1 Corĩtu 3:23 - ꞌRe Ihâimana Uꞌâsi Mono Zadawa Wasuꞌu

²³ Duré a norĩ wa'wa hã te Cristuhu ma si 're aihâimana za'ra wa'aba mo, isib'a'uwẽ na hã. Ta hã, 'Re ihâimana u'âsi mono te te pisutu wa, ma tô wei mo ti'ai u, Danho'reptui'wa da hã. Tahawa, Cristuhu nhib'a'uwẽ na si, te za asima 're asiwasu'u za'ra wa'aba mo. Wanhib'a'uwẽ na, asima 're asiwasu'u za'ra wa'aba mono õ di za.

1 Corĩtu 3:23 ပူးပေါင်းရင်းမြစ်များ

Mateu 17:5

Tawamhã ãne Pedru te te tãma nharĩ ré, ma tô hâiwa nhirõno hã we hâiba zuwa za'ra, Zezusi norĩ hã. Tawamhã hâiwa nhirõtõ zarob'a hawi, ma tô 'Re ihâimana u'âsi mono hã mre, ãne: — Ã hã ĩ'ra, te 're isawi pese mono. Tãma 're ĩto za'ẽtẽ mono di. Ma'ãpé isimiroti hã 're wapari pese za'ra wa'aba mono za.

Zuwã 17:18

A hã we datẽme ĩzatõrĩ ne, wa za oto datẽme satõrĩ za'ra, te te dama 're ĩzadawa wasu'u za'ra mono da.

1 Corĩtu 11:3

Tane nherẽ, wa ĩsima wẽ, waihu'u za'ra wa'aba da, ãne: Cristu hã uburé aibâ norĩ nhib'apito, te 're hâimana. Duré aibâ norĩ hã uburé timro norĩ nhib'apito, te 're hâimana za'ra. Duré 'Re ihâimana u'âsi mono hã, te Cristuhu nhib'apito na hã 're hâimana.

1 Corĩtu 15:23

Cristu hã ma tô tihâiwa'utu na'rata. Niwa ti'ai u, za we apâ dazô morĩ wapsi, te za isib'a'uwẽ norĩ hã tihâiwa'utu za'ra.

1 Corĩtu 15:28

'Re ihâimana u'âsi mono hã te za te te 're da'apisutu, Cristuhu nhimi'madâ'â si oto 're dahâimana za'ra mono da. Tawapsi, te za oto ti'ra hã pisutu 'Re ihâimana u'âsi mono hã, isapari 're hâimana mono da oto, Imama si te te oto 're da'ab'madâ'â u'âsi mono da, danhipai u dama pire uptabi na.

1 Corĩtu 8:6

Tane nherẽ, te siwaprosi wama 're hâimana, 'Re ihâimana u'âsi mono si, wasiré wa te 're isaze za'ra mono norĩ ma hã. Ta hã uburé Wamama, 'Re ihâimana u'âsi mono hã. Taha ma si, wa oto 're wahâimana za'ra. Wanhib'apito si te duré siwaprosi 're hâimana, Zezu Cristuhu si. Taha si, ma tô Timama zadawa para te te ro'apoto. Taha nhimipawaptobzéb zarina si, ma tô 'Re ihâimana u'âsi mono hã te te 're wa'anho'reptu, õhõ ãma si 're wahâimana u'âsi za'ra mono da oto.

2 Corĩtu 10:7

Atõmo na wahâiba mana wawi, asiwi 're iwa'madâ'â za'ra wa'aba mono zéb zarina si, ma tô asiwi 're iwawẽ'õ za'ra wa'aba mo. Ni'wam norĩ hã asiré wa'aba, 're ihâimana za'ra mono norĩ hã te ãne na te te si'ãma 're rosa'rata upa za'ra 'râwi: “Wa norĩ si, wa Cristuhu zadawa para, wa te 're romhuri za'ra.” Ãne na asi'ãma rosa'rata za'ra wa'aba ze te bâ, ma'ãpé apâ asi'ãma rosa'rata pese za'ra wa'aba. E marĩ wa. Wa norĩ zama, Cristuhu zadawa para dama romhuri'wai wa.

Galata 5:24

Cristu Zezusihi nhib'a'uwẽ 're idahâimana za'ra mono norĩ hã, tiwasédé hã aré te te 're 'manharĩ ze za'ra mono nherẽ, duré tiwasété zô aré te te 're rowasutu za'ra mono nherẽ, 'râwi te za tô oto te te siwi 're wẽ'õ pese za'ra, te te 're 'manharĩ za'ra mono tõ da hã oto.