1 Corĩtu 16:7 - ꞌRe Ihâimana Uꞌâsi Mono Zadawa Wasuꞌu

⁷ Ãma atẽme ĩwisi za'ra wa'aba wamhã, ai'rata ĩnhamra hutu za'ra wa'aba da, te ĩsina roti õ di. Ai'rata ĩnhamra hâ za'ra wa'aba da si, wa tô ĩsima wẽ. Ãne na dâ'âsina, awa'awi ãma atẽme ĩwisi aba õ di za. Nimahã na si, wa za ãma atẽme ĩmorĩ za'ra wa'wa. Tawapsi, wa za ai'rata ĩnhamra hâ za'ra wa'wa, Wanhib'apito hã te te ĩma pisutu pese wamhã.

1 Corĩtu 16:7 ပူးပေါင်းရင်းမြစ်များ

Provébiu 19:21

Dapẽ'ẽ 're, da te 're irowa'õtõ za'ra mono zé hã ahâ di. Tane nherẽ, Uburé Danhib'apito te te dama 're i'apisutu mono zéb zarina si te za tô dama 're wairébé.

Mateu 3:15

Tawamhã Zezusi ma te asa ãne ãma tãma wa'rã: — Wẽ nherẽ, tane hã tô aré. Tane nherẽ, te za tô a hã ĩma i'manha, 'Re ihâimana u'âsi mono te te wama ipisutuzéb zarina, wa te wasina uwaimrami da. Tahawa, Zuwã hã ma tô ãma saze. Duré te te ãma sazei wa, ma tô â dawabzuri hã Zezusihi ma 'manha.

Zezusihi zadawa wasuꞌuꞌwa norĩ nhimiromhuri na robꞌuiꞌéré 18:21

Tahawa, ma tô tãma nharĩ za'ra asa, ãne: — 'Re ihâimana u'âsi mono te te ĩma waihu'u wapsi, wa za we atẽme ĩmorĩ 'wa apâ. Tawamhã rowa'u'u na uba'renem na ma tô oto mo, Éfézu hawi.

1 Corĩtu 4:19

Tane nherẽ, Wanhib'apito te te ĩma pisutu wamhã, wa za tô ãma atẽme ĩmorĩ su'u za'ra wa'wa, romhutu na. Ni'wam norĩ hã 'Re ihâimana u'âsi mono nhib'a'uwẽ 're nomro mono wamhã, timreme nhipese na Cristuhu wasu'uwẽ na te te dama 're rowasu'u za'ra mono õ di za, da te 're wapari ze za'ra mono da. 'Re ihâimana u'âsi mono pẽ'ẽzani, tiwaihu'u pese na te te 're ipawaptob za'ra mono zém na si, te za te te 're dapawaptob za'ra, da te ãma 're saze za'ra mono da. Taha zarina si, te za ãma 're hâimana wẽ u'âsi za'ra, ta norĩ hã. Tahawa, ãma atẽme ĩmorĩ za'ra wa'aba wamhã, wa za ĩsina aiwaihu'u za'ra wa'wa, aiwaihu'u pese na 'râwi 're i'asi'madâ'â ze za'ra wa'aba mono norĩ hã. 'Re ihâimana u'âsi mono pẽ'ẽzani, tiwaihu'u pese na te te 're aipawaptob za'ra wa'aba mono zéb zarina, sena na 're idapawaptob za'ra wa'aba mono na, wa za duré ĩsina aiwaihu'u za'ra wa'wa, sena na ãma 're idapawaptob za'ra wa'aba mono õ na zama. Asina 're aiwata za'ra wa'aba mono sina, aiwaihu'u pese na dama 're asiwasu'u za'ra wa'aba mono zép si, te waihu'u tõ da, wa za ãma atẽme ĩmorĩ za'ra wa'wa, sena na 'Re ihâimana u'âsi mono pẽ'ẽzani nhimipawaptobzéb zarina, 're aihâimana za'ra wa'aba mono na si, 'râwi te aiwaihu'u za'ra wa'aba da, ĩsi'uihâ na.

2 Corĩtu 1:15

'Re ĩhâimana mono zém na, ĩwẽsãmri za'ra wa'aba newa, wa tô aré ĩsima rowẽ, ã hawi Masédonia na danhipti'a nho'õmo nhisi hawi, apâ ĩmorĩ wamhã, ãma atẽme ĩmorĩ aba na, te sahu da duré. Masédonia u we ĩmorĩ 'rata wa, ãma atẽme ĩmorĩ aba ne, duré ãma atẽme ĩwisi aba da, te asabu na sahu za'ra wa'aba da, wa tô ĩsima rowẽ aré. Ãhã wamhã, te aré asiwi ĩpawapto wa'wa, Zudéa u ĩmorĩzéb da hã. Ãhã 'wa'âhã, te aré tô oto maparane ĩnhimipawapto wẽ zé hã tihâiba aima za'ra wa'aba, ĩnhimiromhuri na hã.

Tiagu 4:15

Tahawa, te za ãne si asima 're asiwasu'u za'ra wa'aba mo: “'Re ihâimana u'âsi mono te te sima 're wa'awẽ mono wamhã, marĩ wa te 're i'manharĩ za'ra mono da hã, wa za tô wa te 're 'manharĩ za'ra.” Ãne te za asima 're asiwasu'u za'ra wa'aba mo.