1 Corĩtu 16:1 - ꞌRe Ihâimana Uꞌâsi Mono Zadawa Wasuꞌu

¹ Isazei'wa norĩ ma, rob'uiprazé hã asiwi i'rã'õtõ aba zéb da na, wa za oto aima ãma roti za'ra wa'wa. Galasia na danhipti'a nho'õmo nhisi ãma isazei'wa norĩ, daza'rui mono bâ siré 're isi'rã'õtõ mono norĩ ma, te tãma iroti za'ra zém na, wa za aima ãma roti za'ra wa'wa, duré a norĩ wa'aba zama ãne hã 'manharĩ za'ra wa'aba da.

1 Corĩtu 16:1 ပူးပေါင်းရင်းမြစ်များ

Zezusihi zadawa wasuꞌuꞌwa norĩ nhimiromhuri na robꞌuiꞌéré 11:28

Agabu na aibâ nhisi hã te ime timorĩ za'ra, tisiré isadawa wasu'u'wa norĩ me. Tawamhã Ãtioquia u sihutu wamhã, Agabu hã ma tô hâiwi za. 'Re ihâimana u'âsi mono pẽ'ẽzani te te tãma iwaihu'uzéb zarina, ma tô dama waihu'u siro romhâ ré, amnho hã daro mono bâ za dawi isi'utõrĩ mono na hã. (Roma ãma danhib'apito Claudiu hã te te dama 're roti mono ré, ma tô ãne hã tô da'ãma tiromhâiba, amnho õ na hã.)

Zezusihi zadawa wasuꞌuꞌwa norĩ nhimiromhuri na robꞌuiꞌéré 11:30

Tawamhã ma tô te te tãma po'o. Tawamhã Banabé norĩ hã ma tô iré satõrĩ zahuré ni Zeruzalẽ u, Sauluhu me, tame da'madâ'â'wa norĩ ma, te te sõmri zahuré da, isibzari za'ra hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:6

Tawamhã Paulu norĩ hã ma tô ai'aba'ré, Prizia na danhipti'a nho'õmo nhisi wa'wai baba, duré Galasia na danhipti'a nho'õmo nhisi wa'wai baba. Tane nherẽ, 'Re ihâimana u'âsi mono pẽ'ẽzani hã ma tô sadawa uwati za'ra, Azia na danhipti'a nho'õmo nhisi ãma iwasu'uwẽ na te te dama rowasu'u za'ra tõ da a'â.

Zezusihi zadawa wasuꞌuꞌwa norĩ nhimiromhuri na robꞌuiꞌéré 18:23

Tawamhã Ãtioquia ãma sãmra parimhã, ma tô duré mo Paulu hã, Galasia na danhipti'a nho'õmo nhisi wa'wai baba, duré Prizia na danhipti'a nho'õmo nhisi wa'wai baba. Daza'rui wa'wai baba 're morĩ ré, ma tô Zezusihi zazei'wa norĩ hã te te 're apawapto, hâimana nhiptete na si 're nomro mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 24:17

Te duré tãma siwasu'u, ãne: — Zeruzalẽ nhiti 're ĩmorĩ ré, ma tô ĩ'ãma tiwahub ahâ. Tawamhã tamomo wa oto apâ mo, danhibzari hã te âri da, ĩsiré norĩ ma, te sõmri da. Duré danhimizama hã da te isimro hã 'Re ihâimana u'âsi mono ma, te sõmri da, ãma ĩwata da, wa tô apâ mo.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:13

Tawamhã Anania te asa tãma tinha, ãne: — Ĩnhib'apito, da'ahâ na ma tô ĩma wasu'u za'ra ni. Õ hã, u, Zeruzalẽ ãma ma tô iwasédé hã te te ãma 're ab'manharĩ, asazei'wa norĩ ãma.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:41

Tahawa, Pedru hã ma tô pa'â, te te iwahutu na hã ãma sime da, hâiwi para na sab da. Tawamhã wahutu wamhã, Pedru ma tô dazô hâ, uburé Zezusihi zazei'wa norĩ zô, duré imrotõ norĩ zô zama, ihâiwa'udu hã te te siwi 'madâ'â da. Tahawa, ma tô oto siwi 'madâ ihâiwa'udu hã, tihâibazém na apâ hâimana wa.

Roma 12:13

Asiré isazei'wa norĩ wi, marĩ zô tiwi 're irowaptâ'â za'ra mono zéb zarina, te za asimarĩ na 're ipawaptob za'ra wa'aba mo. Duré darob amoi hawi atẽme wa'aba 're dasihutu mono wamhã, te za sô 're atob'uzu za'ra wa'aba mo, asiré isazei'wa norĩ zô hã, asõrõwa u 're 'mazasi za'ra wa'aba mono da.

1 Corĩtu 11:34

Ni'wam norĩ hã asiré 're ihâimana za'ra wa'aba mono norĩ hã, mra te te 're simroi mono wamhã, tinhorõwa ãma si te za a'â tisa hã te te 're huri. Taha parip si, te za oto asitẽme 're aihutu aba mo, asiré 're asi'rã'õtõ aba mono da. 'Re ihâimana u'âsi mono hã te te siwi 're aiwẽ'õ za'ra wa'aba mono tõ da, te za ãne si i'uwaibaba 're i'manharĩ za'ra wa'aba mo. Nimahã na, ãma atẽme ĩmorĩ aba wapsi, wa za aimawi na aima ãma roti za'ra wa'wa, rob'ui'éré na we asiwi ĩzadanharĩ za'ra wa'aba zém na hã.

1 Corĩtu 16:15

Estéfanasihi ãma, wa za oto aipo're pu'u za'ra wa'wa, isõrõwa ãma isiré 're ihâimana za'ra mono norĩ ãma zama. Ta norĩ hã ma tô sazei 'rata za'ra, Ataza na danhipti'a nho'õmo nhisi ãma, 're isi'ubumroi mono norĩ hã. Ta norĩ hã, 'Re ihâimana u'âsi mono nhib'a'uwẽ 're ihâimana za'ra mono norĩ hã simi'ẽ na te te 're pawaptob u'âsi za'ra mono da si, ma tô 're si'madâ'â za'ra. Ãne hã aima waihu'u pese za'ra wa'aba di. Tahawa, ĩsisãnawã norĩ, ta norĩ nhimiroti hã te za 're i'madâ'â pese za'ra wa'aba mo, isiré norĩ hã simi'ẽ na te te 're iromhuri pese za'ra mono norĩ nhimiroti zama.

1 Corĩtu 4:17

Taha da, wa tô Timotiu hã atẽme satõrĩ za'ra wa'wa, te te ãma 're aipawaptob za'ra wa'aba mono da. Ta hã ĩ'ra ne, oto ĩma 're hâimana mono wa, ĩma sawi uptabi di duré. Ta hã te Wanhib'apito si te te 're 'madâ'â pese, tiwi sipi'rai ãna. Ta hã atẽme wisi aba wapsi, te za Cristu Zezusihi ãma si 're ĩhâimana mono zém na ãma aipo're pu'u za'ra wa'wa, daro mono bâ isazei'wa norĩ hã 're isi'rã'õtõ mono norĩ ma, te 're iroti mono zém na zama.

Galata 2:10

Ãne si ma tô wama waihu'u za'ra, Tiagu norĩ hã, Wanhib'apito zazei'wa norĩ isimarĩ'õ norĩ hã wanhimarĩ na wa te 're pawaptob u'âsi za'ra mono da, 're wapo're simrami za'ra mono ãna. Ãne zô, wa ĩsima te 're rosa'rata u'âsi, iwẽ na si te 're da'apawapto mono da.

Filemo 1:7

A hã ĩno. Ĩma asawi di. 'Re asimizawi pese mono wa, ĩto ti. Duré ĩtoi uptabi di, ĩpẽ'ẽ 'remhã. Tahawa, ĩma rowẽ uptabi di. Duré uburé isazei'wa norĩ hã robze na oto 're si'ubumroi mono wa, marĩ na a hã 're apawapto mono wa, ĩtoi uptabi di, aima.

Hebreu 6:10

'Re ihâimana u'âsi mono hã taré te te dama 're aropisutu mono õ di. I'uwaibaba si te uburé marĩ hã te te dama 're ab'manharĩ, te te dawi ãma 're a'upai mono ãna. Tahawa, tãma 're iromhuri za'ra wa'aba mono zém na hã ãma 're po're si'âri waihu'u mono õ di za. Isib'a'uwẽ norĩ hã tãma 're ipawaptob za'ra wa'aba mono zém na hã, duré tãma 're isawi pese za'ra wa'aba mono zém na hã, ãma po're si'âri waihu'u õ di za. Te za tô ãma 're sipo're pu'u u'âsi, ta norĩ ãma hã.

1 Zuwã 3:17

Ni'wam norĩ hã marĩ, tãma 're hâimana za'ra mono nherẽ, marĩ zô dawi 're iro'wanhi'riti za'ra mono na te te 're dawaihu'u za'ra mono nherẽ, da'ãma 're pẽ'ẽzé za'ra mono õ wamhã, e ta norĩ hã 'Re ihâimana u'âsi mono nhimizawi pese zéb ré te 're hâimana za'ra. Mare di. 'Re ihâimana u'âsi mono nhimizawi pese zé hã te te 're waihu'u za'ra mono õ di, ta norĩ hã.