'ra mono zé, te te dama wãtari da, rowasété ré da'ãma romhâimana pahâ tõ da. Ãne hã te te sima pisutu õ 'wa'âhã, te aré uburé dasi'utõrĩ pese, za daré irob'rãsutuzém na hã. 'Re ihâimana u'âsi mono hã ãma 're sib'a'uwẽ za'ra mono da, te te sima 're i'apisutu mono norĩ zawi te, te za ãne hã tô 'manha.

Mateu 4:18

Tawamhã Zezusi hã Galiléa na isõ'u nhisi zaihâi baba 're morĩ wamhã, ma tô aibâ norĩ hã sãmri zahuré, tepe mrami na romhuri'wa norĩ hã, tisisãnawãi me: Sima na isisi hã, Pedru na isisi amo hã. Duré ino hã Ãdré na isisi hã. Isõ'ui wa, te nasi ta norĩ hã abazipara hã wabzuri zahuré, tepe zô.

Luca 18:7

Wẽ prã zahã, te za, u, imrotõ hã pawapto. E bété tinhib'a'uwẽ hã te te 're pawaptob za'ra mono õ di za, 'Re ihâimana u'âsi mono hã. Ãté rowa'a na, ãté bara na te za sô 're hãsi, te te 're pawaptob za'ra mono da. E bété te te 're pawaptop su'u za'ra mono õ di za.

Zuwã 11:52

Zudeu norĩ zada si, dâ'â õ di za, Zezusi hã. Daro mono bâ 'Re ihâimana u'âsi mono, ti'ra da, uburé te te 're i'apisutu mono norĩ zada, te za dârâ, simisutu i'ra si 're danomro mono da oto.

Zuwã 7:35

Tahawa, te sima nharĩ za'ra, dama ipire norĩ hã, ãne: — E momo te za merẽ mo, wa te wasiwi sãmri tõ da hã. E darob amoi u te za mo, wasiré zudeu norĩ u gregu norĩ 'rata, 're isi'ubumroi mono norĩ u. E tamomo te za oto mo, gregu norĩ rob ãma te te 're rowahutu mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 18:2

Tawamhã Corĩtu u wisi wamhã, ma tô zudeu norĩ siré hã aibâ hã sõpẽtẽ, mro ré. Aquira na aibâ nhisi hã. Põtu na danhipti'a nho'õmo nhisi ãma iwaptã'ãzé, ta hã. Roma na 'ri nho'õmo nhisi hawi ma tô iwana aimasisi zahuré, timro me, Italia na danhipti'a nho'õmo nhisi hawi. Pi'õ nhisi hã Prisila na. Claudiu na danhib'apito uptabi nhisi hã ma tô zudeu norĩ hã satõrĩ za'ra, Roma hawi, isiti si'aba'ré da. Tahawa, ma tô Corĩtu u aimasisi zahuré, Aquira norĩ hã. Ta norĩ hã te te sabu zahuré da, ma tô itẽme timorĩ zahuré, Paulu hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 18:23

Tawamhã Ãtioquia ãma sãmra parimhã, ma tô duré mo Paulu hã, Galasia na danhipti'a nho'õmo nhisi wa'wai baba, duré Prizia na danhipti'a nho'õmo nhisi wa'wai baba. Daza'rui wa'wai baba 're morĩ ré, ma tô Zezusihi zazei'wa norĩ hã te te 're apawapto, hâimana nhiptete na si 're nomro mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 19:10

Tame te te dama 're rowahutu mono ré hã, maparane ma tô ãma tiwahu. Tahawa, aihĩni Azia na danhipti'a nho'õmo nhisi ãma 're isi'ubumroi mono hã, ma tô Wanhib'apito nhimiroti hã wapari za'ra, zudeu norĩ hã, zudeu'õ norĩ me.

Zezusihi zadawa wasuꞌuꞌwa norĩ nhimiromhuri na robꞌuiꞌéré 6:9

Tane nherẽ, ni'wam norĩ hã zudeu norĩ hã ma tô sada 're hâimana za'ra, imreme te te 're wẽ'õ za'ra mono wa. Ta norĩ hã darob amoi hawi, Zeruzalẽ u 're isihutu mono aré, Sireni na 'ri nho'õmo nhisi hawi, duré Alesãdria na 'ri nho'õmo nhisi hawi, duré Sirisia na danhipti'a nho'õmo nhisi hawi, duré Azia na danhipti'a nho'õmo nhisi hawi. Ta norĩ hã ma tô 're si'rã'õtõ u'âsi, rowahutuzéb u dasi'uihâ na 're idahâimana za'ra mono zém na rowahutuzém nhisi u hã. Tawamhã ta norĩ hã, Estewãhã mreme te te siwi wẽ'õ za'ra wa, te nasi aimawi na tãma nharĩ za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 8:4

Tawamhã daro mono bâ, isazei'wa norĩ te te iropéi mono hã ma tô te te dama 're rowasu'u za'ra, Cristuhu wasu'uwẽ na hã.

1 Corĩtu 16:19

Azia na danhipti'a nho'õmo nhisi ãma isazei'wa norĩ, siré 're isi'rã'õtõ mono norĩ hã te ãma asawi za'ra wa'wa. Aquira hã te duré ãma asawi za'ra wa'wa, Prisilaha me. Uburé isõrõwa ãma rowahutu u siré 're isi'rã'õtõ u'âsi mono norĩ zama, te duré ãma asawi za'ra wa'wa. Simisutu, Wanhib'apito ãma oto 're anomro aba mono wa, te ãma asawi za'ra wa'wa.

2 Corĩtu 1:8

Wasisãnawã norĩ, wa duré wasima wẽ ni, wa te ãma aipo're pu'u za'ra wa'aba da, Azia na danhipti'a nho'õmo nhisi ãma wahâimana ré, rowasédé hã wazada ihâimanazém na hã. Tame, wa te robzépata za'ẽtẽ uptabi wa, wa tô aré wasina rosa'rata ni, za wadâ'â da newa oto.

Éfézu 2:19

Tahawa, zudeu'õ nherẽ, dasiré'õ ne 're aihâimana za'ra wa'aba mono õ di oto. 'Re ihâimana u'âsi mono nhib'a'uwẽ te oto dame 're aihâimana za'ra wa'aba mo. Te duré i'ra na dame 're aihâimana za'ra wa'aba mo oto.

2 Timotiu 1:15

Azia na danhipti'a nho'õmo nhisi ãma, uburé isazei'wa norĩ hã ma tô ĩrẽme za'ra. Figilu norĩ zama, ma tô Emozenihi me dame ĩrẽme zahuré. Ãne hã aima waihu'u pese di.

Hebreu 11:13

à norĩ hã 'Re ihâimana u'âsi mono te te sina 're umnhasi za'ra mono ré, 're dâ'â za'ra mono nherẽ, 'Re ihâimana u'âsi mono te te tãma iropisutu za'ra zé hã te te sima 're waibui mono õ di ta norĩ hã, ti'ai ãma hâiba ré 're hâimana za'ra mono ré hã. Tane nherẽ, 'Re ihâimana u'âsi mono te te tãma iropisutu za'ra zé hã romhâ na uptabi na za te te tãma ãma i'uwaimrami za'ra na, sena na te te 're waihu'u za'ra mono wa, ma tô ãma 're to za'ra ta norĩ hã, ti'ai ãma 're nomro mono ré. Ma tô duré sõ'awi dama 're siwasu'u za'ra, ti'ai ãma dasiré 're ihâimana uptabi za'ra mono õ na hã.

Tiagu 1:1

Wa hã Tiagu, 'Re ihâimana u'âsi mono ma romhuri'wa, duré Wanhib'apito Zezu Cristuhu ma romhuri'wa, wa 're mo. Uburé 'Re ihâimana u'âsi mono nhib'a'uwẽ norĩ, daro mono bâ 're aihâimana za'ra wa'aba mono norĩ hã, wa za ĩnhimi'ui'éré na ãma asawi za'ra wa'wa.

1 Pedru 2:11

Ĩsisãnawã norĩ, ĩma asawi pese za'ra wa'aba norĩ hã, darom nhiti 're idahâimana za'ra mono ne, te 're aihâimana za'ra wa'aba mo, ti'ab ré. Tahawa, marĩ wasété na 'râwi asima 're rosa'rata za'ra wa'aba mono õ di za, asimirosa'rata wasété zarina 're 'manharĩ za'ra wa'aba mono tõ da, aiwasété 'wa hã.

2 Pedru 1:1

Wa hã Sima Pedru, Zezu Cristuhu ma romhuri'wa, duré isadawa wasu'u'wa, wa ãma aima rob'ui'éré za'ra wa'wa, wasiré isazei'wa 're i'anomro aba mono norĩ ma. Wanhib'apito 'Re ihâimana u'âsi mono hã wẽ uptabi di. Duré wa'anho'reptui'wa Zezu Cristuhu zama wẽ uptabi di. Wẽ uptabi zahuré wa, ma tô te te 're aipawaptob za'ra wa'wa, wasine asina 're umnhasi za'ra wa'aba mono da, te te 're asõ'reptu za'ra wa'aba mono da.

Apocalipsi 1:11

Ãne te tawamhã ĩma tinha: — Ãhã na marĩ hã te za i'ab'madâ'â mo. Tawamhã uburé i'ab'madâ'â mono hã te za ibaihâ na ãma irob'ui'é. Ãma rob'ui'éré parimhã, Zezusihi zazei'wa norĩ, 'ri nho'õmo mono bâ siré 're isi'rã'õtõ mono norĩ ma, te za ibaihâ hã isõmri za'ra, 'Ri nho'õmo nhisi mono bâ, ãne isisi norĩ ma: Éfézu, duré Esmina, duré Pegamu, duré Tiatira, duré Sadési, duré Filadéufia, duré Laudiséa. Ã norĩ ma, te za asimi'ui'éré hã tãma isõmri za'ra, isazei'wa norĩ ma, 7 na 'ri nho'õmo ãma 're isi'rã'õtõ mono norĩ ma hã.