1 Corĩtu 7:34 - ꞌRe Ihâimana Uꞌâsi Mono Zadawa Wasuꞌu

³⁴ Tahawa, maparane isimiromhuri te tãma 're hâimana za'ra, aibâ norĩ ma hã, te te sima sô 're irob'ruiwapari za'ra mono hã, Wanhib'apito ma, duré timro ma. Duré, pi'õi hâiba prédum norĩ, mro ãna 're ihâimana za'ra mono hã, duré pi'õ préduptém norĩ, mro ãna 're ihâimana za'ra mono hã ta norĩ hã te za simi'ẽ na Wanhib'apito ma si, te te tãma 're romhuri za'ra, wa'a ãna. Wanhib'apito ma si, tãma 're sihâiba nhomri u'âsi za'ra mono da, te za tô sena na te te sima 're wẽ za'ra, mro ãna 're hâimana za'ra mono wa, ta norĩ hã. Tane nherẽ, pi'õ norĩ, mro ré 're ihâimana za'ra mono norĩ hã, te za ti'ai ãma marĩ zô si sima 're sõpré u'âsi, timro udâna, robze na ãma 're hâimana za'ra mono da.

1 Corĩtu 7:34 ပူးပေါင်းရင်းမြစ်များ

Zuwã 10:13

E marĩ wa, te za tiwi wara, romhuri'wa hã. Itede'wai õ wa, duré te te 're azawi pese mono õ wa.

Roma 6:13

Duré marĩ iwasédé hã 're 'manharĩ za'ra wa'aba mono tõ da, te za aihâiba hã 're i'madâ'â pese za'ra wa'aba mo, aihâiba hawim na marĩ 're 'manharĩ za'ra wa'aba mono tõ da. 'Re atâ'â za'ra wa'aba mono wa, 'Re ihâimana u'âsi mono te te 're i'aihâiwa'utu za'ra wa'aba mono ne, te 're aihâimana za'ra wa'aba mo, 're anomro aba mono zép tém na hã. Tahawa, te za 'Re ihâimana u'âsi mono ma si, 're asisõmri u'âsi za'ra wa'aba mo, misi haré. Taha ma si, te za aihâiba hã duré 're isõmri u'âsi za'ra wa'aba mo õne haré, marĩ iwẽ si ãma 're i'manharĩ za'ra wa'aba mono zéb da hã.

1 Corĩtu 6:20

E marĩ wa, aihâiba hã ate za'ra wa'aba õ di oto. 'Re ihâimana u'âsi mono, ma tô aiwa'âbâ za'ra wa'wa, Cristuhu dâ'âzém na. Tahawa, uburé marĩ hã aihâiba na tãma 're i'manharĩ wẽ za'ra wa'aba mono zém na, te za ãma 're aiwata u'âsi za'ra wa'aba mo, 'Re ihâimana u'âsi mono ãma hã.

1 Corĩtu 7:33

Tane nherẽ, aibâ norĩ hã mro ré 're hâimana za'ra mono wẽ te, te za ti'ai ãma marĩ zô zama sima 're sõpré u'âsi, timro udâna, rowẽ na tãma 're ihâimana za'ra mono zéb da hã.

1 Corĩtu 7:35

Aiwi 're robzei'õ za'ra wa'aba mono wa, aihâiba zei õ na 're aihâimana za'ra wa'aba mono da, ãne na te aima roti za'ra wa'aba õ di. Taré iwẽ na si te aipawaptob za'ra wa'aba da, wa ãne na aima roti za'ra wa'wa. Wa duré te ĩsima te 're aiwẽ za'ra wa'wa, iwẽ si 're 'manharĩ za'ra wa'aba mono da, duré asimirosa'rata na Wanhib'apito ma 're asimi'ẽ za'ra wa'aba mono da, tãma 're romhuri pese za'ra wa'aba mono da, tiwi 're asihâiba zawi za'ra wa'aba mono ãna.

2 Corĩtu 11:28

Tane nherẽ, taha si õ di, te 're irobzépata mono zé hã. Awẽ sidâpâsi, wa ĩpẽ'ẽ na te 're robzépata u'âsi, daro mono bâ isazei'wa norĩ, siré 're isi'rã'õtõ mono norĩ ãma, te ãma 're rosa'rata u'âsi za'ra mono wa. Ta norĩ ãma, wa 're ĩhâtâ'â za'ẽtẽ za'ra.

2 Corĩtu 8:16

'Re ihâimana u'âsi mono, ma tô Tituhu ma pisutu, tãma asawi pese za'ra wa'aba zéb zarina, te te aipawaptob za'ra wa'aba da, wa norĩ hã wa te duré 're i'asawi pese za'ra wa'aba mono ne. Tahawa, wa tô ãma wawata ni, 'Re ihâimana u'âsi mono ãma hã, tô sena wa, õ hã.

Filipu 1:20

Tahawa, wa tô wa hã ĩpẽ'ẽ 're, 're ĩsi'madâ'â pese, niwamhã ĩnhimiromhuri na 'Re ihâimana u'âsi mono ma, te ãma 're i'uwaimrami mono zém na ĩzô 're robaba tõ mono da, õne u'âsi ĩpahi ãna te tãma 're romhuri u'âsi mono da, ãhã na zama. Ãne wa, wa 'râwi te ĩsima 're 'ruiwapari u'âsi. Ãne na tô sena ãma 're ĩhâimana mono zém na da te 're ĩwaihu'u za'ra mono wamhã, te za Cristuhu ãma si 're dawata za'ra, ĩhâiba ré, ãma 're ĩhâimana mono na hã, duré ãté ĩdâ'â da nherẽ, ãma 're ĩhâimana u'âsi mono na zama.

1 Tesalonita 5:23

'Re ihâimana u'âsi mono wi, rowẽ nhomri'wai wi, wa wa te 're rowaptẽrẽ za'ra, te te 're aipawaptob za'ra wa'aba mono da, asimi'ẽ na isine, iwẽ na si ãma 're aihâimana u'âsi za'ra wa'aba mono da, duré uburé asimirosa'rata wẽ na si, 're aihâimana u'âsi za'ra wa'aba mono da. Wanhib'apito Zezu Cristu hã apâ wei wazô morĩ za'ra wapsi, te za iwẽ na si hã ai'madâ'â za'ra wa'wa za.

1 Timotiu 3:5

Ni'wa hã isõrõwa 're, 're ihâimana za'ra mono norĩ 're nomro wẽ mono da, te te 're 'madâ'â pese za'ra mono õ nherẽ, e niha te za tawamhã õ hã 'Re ihâimana u'âsi mono zazei'wa norĩ hã te te 're 'madâ'â wẽ za'ra duré, 're nomro wẽ mono da, ta norĩ zama. Tãma hã waihu'u õ di za tô.

1 Timotiu 5:5

Pi'õi mrotõ ma, sena na danhimipawaptobzé tãma ihâimana'õ hã te za 'Re ihâimana u'âsi mono zô si 're simnhasi, marĩ na te te 're pawapto mono da. Bâtâ na te za tãma 're mreme u'âsi, bara na zama, marĩ na te te 're pawapto mono da.

Titu 3:8

Te aima irowasu'uzé hã tô sena. Tahawa, te za isazei'wa norĩ ma 're i'aroti mo, marĩ wẽ na te te 're dapawaptob u'âsi za'ra mono da. Te aima 're irowasu'u mono zé hã wẽ uptabi di, dama 're irowẽ za'ra mono zéb da hã.