1 Corĩtu 15:41 - ꞌRe Ihâimana Uꞌâsi Mono Zadawa Wasuꞌu

⁴¹ Bâdâ hã bété. Ta hã 'madâ'â ze ti. Wẽ uptabi di. A'amo hã 'madâ'â zei uptabi di duré. Uburé wasi hã hâiwa na 're isimasa mono hã, 'madâ'â ze ti duré. Tane nherẽ, uburé aiwapsi 're hâimana za'ra mono õ di, i'madâ'â ze da hã. Duré uburé wasi norĩ hã aiwapsi 're simasa mono õ di, i'madâ'â ze da hã.

1 Corĩtu 15:41 ပူးပေါင်းရင်းမြစ်များ

Zenezi 1:14

Tawamhã 'Re ihâimana u'âsi mono te duré tinha ãne: — Hâiwa na te te 're irob'uiwẽ zahuré mono da hã wa za oto aimawi pisutu zahuré, ihâiba amo hã bâtâ na da hã duré ihâiba amo mara na da hã, bâdâ hã duré wahu hã duré rob'ré te hã duré tãi pĩni na'ratazép te hã da te ãma 're iwaihu'u za'ra mono zéb da hã.

Salmu 8:3

Wa hã hâiwa u te a'madâ'â wamhã, asimipoto norĩ hã, a'amo hã, duré wasi norĩ, tite mono bâ 're isimasa mono i'aza'ra hã,

Luca 19:19

— Tahawa, te isib'apito hã asa tãma tinha, ãne: “Tane tô. 'Ri ahâ hã imrotõ na, wa za aima pisutu za'ra, tame 're da'ab'madâ'â mono da.”

1 Corĩtu 15:40

Duré, hâiwa ãma 're ihâimana za'ra mono norĩ hâiba hã aiwab õ di, ti'ai ãma 're idahâimana za'ra mono norĩ hâiba ne hã. Hâiwa ãma si, dahâiba hã wẽ uptabi di. Duré 'madâ'â zei uptabi di. Ti'ai ãma dahâiba hã wẽ nherẽ, duré 'madâ'â ze nherẽ, aiwab õ di, hâiwa ãma dahâiba ne hã.

1 Corĩtu 15:42

Tane duré, za niwa 'Re ihâimana u'âsi mono te te ida'ahâiwa'utuzé hã. Amnho hã da te 're zuri mono wamhã, itomhâ 're si'utõrĩ mono wapsi, te za 're 'wanhipré za'ra. Tane duré, ti'ab ré, 're dadâ'â za'ra mono pari, ab're 're, da te oto 're danheme mono wamhã, te za tô 're dahâiba si'utõrĩ za'ra. Tane nherẽ, 'Re ihâimana u'âsi mono te te oto da'ahâiwa'utu wamhã, dahâiba hã aiwa dama 're hâimana za'ra mono õ di za oto. 'Re dahâiba si'utõrĩ za'ra mono ãna, te za oto iré 're dahâimana u'âsi za'ra, õne u'âsi.