Taha pari Abimelequi, Abra'ãhã zô hârâ wamhã, ma tô ãne tãma tinha: — E marĩ ma tô wama i'manharĩ za'ra. E marĩ iwasédé hã te aiwi 'manharĩ bâ, ma tô niha na ĩma iromhâimanazé ĩnhisiwi, duré ĩte ti'ai wa'õtõ nho'õmo nhisiwi ropipa iwasété uptabi hâimana da hã ĩma i'manha! Ãne na asimi'manharĩzé hã ibâi õ di, da te dasima 're irob'manharĩ za'ra mono zéb zarinai õ wa.
1 Corĩtu 8:12 - ꞌRe Ihâimana Uꞌâsi Mono Zadawa Wasuꞌu12 Ãne hã 're 'manharĩ za'ra wa'aba mono wamhã, asiré isazei'wa norĩ wi, te za aiwasédé hã 're i'manharĩ za'ra wa'aba mo. Taha zarina, ta norĩ hã marĩ hã te te aré siwi 're wẽ'õ za'ra mono nherẽ, te te oto 're 'manharĩ za'ra mono wa, te za 're siwẽ'õ pese za'ra. Ãne na aiwasédé hã tiwi 're 'manharĩ za'ra wa'aba mono wamhã, ta norĩ hâiba siré te za Cristuhu wi zama aiwasédé hã 're i'manharĩ za'ra wa'aba mo. အခန်းကိုကြည့်ပါ။ |
1 Corĩtu 8:12
18 ပူးပေါင်းရင်းမြစ်များ
Tawamhã te zahadu Mozési dama tinha ãne: — Uburé Danhib'apito, te za hâiwahâ sidâpâsi romnhi 're ihuri aba mono da hã te te aima 're sõmri za'ra wa'wa, duré mararé sidâpâsi i'u'ẽtẽ wapu asima iwẽ na 're ihuri aba mono da zama. E marĩ wa. Uburé Danhib'apito zada, aihâimana za'ra wa'aba wa, i'aiwapsari za'ra wa'aba zé hã te te wapari wa. Wazada hã aihâimana za'ra wa'aba õ di. Õhõ zada aihâimana za'ra wa'aba wa, ma tô tãma aiwapsari za'ra wa'wa. E marĩ 'manharĩ'wa pâ bété wa norĩ hã wama i'aiwapsari za'ra wa'aba da hã.
— Ãhãta ai'uté norĩ hã te asimro. Ãma 're rosa'rata wasété za'ra wa'aba mono tõ, dama iwapu newa. Tô sena, wa aima rowasu'u za'ra wa'wa. Hâiwa ãma 'Re ihâimana u'âsi mono ma romhuri'wa norĩ hã te ai'uté mono bâ te te 're 'madâ'â pese za'ra, misi si, tite mono bâ. Ta norĩ hã te Ĩmama nho'a te te 're 'madâ'â pese za'ra, hâiwa ãma 're isãmra mono nho'a.
— Ãhãta ai'uté norĩ te asimro. Ãté ni'wa hã te za tinhimiroti wasété na ãma ropé, ai'uté norĩ ãma, te te sina 're ĩ'umnhasi za'ra mono norĩ ãma. Tawamhã isimiroti wasété hawi, ai'uté te te ĩ'mairẽme wamhã, tãma ropipa uptabi di za, tãma iroti wasété 'wai ma hã, 'Re ihâimana u'âsi mono, za te te azâri wa. Ibutu na ẽtẽ tõmo wawẽ, da te ãma wasisi pari, dâ'â da, âi ba da te mei 'wa'âhã, tãma ropipa di aré. Tane nherẽ, isimiroti wasété zarina ai'uté te te ĩrẽme wamhã, tãma ropipa uptabi di za, roti wasété'wai ma hã.
— Tawamhã Uburé Danhib'apito hã te za ta norĩ ma ãne tãma rowasu'u za'ra: “Tô sena wa aima rowasu'u za'ra wa'wa. Ĩsisãnawã norĩ hã ti'ab ré ãne na te te 're robzépata za'ra mono wamhã, dama wapu na 're hâimana za'ra mono nherẽ, marĩ iwẽ hã tô õhõ na hã tãma 're 'manharĩ wẽ za'ra wa'aba mono wamhã, ta norĩ hâiba u'âbâ ma tô ĩma 're i'manharĩ wẽ za'ra wa'aba mo.” Ãne na te za ta norĩ ma waihu'u za'ra.
— Tawamhã ta norĩ ma, te za duré ãne rowasu'u za'ra: “Tô sena wa aima rowasu'u za'ra wa'wa. Ti'ab ré, ã norĩ hã dama wapu na 're ihâimana za'ra mono norĩ hã ãne na te te 're robzépata za'ra mono ré hã, marĩ iwẽ na 're pawaptob za'ra wa'aba mono õ di. 'Re pawaptob za'ra wa'aba mono õ wamhã, ta norĩ hâiba u'âbâ, asiwi 're ĩpawaptob za'ra wa'aba mono õ di duré.” Ãne te za ta norĩ ma, tãma waihu'u na wa'rãmi za'ra, isimi'e niwĩ isimasam norĩ ma hã.
Tawamhã Zezusi hã roti na ma duré tãma ãma uzusi za'ra, ãne: — Ãté ã norĩ hã, ai'uté dama iwapu ne, te za 're nomro, ĩzazei'wa norĩ hã. Tawamhã ãté duré ni'wa simiroti zarina hã, te za siwi ĩ'mairẽ. Tawamhã tãma iroti wasété'wai ma hã, tãma rowẽ õ uptabi di za, 'Re ihâimana u'âsi mono, za te te azâri wa. Ibutu na ẽtẽ tõmo wawẽ, da te ãma wasisi pari, âi ba da te mei 'wa'âhã, uihâ na dâ'â da, tãma rowẽ õ di aré. Tane nherẽ, isimiroti wasétézéb zarina, ĩzazei'wa te te ĩrẽme wamhã, tãma rowẽ õ uptabi di za, roti wasété'wai ma hã.
Ãhãta, ai'uté norĩ. Ãté, ni'wa simiroti zarina, te za ai'uté hã 're 'maihâimana wasété. Tawamhã tãma iroti wasété'wai ma, 're ropipa mono di za. Ibutu na ẽtẽ tõmo wawẽ hã da te ãma wasisi pari, dâ'â da, âi ba da te mei wamhã, tãma ropipa di, tãma iroti wasété 'wai ma hã. Tane nherẽ, isimiroti wasété zarina, ai'uté te te ĩrẽme wamhã, taha nhipai u hã tãma ropipa uptabi di za, roti wasété'wai ma hã.
Tawamhã dasa siwa'ru 're huri aba mono wa, 'Re ihâimana u'âsi mono, danhiptete sina ãma 're idanomro mono zéb da, te te da'ãma 're iromhuri wẽ mono zé hã tiwi 're uprosi za'ra wa'aba mono tõ da, ãté 're huri aba mono õ di za, siwa'ru dasa na, romnhi hã. Tô sena uburé dasa hã iwẽ si da te 're ihuri mono da hã. Tane nherẽ, dasa hã siwa'ru 're huri aba mono ré, asiré isazei'wa nherẽ, sib'uware na 're inomro mono norĩ hã te te 're ai'madâ'â za'ra wa'aba mono wa, asarina wa'aba tiwasété na 're si'marõpãrĩ za'ra mono wamhã, tawamhã, aiwasédé te za tô 're i'manharĩ za'ra wa'aba mo.
Ãne, wa za aima ãma romnhimiré'é za'ra wa'wa, iwaihu'u za'ra wa'aba zéb da hã. Wahâiba hã misi nherẽ, wahâiba na marĩ hã wama 're ihâimana za'ra mono hã ahâ di, wapara hã duré wanhib'rada hã duré wapo're hã, duré aimawi hã. Tane nherẽ, misi te tô wahâiba hã wama 're hâimana za'ra, wahâiba mono bâ. Tane duré, wa norĩ hã wasiré isazei'wa norĩ hã wa'ahâ uptabi nherẽ, wa oto simisutu ãma 're wanomro, wahâiba misi ne.
Ni'wa hã tisiré hâiba amo da, wasété wamhã, te za Uburé Danhib'apito hã mreme wapto. Tane nherẽ, oto ni'wa hã 'Re ihâimana u'âsi mono zada hâimana wamhã, ni'wa te te mreme wapto waihu'u õ di. Tane nherẽ, Erihi 'ra norĩ hã timama te te wapari zahuré õ di. E marĩ wa. Uburé Danhib'apito hã te te ãma sima rowairébé zahuré wa aré, te te ipãrĩ da hã.
Ĩnhib'apito, ma'ãpé ai'uza nhizâri hâiwa'õno hã 'madâ'â ĩnhib'ratamhã. Wa hã wa tô aiwi anhizâ, ai'uza hâ 'rãsudu hã. Tane nherẽ, wa hã te aiwĩrĩ õ di. Ã hã te za iwaihu, wa hã te rosa'rata õ di, asada ĩhâimana da hã, duré ĩwasédé te ai'ãma i'manharĩ da hã. A hã ĩzô 're airĩtĩ mono zé hã ĩwĩrĩ da, te waihu'u pese nherẽ, tane nherẽ, wa hã te ai'wapéi õ di tô.
ကြော်ငြာတွေ