Wa norĩ hã wasiré isazei'wa norĩ hã, isazei'õ'wa norĩ hâimanazé, wa te wasiwi 're waihu'u za'ra mono wa, wa te wasiwi 're iwẽ'õ za'ra mono da hã, 'râwi 're wasipisutu za'ra mono õ di za. Mare di. 'Re ihâimana u'âsi mono si, te za Zezusihi zazei'õ'wa norĩ hã te te 're awaihu'u, te te siwi 're i'awẽ'õ mono da hã. E tawamhã, ni'wam norĩ hã rowahutu u asiré 're asi'rã'õtõ aba mono nherẽ, marĩ iwasédé hã te te 're i'manharĩ za'ra mono zéb zarina, asiwi 're wẽ'õ za'ra wa'aba mono õ di za. Te za tô asiwi 're iwẽ'õ za'ra wa'aba mo, asiré 're aihâimana za'ra wa'aba mono wa. Duréihã 'Re ihâimana u'âsi mono zadawa 'mahârâ'wa hã ma tô ãne na ãma rob'ui'éré, ibaihâ na hã: “Ni'wam norĩ hã 're nomro wasété mono wamhã, te za oto asisiti tãma 're irob'ru za'ra wa'aba mo, asiré wa'aba 're hâimana za'ra mono tõ da.”
1 Corĩtu 5:3 - ꞌRe Ihâimana Uꞌâsi Mono Zadawa Wasuꞌu3-5 Wa hã ai'rata ĩnhamra aba õ nherẽ, wa tô romhâ hawim nherẽ, te ãma 're rosa'rata u'âsi, aibâ 're ihâimana wasété mono ãma hã. Tane nherẽ, ai'rata ĩnhamra za'ra wa'aba ne, wa za aima ãma roti za'ra wa'wa. Ãne wa tô waihu'u, Wanhib'apito Zezu Cristuhu zadawa para. Tahawa, te za misi bâtâ na asi'rã'õtõ 'wa, aibâ zada. Tawamhã asiré sébré aba wamhã, ĩnhimirosa'rata zarina, duré Wanhib'apito Zezu Cristuhu zadawa para, te za aibâ iwasédé hã asiwi isa'réi wa'wa a'â asisiti za'ra wa'aba, Satanasihi ma, ta hã te te tãma 're rob'manharĩ wasété mono wa, robzei'õ te te sina waihu'u da, tiwasédé hã te te oto rẽme pese da, tihâimana wasété na isiwaihu'uzém na hã. Ãne da, te za asiwi isa'réi wa'wa a'â, Satanasihi ma, Wanhib'apito hã nimahã bâtâ na apâ wei morĩ wapsi, te te sõ'reptu da. အခန်းကိုကြည့်ပါ။ |
1 Corĩtu 5:3
6 ပူးပေါင်းရင်းမြစ်များ
Ni'wam norĩ hã asiré wa'aba, 're ihâimana za'ra mono norĩ hã te ãne te te sima 're ĩbâsi za'ra: “Paulu hã wa'rata sãmra ré hã, waimri na ihâimana, duré wama za'ra hã isasi õ. Wanhiti romhâ na 're hâimana mono wapsi, te mreme pahi ãna te te wama 're anharĩ, tinhimi'ui'éré na si.” E ãne hã ĩma 're hâimana mono bâ. Mare di. Wa hã Paulu, wa za oto aima ãma roti za'ra wa'wa. Ĩwapari pese za'ra wa'aba za. Cristuhu nhisi na, wa za ãma aima roti za'ra wa'wa ãhã na hã, ta hã simizawi pese wa, duré atãma na 're hâimana u'âsi mono wa. Marĩ da, 're sisapẽtẽ waihu'u mono õ di, ta hã.
Tane nherẽ, asiti wahâimana za'ra wa'aba ré, wanhimi'ui'éré na wamreme tete sina, wa te aima ãma iroti za'ra wa'aba zéb zarina, wa za duré wahâimana pire na hã ai'rata wahâimana za'ra wa'aba ni, apâ ãma atẽme za'ra wa'aba wane wamhã. Ãne hã ma'ãpé wa'ãma waihu'u za'ra wa'aba, rosa'rata na wa'ãma i'upa za'ra wa'aba norĩ hã.
Maparane ãma, ĩmorĩ na te ãma atẽme sahu za'ra wa'aba wamhã, wa tô aima waihu'u siromo za'ra wa'wa, aiwasédé 're i'manharĩ u'âsi za'ra wa'aba mono norĩ, za te i'aihâ za'ra wa'aba zém na hã. Ĩnhimi'ui'éré na, wa za oto ãne na aima ãma sahu za'ra wa'wa, asiti za'ra wa'aba ĩhâimana nherẽ. Ãma atẽme ĩmorĩ aba wamhã, ĩnhimi'ahârizé hã te aima ba'a za'ra wa'aba õ di za, aiwasédé 're i'manharĩ u'âsi za'ra wa'aba mono norĩ ma hã, duré ĩza'u si tiwasété zô 're isipizari za'ra mono norĩ ma zama.
Ai'rata ĩnhamra aba õ nherẽ, ĩpẽ'ẽ na wa tô te ai'ãma 're rosa'rata u'âsi za'ra wa'wa, 'râwi asiré 're ĩhâimana za'ra wa'aba mono ne. Cristu hã asina 're i'umnhasi za'ra wa'aba mono zém na, simisutu asiré 're aihâimana nhiptete za'ra wa'aba mono wa, wa ai'ãma 're ĩtoi u'âsi za'ra wa'wa, romhâ na nherẽ.
Wasisãnawã norĩ, isazei'õ'wa norĩ nhimirob'manharĩzéb zarina, wasi'aba'ré na aihawi za'ra wa'aba, wasi'aba'réi wamhã, asiti za'ra wa'aba, wa a'â 're wasi'ubumro. Tane nherẽ, ai'rata 're iwasi'ubumroi u'âsi aba mono ne, wa wanhimirosa'rata na wa te ai'ãma 're rosa'rata wẽ u'âsi za'ra wa'wa. Awa'awi hã wapẽ'ẽzé uptabi na, wa 're wahâimana za'ra. Tahawa, apâ atẽme wasihutu su'u aba da, wa tô wasima waihu'u za'ra ni, wa te asabu za'ra wa'aba da.