1 Corĩtu 7:36 - ꞌRe Ihâimana Uꞌâsi Mono Zadawa Wasuꞌu

³⁶ Ãté ni'wam norĩ hã te za sina aiwẽ zahuré, sina mro zahuré da. Tawamhã sina mro zahuré õ ré, ãté aibâ hã te za pi'õi hâiba na si te te sima ãma 're rosa'rata u'âsi, za ãma imro hâiba na si, tiwasété wi siptete waihu'u ãna. Ãté te za duré te te sô 're rowasutu u'âsi. Ãne na siwaihu'u wamhã, te za tô ãma timro su'u, te te sima iwẽzéb zarina. Ãma mro su'u da hã tô. Tawamhã oto ãma mro wamhã, tiwasédé hã te te ãma 'manharĩ õ di za. Mare di.

1 Corĩtu 7:36 ပူးပေါင်းရင်းမြစ်များ

Mateu 1:18

Tawamhã ãne Zezu Cristuhu potozé hã: Maria hã Zezusi, ãma ina da hã ma tô sima ropisutu zahuré Zuzéhé me, sina mro zahuré da. Tane nherẽ, sina mro zahuré õ ré, ma tô 'Re ihâimana u'âsi mono pẽ'ẽzani na tiwasã Maria hã, te te sa'rese õ nherẽ.

Mateu 5:40

Ãté ni'wa hã te za ai'ãma wa'aba sima rosa'rata, dawasété na dawaihu'u'wa norĩ u te te ai'mazaprõni aba da, marĩ tiwi i'mai'manharĩ wasété aba zém na te te tãma ai'maiwasu'u wa'aba da. Tawamhã ãté te za tãma ai'maiwasu'u wa'wa, ta norĩ hã te te aima 'maipisutu aba da, asõ'utu'u iwa'âbâ surure hã iwa'rãmi tãma 'manhomri aba da, tiwi i'mai'manharĩ wasété aba wa'rãmimhã. Ãne wamhã, te te aiwi 'mai'âri aba wamhã, asi'ubuzéb zama te za tãma hã i'mai'manhomri 'wa, wa'âbâ za'ẽtẽ nherẽ, te te aiwi 'maiwaptẽrẽ aba õ nherẽ.

1 Corĩtu 7:35

Aiwi 're robzei'õ za'ra wa'aba mono wa, aihâiba zei õ na 're aihâimana za'ra wa'aba mono da, ãne na te aima roti za'ra wa'aba õ di. Taré iwẽ na si te aipawaptob za'ra wa'aba da, wa ãne na aima roti za'ra wa'wa. Wa duré te ĩsima te 're aiwẽ za'ra wa'wa, iwẽ si 're 'manharĩ za'ra wa'aba mono da, duré asimirosa'rata na Wanhib'apito ma 're asimi'ẽ za'ra wa'aba mono da, tãma 're romhuri pese za'ra wa'aba mono da, tiwi 're asihâiba zawi za'ra wa'aba mono ãna.

1 Corĩtu 7:37

Duré aibâ hã ãté si'uihâ na te za sima pisutu, mro ãna a'â 're hâimana mono da. Ãne wamhã, ãté te za pi'õi wi, tihâiba na sina 're siptete u'âsi. Ãhã wamhã, te te sima iwẽzéb zarina, mro ãna a'â 're hâimana mono wamhã, wẽ di za tô. Ãne hã iwasété õ di.

1 Corĩtu 7:9

Tane nherẽ, dahâiba na dawasété wi 're idanhiptete za'ra mono õ si, wẽ õ di. Tahawa, aihâiba na aiwasété wi, asina 're asiptete waihu'u za'ra wa'aba mono õ wamhã, te za tô asina 're aimro za'ra wa'aba mo, asisô 're rowasutu zahu za'ra wa'aba mono tõ da.

1 Samuéu 2:33

Tawamhã wa hã asihudu norĩ hã uburé te uprosi õ di za. Misi te za 're 'maihâimana, ĩte sasedoti na 're ihâimana mono da hã. Tane nherẽ, te za si'rã na te te rob'madâ'â waihu'u ãna 're hâimana. Duré asihudu hâiba amo norĩ si te za siptete ré uburé pese ai'utõ.