1 Corĩtu 15:34 - ꞌRe Ihâimana Uꞌâsi Mono Zadawa Wasuꞌu

³⁴ Ni'wam norĩ hã asiré 're ihâimana za'ra wa'aba mono norĩ hã 'Re ihâimana u'âsi mono hã 'râwi te te 're waihu'u za'ra mono õ di. E ãne na 're siséb za'ra mono ãna. Asimiza'rese ãna 're aihâimana za'ra wa'aba mono zém hawi, te za oto aipizari za'ra wa'wa, aiwasédé hã rẽme pese za'ra wa'aba da, aiwẽ uptabi na si 're anomro aba mono da oto.

1 Corĩtu 15:34 ပူးပေါင်းရင်းမြစ်များ

Salmu 119:11

Aimreme hã wa tô ĩsima te 're tété ĩpẽ'ẽ 'remhã, ĩwasédé te aiwi 're 'manharĩ tõ mono da.

Salmu 4:4

Nimahã na asiti'ru za'ra wa'aba wamhã, ma'ãpé taha zarina 're aiwasété za'ra wa'aba mono tõ. Duré asiwaprosi asimiwaptâ ãma ari'iwi pese 're asimi'wara aba mono wamhã, te za asimirosa'rata na 'râwi 're asi'madâ'â za'ra wa'aba mo.

Zuéu 1:5

Ma'ãpé âzé hâsi za'ẽtẽ 'wa norĩ, atopo'o za'ra wa'aba! Duré rob'rãi wa'u isé zei'wa norĩ, ma'ãpé ai'utu za'ra wa'aba, ai'ru'ru wa'aba da. E marĩ wa. Uwa 'rã hã ma tô oto ai'utõrĩ pese. Tahawa 're i'âhuri aba mono da hã tô oto 'maihâimana õ di.

Zona 1:6

Tawamhã uba're 're, da'madâ'â'wa hã ma tô tame sõpẽtẽ, sõtõ ré. Tahawa, te ãne tãma tinha: — E niha te a hã aiprédu ma asõ. Ai'utu, rowaptẽrẽ da, ate ihâiba'õ ãma 're i'aiwata mono wi, te te aipawaptob da. Ãté ta hã te za wa'ãma tipẽ'ẽzé za'ra, wasi'utõrĩ tõ da.

Mateu 22:29

Tawamhã Zezusi hã asa te tãma nharĩ za'ra, ãne: — Ab're hawi apâ 're idahâiwa'utu za'ra mono zé wasu'u na, 'Re ihâimana u'âsi mono nhimiroti 'rata na rob'ui'éré hã aima iwaihu'u za'ra wa'aba õ zarina, ma tô ãma i'upa za'ra wa'wa, asimirosa'rata aba na hã. 'Re ihâimana u'âsi mono, tiwaihu'u pese na te te 're ida'ahâiwa'utu mono zé wasu'u na zama, aima iwaihu'u za'ra wa'aba õ zarina, ma tô asimirosa'rata na ãma i'upa za'ra wa'wa.

Zuwã 5:14

Tawamhã 'ri 'wawi wa'ra 're, ma tô aibâ hã sõpẽtẽ Zezusi hã, 'Re ihâimana u'âsi mono nhorõwa ãma. Te te sõpẽtẽ wamhã, ãne te aibâ ma tinha, Zezusi hã: — Ma tô oto aséptâ, ãhã na hã. Tahawa, aiwasédé hã 're 'manharĩ mono õ di za oto, 're 'manharĩ u'âsi mono wa, marĩ iwasété uptabi aima 're hâimana mono õ'umnhasite.

Zuwã 8:11

Tawamhã te pi'õ hã asa tãma tinha, ãne: — Maze di. Ni'wa hã sab õ di, te te dama ĩ'ru da, da te dasiwi ĩwĩrĩ da hã. Tahawa, Zezusi te duré asa tãma tinha, ãne: — Tane tô. Wa hã te duré dama ai'rui õ di za, da te dasiwi aiwĩrĩ da hã. Mo oto aimorĩ. Aiwasédé hã 're 'manharĩ zahu mono õ di za.

Roma 1:28

Dapo're'õ na 're idanomro mono norĩ hã, 'Re ihâimana u'âsi mono nhimiroti tô sena hã te te siwi 're wẽ'õ pese za'ra mono wa, te za 'Re ihâimana u'âsi mono hã te te 're arẽme, si'uihâ na te te sima 're irosa'rata wasété za'ra mono zéb uwaibaba si, tiwasédé hã te te 're 'manharĩ u'âsi za'ra mono da.

Roma 13:11

Zezusi hã we apâ wazô imorĩzéb u hã romhuture di oto, te te iwanho'reptu za'ra zé hã te te oto wama i'rãsutu za'ra da hã. Cristu hã duréi, wa te wasina 're i'umnhasi na'rata za'ra mono hawim nherẽ, romhuture di oto, wama hã. Tahawa, te za oto asimiza'rese 're aihâimana za'ra wa'aba mo, darési ãna 're idanhotõ za'ra mono ne, asimiza'rese ãna 're aihâimana tõ za'ra wa'aba mono da. Ãne na ti'ai ãma 're iwahâimana hutu za'ra mono zé hã aima waihu'u pese za'ra wa'aba di. Ãne wa, te za 're idazawi pese za'ra wa'aba mo.

1 Corĩtu 4:14

E ãne na te aima iroti za'ra wa'aba zé ma, asiséb za'ra wa'aba da, wa tô ãne na aima ãma rob'ui'éré za'ra wa'wa. Mare di. Taha dai õ di. Taré ĩnhimiroti hã waihu'u pese za'ra wa'aba da, wa ãne na aima ãma rob'ui'éré za'ra wa'wa, ĩ'ra ne oto ĩma 're aihâimana za'ra wa'aba mono wa, ĩma asawi uptabi za'ra wa'aba wa.

1 Corĩtu 6:5

Ĩnhimiroti ma, aséb za'ra wa'aba da nherẽ, wa ãne na aima rowaihu'u za'ra wa'wa. E asiré isazei'wa, 're 'maihâimana mono ã bâ bété, aiwasété za'ra wa'aba na aiwaihu'u aba 'wa da hã.

1 Corĩtu 8:7

Tane nherẽ, ni'wam norĩ hã isazei'wa na oto 're hâimana za'ra mono nherẽ, ãne na te te waihu'u za'ra õ di ta norĩ hã, rosa'rata nhib'uware na si 're hâimana za'ra mono wa. Te te 're saze za'ra mono õ ré, romhâiba 'manharĩ ãma, aré dame ãma 're wata u'âsi za'ra mono wa, te zahadu ta hawim haré te te ãma 're rosa'rata u'âsi za'ra, romhâiba 'manharĩ ãma hã, 'Re ihâimana u'âsi mono ne, waihu'u pese newa. Tahawa, dasa hã romhâiba 'manharĩ ma, da te 're isõmri za'ra mono hã te te duré dame 're huri mono wa, te ta norĩ hã rosa'rata na te te ãma 're upai u'âsi za'ra, ãne: “Ã hã dasa hã romhâiba 'manharĩ ma, da te 're isõmri za'ra mono na, 're wasaihuri mono wamhã, wa za wawasédé hã wa te ãma 're 'manharĩ za'ra.” Ãne te za ta norĩ hã 're siwẽ'õ za'ra, tinhimirosa'rata nhib'uware na 're hâimana za'ra mono wa. Romhâiba 'manharĩ hã 'Re ihâimana u'âsi mono ne, waihu'u pese newa, dasa hã da te tãma 're isõmri za'ra mono hã te te dasiré 're huri mono wamhã, te za ãne na hã 're siwẽ'õ za'ra, ta norĩ hã.

1 Tesalonita 4:5

'Re irowasutu za'ra wa'aba mono zô si asima 're rob'ruiwapari za'ra wa'aba mono õ di za. Ta hã, isazei'õ'wa norĩ 're ihâimana za'ra mono zé, 'Re ihâimana u'âsi mono te te waihu'u za'ra õ wa.