1 Corĩtu 6:16 - ꞌRe Ihâimana Uꞌâsi Mono Zadawa Wasuꞌu

¹⁶ Duré aibâ hã pi'õ iwa'âbâ zô 're isisõmri mono hâiba hã te te sina hâiba to wamhã, ihâiba hã misi ne oto, maparane ihâiba nherẽ. E ãne hã zahadu aima waihu'u za'ra wa'aba õ di bété. Duréihã 'Re ihâimana u'âsi mono zadawa 'mahârâ'wa, ma tô ãne na imreme na ãma rob'ui'éré, pi'õi wasu'u na hã: “Aibâ hã pi'õi me siré 're simi'wara mono wamhã, ihâiba hã misi ne oto, maparane ihâiba nherẽ. Misi tô oto ihâiba zahuré hã.”

1 Corĩtu 6:16 ပူးပေါင်းရင်းမြစ်များ

Zenezi 2:24

Ãne wa, te za aibâ, timama tina me te te 're rẽme zahuré, timro me si, sina sihâiba sitom haré 're hâimana zahuré mono da oto. Tawamhã te za maparane ihâiba nherẽ, misi dahâiba ne oto siré 're hâimana zahuré.

Zenezi 34:31

Tane nherẽ, ma te ãne asa hã ãma sada'âbâ za'ra: — Wahidiba taré pi'õ, iwa'âbâ zô 're isisõmri mono ne, da te tãma rob'manharĩ nherẽ, marĩ wa te wasiwi 'manharĩ ãna iwahâimana za'ra da hã waihu'u õ di.

Zenezi 38:15

Tawamhã Zuda, tisani'wa te te 'madâ'â wamhã, ma tô pi'õ, iwa'âbâ zô 're isisõmri mono ãma rosa'rata, ubu ubu ré sãmra wa.

Zenezi 38:24

Tawamhã a'amo si'ubdatõ ãma si'utõrĩ wamhã, ma tô Zudaha ma tãma 'maiwasu'u ni ãne: — Asani'wa, te siwa'ru dahâimanazém na hã 're hâimana. Tahawa, ma tô tiwasã. Tawamhã Zuda te ãne asa tãma tinha: — Hâiba ré, pré asiwi 'rãmi aba da, te za 'ri nho'õmo 'wawi wa'ra nhiti rob u we asiwi iwazere 'wa, pi'õ hã.

Marcu 10:8

Sina hâiba sitob zahuré wamhã, maparane ihâiba nherẽ, misi ihâiba ne, te za siré 're hâimana u'âsi zahuré oto.

1 Corĩtu 6:3

Duréihã 'Re ihâimana u'âsi mono ma, hâiwa ãma romhuri'wa norĩ hã tiwi isipizari za'ra hã, wa za duré wapire na tãma rowairébé za'ra ni isiré, za da'ãma isipo'ozéb ãma hã. E ãne hã zahadu aima pibui prã za'ra wa'aba di bété. Tahawa, ti'ab ré, marĩ wa, wasisada 're wahâimana za'ra mono wamhã, wa za wawaimri wa te wasima 're rowaihu'u za'ra, apâ wa te wasima ãma 're rowẽ zani za'ra mono da. Ãne wamhã, wa za tô wa te wasima ãma 're uwaimrami za'ra.

Éfézu 5:31

Ãne iwasu'u na rob'ui'éré hã: “Dasina 're damro za'ra mono wamhã, dahâiba maparane nherẽ, te za oto dahâiba misi ne damro me si dasiré 're dasi'ubumro.”

Hebreu 11:31

Duré Ra'abi hã pi'õ aré iwa'âbâ zô 're isisõmri mono hã, 'Re ihâimana u'âsi mono si te te sina 're i'umnhasi mono zéb zarina, ma tô wapsãi'a'wa norĩ hã tinhorõwa u 'mazasi wẽ zahuré, ti'ai wẽ zô pi'uriwi dama robzabui'wa norĩ hã. Tahawa, 'Re ihâimana u'âsi mono hã te te dazu wĩrĩ õ di Ra'abi hã, 'ri nho'õmo ãma uburé 'Re ihâimana u'âsi mono nhimiroti 'madâ'â'õ'wa norĩ zu hã.

Zuize 16:1

Tawamhã Sãsã, nimahã bâtâ na ma tô mo, 'rinho'u Gaza na isisi u hã. Tahawa, tame ma tô pi'õ siwa'âbâ zô 're isisõmri mono hã 'madâ. Taha ré ma tô nomro.